تويت
¨°o.O ( مضافة ركن الأمومة والطفولة ) O.o°"الضيفة الثانية
-
تابعوا برنامج انتقاء وارتقاء للمدربة
جواهر القعيطي على ركن النافذة الاجتماعية
وركن مدرستي بيتي الثاني
وركن الأمومة والطفولة
تبحثي عن التميز ؟؟
V
V
V
كوني مميزة -
ضيفة اليوم هي رائعة بكل معاني الكلمة
سعيدة لتعرفي عليها عن قرب.
وسعيدة لتواجدها بيننا
فهي ام مثالية ورائعة ومبدعة
جعل الله ذريتها قرة عين لها
اشتقتم لمعرفتها ؟
ام ادهوم
تابعوا برنامج انتقاء وارتقاء للمدربة
جواهر القعيطي على ركن النافذة الاجتماعية
وركن مدرستي بيتي الثاني
وركن الأمومة والطفولة
تبحثي عن التميز ؟؟
V
V
V
كوني مميزة -
السلام عليكم ورحمة الله وبركاتهبطاقتك الشخصية :الاسم: ام ادهمالسن:34المؤهل العلمي:بكالوريوس هندسة /قوى وآلات كهربيةالمهنة:ربة منزلالجنسية: مصرية واعيش في الامارات
عرفينا بنفسك كأم
كم طفل لديكطفلين ربي يحفظهمأدهم و يامن
وماهي اعمارهم ؟أدهم: خمس سنوات و9شهوريامن :سنتين الا شهر
ماهي الطرق التي تعتمدي عليها في تربية اطفالك ؟دايما بشوف امي قدامي وبشوف ازاي كانت بتربينا وبحاول اعمل زيها ربنا يخليها ليا ويحفظها ويبارك في عمرهاوالوسطية في كل شئ احسن الطرق للتربيةلا اشد ولا ارخيبس ادعولي اقدر وابطل عصبية بس الحمد لله بحاول امسك نفسي علشانهم لان دايما بقول ده الوقت اللي بيكونو فيه الذكرياتوعايزة اسيب ليهم ذكريات سعيدة معاياهل تستمعي لنصائح من حولك من اهل وصديقات وجارات وتطبقيها بحذافيرها ؟
ام انك تمتلكي خط محدد لك ولزوجك في تربية اطفالك؟
طبعا بستمع لنصائح امي واختي الكبيرة وحماتيبس مش بطبقها بحذافيرها دايما ,,يعني بشوف ايه اللي يناسب اطفالي وظروفهم وبعمله وللاسف مليش جارات هنا كتير او صديقات,,, لكن انتم خير اخوات وصديقات وبستفيييد كتير منكم بجد ,,,
لازم استمع للنصائح واسعى ليها كمان
ماهي اجمل اللحظات التي تكوني فيها سعيدة وانت مع اطفالك ، النوم ، اللعب ، الطعام أو غيرها ........؟ربنا يحفظهم يارب كل الاوقات بكون سعيدة معاهمطبعا الا اوقات لما اكون معصبة منهم يا ساااااتر ببقى عايزة ارميهم في الشارع هههههههههههبس اكتر وقت بكون سعيدة لما هما بيكونوا سعداء وبيضحكواويبلعبو ا ,,,,ولما اجيب لهم اواعملهم حاجة ويفرحو بيها يا سلااااااااااام الدنيا ما بتساعني ساعتها واللهوعلشان اكون صريحة وقت لما بيكون يامن نايم علشان اقدر اعمل حاجة مع ادهم نذاكر نحفظ قران لانه ما شاء الله عليه مش بيخلينا نعمل اي حاجة وهو صاحي هههههههه
أول مارأيت مولودتـ/ك بعد الولادة ماهي مشاعرك التي راودتك حينها ؟
يا سلام غمضت عيوني ورجعت لاجمل لحظه يارب ما تحرم حد منها ياربولدت قيصري وكان بنج كلي,, واول ما فوقت سالت عن ادهم وسالت ماما ,,هو كويس قالتلي زي القمر ما شاء الله( هو شبه ابوه هههههه)وجابته لعندي وبوسته ومسكت ايديهطبعا كنت فرحانه كتييييييييييروكان احساس غريب حسيت المخلوق النونو ده بقا ليا ان الحمد للهانا جبته للدنيا الله يعينه عليهارغم التعب في الولادة والالم اول اسبوع بس كانت مشاعر جميلة
