شورية الشعيرية بالبندورة...+ سلطة عالمية إسمها نيسواز ...

**أم أيموني** · 08-07-2007, 01:01 AM

السلام عليكم ورحمة الله وبركاته،،،

هاي الشوربة كنت منزلة طريقتها من زماااااااان .. بس بدون صور وهلأ صورتها مع بعض التغيير فيها ..

هاد الرابط ..

شوربة البندورة بالشعيرية

والتغييرات يلي عملتها هي :

* بدل اللحمة المفرومة أو كور الكفتة كان عندي شوية عجينة كبة .. كورتها كور صغيرة وقلبتها مع البصلة ..

* حطيت عصير بندورة طازج + علبة الصلصة

* زدت شوية بهارات وقرفة ناعمة ونص مكعب ماجي

* في الآخر أضفت بقدونس مفروم

وبس هاي هي واتركم مع الصوره ..

]

شو رأيكم ؟

يعني بلحمة مفرومة أو كور كفتة أو كور كبة لذيذة .. وهاي شوربتي المفضلة خاصة في رمضان..

يتبع السلطة ..

**أم أيموني** · 08-07-2007, 01:25 AM

وهاي السلطة عالمية إسمها نيسواز عجبتني وانا بتصفح كتاب أناهيد بس لازم أحرف .. والمقادير مقاديري..

المقادير:

- 6 بيضات مسلوقين
- 2 حبة بطاطا حجم وسط مسلوقين
- 2 علبة تونه مصفاه من الزيت
- 1 حبة بندورة كبيرة مقشرة
- شرحات جبنة شيدر
- شوية زيتون أسود
- بيبي كاروت (الجزر الصغير) بدك ياه عادي بيقرش أو مسلوق أنا خليتو بيقرش
- نص كوب ذرة مسلوقة

الصلصة:
- خل أبيض
- ملح
- فلفل أسمر
- زيت زيتون
- زعتر ناشف

التعديلات يلي عملتها :
أنا أضفت الذرة + الجزر+ شرحات الجبنة
وهي كانت حاطة فاصوليا خضرا مسلوقة

وفي الصلصة:
أنا أضفت الفلفل الأسمر وكترت زيت الزيتون
وهي كانت حاطة خردل ديجون وانا ما كان عندي فما حطيت..

الطريقة:

بعد سلق البيض قطعت الحبة إلى نصفين
والبطاطا بعد السلق قشرتها وقطعتها لمكعبات
البندورة قطعتها شرحات وبين كل الشرحات حطيت شرحات الجبنة
والباقي مبين ترتيبهم بالصور وانت ممكن تتفنني على كيفك ..

وبالنسبة للصلصة أنا خلطت كل المقادير مع بعضها وبعدين صبيتهم على الصحن بالترتيب فوق المكونات..

وبس هاي هي كتير طيبة ولذيذة ومفيدة وجديدة.....

وأخليكم مع الصوره....

وسلامتكم...

**أم فئ** · 08-07-2007, 04:49 AM

1000 شكر لك

ويعطيك 1000 عافية

**طيـــف** · 08-07-2007, 09:48 AM

الله يسامحك!

الله يسامحك الله يسامحك الله يسامحك

شكل السلطه! بجننن
مع اني ماكلتها جاهزه بس ابدااااااااااااااااااااااااااا موهيك سلطلتك رووووووووووعه رووعه

يسلمو ايديكِ فعلا ولا الشوربه اشي مو طبييعي

سلمتي ودمتي لنا

**sara17** · 08-07-2007, 08:20 PM

والله جعت تسلم ايدك رايحة اكل لحد ما اجيب مكونات الشوربة والسلطة مشكوووووووووورة يا ام ايموني

**أم أيموني** · 08-07-2007, 08:38 PM

كتبت بواسطة أم فئ

1000 شكر لك

ويعطيك 1000 عافية

1000 أهلا وسهلا يا غالية .. نورت الموضع ....

كتبت بواسطة طيـــف

الله يسامحك!

الله يسامحك الله يسامحك الله يسامحك

شكل السلطه! بجننن
مع اني ماكلتها جاهزه بس ابدااااااااااااااااااااااااااا موهيك سلطلتك رووووووووووعه رووعه

يسلمو ايديكِ فعلا ولا الشوربه اشي مو طبييعي

سلمتي ودمتي لنا

ليش؟ أنت الأروع يا غالية ... الله يسلمك ويوفقك ويسعدك وينولك اللي في بالك يارب...

كتبت بواسطة sara17

والله جعت تسلم ايدك رايحة اكل لحد ما اجيب مكونات الشوربة والسلطة مشكوووووووووورة يا ام ايموني

خسا الجوع حبيبتي هاي الجاط قدامك كلي زي مابدك ...

العفو حبيتبي.. وبإنتظار تطبيقك ..