واخيرا وصل ساندوتش الطعبورجر من مطبخ برنسس لك1 لام شادى

**برنسس لك1** · 26-08-2009, 12:52 AM

اهلين وسهلين بالحبايب
انهارده انا بدعت بالطعميه
علشان يحرموا يدخلونى المطبخ وانا صايمه
المهم الطعميه اتهيأتلى انها همبورجر
وعملتها بحشوين

الاول نتكلم عن العجينه الاساسيه
المكونات
2 كوب فول مدشوش مبيتاه فى مايه سخنه
بصله مبشوره
4 فصوص توم مدقوقين
حزمة كسبره وحزمة شبت
ملح وفلفل وكسبره ناشفه
م ص بكنج بودر او بيضه

الطريقه
اضرب المكونات من غير الفول فى الكبه جامد
واضع عليه بعد كده الفول وانزل ضرب بالكبه لغايت لما يكون ناعم جدا جدا وبينفش مع الضرب وبيدخل فيه هوا كتير علشان يكون هش من جوه لازم يا جماعه يضرب جامد
وبزوده م ص بكنج بودر او بيضه
حلو الكلام ///// كلام جميل
وعملت حشو وهو بصل متبل بالملح والفلفل والكمون على النار بمعلقة زيت او سمنه وقليل من الماء علشان يستوى البصل
واحضر التحاضير وهى طبق عجينة الطعميه وشوية زيت وسمسم والبصل وجبنه شيدر او رومى

وعملت طعميه ساده
بليت ايدى فى الزيت واخدت عجينه ورشيت على وشها سمسم وقلبت فى الزيت الغزير الحار

وتانى نوع حشيته بصله

وثالث نوع حشيته بصله وجبنه
وطعمه يجنن وعليه بازنجان مخلل وطماطم

واتمنى ان تنال اعجابكم واعجاب ست الكل ام شادى

**ليبيا قلبى** · 26-08-2009, 01:00 AM

تسلم الايادى ياعسل
وكل عام وانتى بخير

**لبنانية بجدة** · 26-08-2009, 01:05 AM

تسلم ايدك
شكلها يشهي
رمضان مبارك

**ماما الاء** · 26-08-2009, 01:17 AM

يا ختي عليك طعبوجر حتة وحدة
والله مفروض يحرمو عليك دخول المطبخ من اليوم لسنين قدام من العذاب اللي تعمليه فيهم وفينا
عذاب مش شكل وبس كمان عذاب بالكلام والتسميات والحركات
واتخيل اني اكل الطعبورجر مع الزيتون اللذيذ يمي يمي
يسملو ايديك حبيبتي فعلا اختارع تحفة
الله يسلم ايديك يا قمر
والف صحة وعافية عليكم
والف شكر لحبيبتي ام شادي على الملف الرهيب اللي وصلنا لطعبورجر

**(( ام ماهر ))** · 26-08-2009, 01:51 AM

اه الحلو ديه اه الطعامه ديه اه الجمال ده يا عسل

طعميه تحفه يا قمر والسندويش روعه طلب سريع يا غاليه

سندويشتين للسحور يا قمر بالبريد السريع اذا ممكن

جزاك الله كل خير

**أم شادى** · 26-08-2009, 01:52 AM

الله الله الله بسم الله ما شاء الله
ايه السندوتشات اللى تجنن دى شهتينى حبيبتى
تسلم الايادى الجميله و تتحرم على النار
بجد رائع يا غاليه و سحور شهى بالف هنا
ربنا يباركلك و يعطيكى الصحه و العافيه
و بالف هنا و شفا للولاد يا رب
مشاركه رائعه من ابنه اروع
الف الف شكر حبيبتى

**ســــــــــاندي** · 26-08-2009, 01:58 AM

هههههههههههه طعبورجر والله ضحكتيني
تسلمي يا قمره على التشكيلات الجميلة دي

**amal250** · 26-08-2009, 02:05 AM

الله يعطيكى الف عافية يارب
وتسلمى على الوصفة الجميلة
وبالهنا والعافية على قلوبكم يارب
بس معلش واحد على السريع فى الصاروخ جو ارض
وياسلام لو محشى شطة اممممممممممممم