ماذا تعني لك كلمة براءة الطفولة ؟الطفولة هي البراءة فعلابراءة الطفولة هي عفوية وقلب ابيض ,,حنية,, ضحكة صافية,,,حضن دااااااااااااااااااااااااااااااافي وبوسة على الخد ,, لمسة ايد ناعمة صغنونه تمسك ايديكي بقوة وحنية,,فرحة لخروجة او فسحة او شراء شيكولاته ههههه,,بكاء يجعلنا نبكي حتى لو على شئ بسيط,, ولما يتخبوفي حضنك من اي حاجة تخوفهمباختصارالبراءة هي اطفالنا الله يحميهم
-ما هي اصعب مرحلة عمرية في تربية الاطفال
وما هي الصعوبات برايك
متهيألي كل المراحل ههههههههههههطبعا كل مرحلة فيها صعوبتهايعني مرحلة الرضيع طبعا قلة نوم ورضاعه بس تقدري تدخلي المطبخ (مثال)حتى لو صاحي اهو جنبك وشايفكنبتدي الحبو يا سلاااااااااام ابني كبر ما شاء الله نام اكتر ,,,بس اقفلي باب المطبخ وارفعي كل ما تطول يده ههههههالمشي يا نهااار ابيض ابني بقا اكبر ما شاء الله ونومه بقا تماام بس اجري وراه والحقي المزهرية ,,,اكمل؟؟؟؟ ,,, ههههههههههربنا يحميهم كل وقت وله صعوباتهولسة بستكشف انا,
-موقف مضحك لاحد اطفالك
يامن بيحب الرز بلبن(طالعلي هههههه) وبيرفض اني ااكله المهم سيبته دقايق ادهم صرخ وقال تعالي يا ماما بسرعه روحت لاقيت خير اللهم اجعله خير كل حاجة ابيض في ابيض ,,,هو ما اكلش الطبق هو بقا بيشيل الرز بايده ويمسح التليفزيون والترابيزة(الطاولة) زجاج وليها درج بقت كلها ابيضوهو وهدومه والموكيت هههههههده مكنش طبق الظاهر اخد الحلة كلها وانا معرفشالمهم زعقت شوية واستغفرت ربي ونضفت
وموقف اخافكربنا يحفظهم ياربكنا في العين من 3 سنين وطلعنا قمةجبل حفيتوطبعا عاملين سياج حديد ولسة يادوب واصلين وبنتفرج ونشوف العين من فوق القمة مفيش دقيقتين والله ,,ادهم دخل راسه بين سيخين حديدوجه يخرج راسه ما خرجتش انا دمي نشفي وكل اللي بقول ادهم يا احمد ادهم (احمد ده زوجي ههههه)وكان معانا ابن عميوابن عمي الله يسامحه كان بيحاول ينط من على السياج وده خطيييييييييييييييييييييييييير يعني يحاول من الجهة التانية(كل ما اتخيل شكله وهو بينط السياج اموت من الخوف )بس الحمد لله ما نطش ,,,جوزي كان طلع راس ادهم بس بعد ايه ,, هو هادي ما شاء الله عليه عكسي تماما بقا يرفع راس ادهم وينزلها لانه زي ما دخلت هاتخرج بس ودانه كانت المشكله ههههههالمسأله ما اخدتش خمس دقايق بس كانت يجي خمس ساعاتبعدها اخدت ادهم وقعدنا في العربية هو يعيط وانا اعيط وماشوفتش العين من على القمة هههههههههه
-مالشئ المهم الذي تركزين عليه لغرسه باطفالك بعد الدين طبعا
والله هو كفاية الدينيعني لو غرست فيهم كل ما قاله ديننا الحنيف يبقى مش هايحتاجوا حاجة تانيةكل الاخلاق بينص عليها القرآن والسنةالحمد لله على نعمة الاسلامبس بعد الاخلاق يجي العلموطبعا مهم جدا التعليمومش بس التعليم في المدرسة ,,العلوم المختلفة والثقافه يعني بحب اتكلم مع ادهم عن مواضيع مختلفه بشكل بسيط ولما يسالني بحاول اشرح له ,,, وما شاء الله الاولاد اليومين دول عندهم معلومات كتير واسئلة اكتر
ونشكر لك مشاركتنا في مضافتناانا اللي بشكركم على الاستضافة الرائعهواللي قربتني منكم اكتر واكترويارب اكون ضيفة خفيفةلكم مني كل الود
تابعوا برنامج انتقاء وارتقاء للمدربة
