عجة بالصينية.. مممممممممممم لذيذة ومفيدة

مرحبا يا حلوات ..

إمبارح سويت على العشا عجة وكل مرة بعملها بقول بدي انزلها بس هالمرة قلت لازم تشوفوها وتذوقوها.. وعلى فكرة شوفو المكونات بتعرفو قديش فيها فوائد...

وهاي القطعة عشان تشوفوها من الداخل كيف شكلها..

شو رأيكم؟ بدكم الطريقة ولا الصور بتكفي؟

يلا المقادير:

1 ضمة بقدونس مغسولة ومفرومة فرم ناعم
1 ملعقة كبيرة شبت مفروم
1 حبة كوسا مبشورة خشن
1 حبة بطاطا مبشورة خشن
1 فيفلة حلوة أو حراقة مبشورة خشن
5 بصلات خضرامفرومة فرم ناعم أو 3 بصلات مفرومين فرم ناعم
ربع كوب حليب سائل
ربع كوب طحين
6 بيضات كبار
ملح / فلفل أسمر/ بهار/كمون/قرفة /جوزة الطيب (حسب الرغبة بس لا تكتري)
عيار غطاء زجاجة الخل خل أبيض
نص ملعقة بيكنج باودر + رشة كربونات الصودا
سمنة لدهن الصينية
بقسماط لرش الصينية بعد السمنة...

هلأ الطريقة:

نخلط كل المقادير يدوي (مش بالخلاط بالخفاقة وباليد) مع بعضها جيداً حتى يتجانس الخليط ..

ندهن الصينية بالسمنة ونرش عليها بقسماط ونصب عليها الخليط ونضعها بالفرن لمدة نصف ساعة أو حتى تبدأ الأطراف ومن اعلى بالإحمرار ويجب أن يكون الفرن حامي..

تقطع وتقدم مع سلطة خضرا أو لبن .. (أنا قدمتها مع تبولة ) ..

وريتو صحة والف هنا...

ما شاء الله باين عليها لذيذه و اكيد مفيده

تصدقى ان شاء الله هاعملها اليوم

تسلمى حبيبتى

تسلم ايدك على الوصفه الرااائعه
انا بعملها كثير وكثيييير طيبه
الله يعطيك الف عافيه

جزاك العلي القدير كل الخير ....

وبارك الله فيك ...

يعطيكي العافيه

يسلموا هلا ديات والله العجة طيبة ومتل ما قلتي كتير مفيدة

امممممممممممم فعلا شهية وغنية يسلم الانامل حبيبتي ام ايموني

انا بعملها بس اضيف لحم مفروم و بدون خل

تسلم الايادي كتير طيبة و مفيدة

تسلم ايدك

شكلها بشهي
سلمت يمناك