جواهر القعيطي على ركن النافذة الاجتماعية
وركن مدرستي بيتي الثاني
وركن الأمومة والطفولة
تبحثي عن التميز ؟؟
V
V
V
كوني مميزةتعليق
-
لقاااء من اروع ما يكون غاليتي ام ادهم
بجد استمتعت وانا اقرا ردودك
رااائعة بكل معنى الكلمة
اعجبتني كلماتك عن براءة الطفولة
وضحكت من قلبي على الرز بحليب
ونشف دمي بموقف العين هههههههههههههه
مش مشكلة خسرتي شوفة منظر العين من فوق بس كسبتي سلامة ابنك ربي يحفظه
ربي يحفظك واولادك وزوجك غاليتي
سؤال ممكن؟؟؟
اكيد ممكن لذلك هسأل هههههههههههه
بما انك مهندسة ماشاءالله
هل تحبي احد ابنائك ياخذ نفس مجالك؟؟ ولا هتسيبيهم براحتهم؟؟تعليق
-
الله يخليكم يارب ويخليلكم احبابكم،
اهلا مام شوفتي اللي جرالي،،، ههههههه شكرا على كلامك الجميل
بالنسبة لسؤالك،،،، هارجع ارد عليكي دلوقت انا خارجة دلوقت،،،
Sent from my GT-I9100 using منتديات لكي النسائية**اللهم احفظ اولادي وبارك فيهم واجعلهم من عبادك الصالحين وحفظة قرآنك الكريم والعاملين به**
آمين آمين آمين
اللهم انصر الاسلام والمسلمين في كل مكان
تعليق
-
-
مقابلة راااااائعة وأنا من فترة ملتفت نظري عليكي وحابة اتعرف عليكي عن قرب شرفتينا ونورتي سؤال : مابتتمني تشتغلي بمجال دراستك ؟؟؟تعليق
-
إجاباتك حلوة أم أدهوم
سعيدة بالتعرف عليكى يا قمر
ربنا يخليلك الحلوين يارب وتفرحي بيهم
مواقف الطفولة فعلا لا تنتهي
سواء المضحكة أو المفزعة
هم يتصرفو بعفويتهم وبراءتهم
واحنا ندفع الثمن
تعليق
-
لقاء أكثر من رااائع
بوووووركتِ أخيتي أم أدهم
وربي يحفظلك أولادك من كل شر
وجزاكِ الله خيراً يا أم سهيلوأخيراً عدت لـ منتداي الحبيب ................
اشتقت لكن جميعاً.....................
تعليق
-
السلام عليكم
ما شاء الله لقاء رائع مع ام حنون وطيبة
الله يبارك بيك وبصغارك ويحميهم لك من كل شرتعليق
-
اولا ام سهيل شكرااااااااااااا ليكي على استضافتك ليا والله اتبسطت كتييير وانا بكتب وأرد على الاسئلة
جزاك الله كل خير ربنا يحفظك ويحفظلك اولادك**اللهم احفظ اولادي وبارك فيهم واجعلهم من عبادك الصالحين وحفظة قرآنك الكريم والعاملين به**
آمين آمين آمين
اللهم انصر الاسلام والمسلمين في كل مكان
تعليق
-
اهلا حبيبتي مام معلش كنت مستعجلة ,,,,,
ربنا يخليكي يارب ,,, اسعدتني كلماتك كتير تسلمي يارب ويخليلك اولادك
بالنسبة سؤالك ,,,, وطبعا تقدري تسألي ونص ههههههه
مش انا بس اللي مهندسة ابو ادهم كمان مهندس ,,,, بس احنا هانسيبهم على راحتهم لكن اهم حاجه يكونوا متفوقين ان شاء الله وبعدين يختاروا اي مجال يحبوه,,,, ويتفوقوا فيه باذن الله,,,, يعني لازم يذاكروا غصب عنهم ههههههههههههه وبعدين يختارو مجالهم بس طبعا مجال مفيد ,,,
**اللهم احفظ اولادي وبارك فيهم واجعلهم من عبادك الصالحين وحفظة قرآنك الكريم والعاملين به**
آمين آمين آمين
اللهم انصر الاسلام والمسلمين في كل مكان
تعليق
-
حبيبتي الله يخليكي,,,, تسلمي يا قمر
والله شرف ليا اني لفت نظرك وليا الشرف اكتر اني اتعرف عليكي يا حبيبة قلبي
وبالنسبة لسؤالك
والله انا اشتغلت شوية قبل الزواج بس تركته كان شغل خاص مش في الحكومه يعني هههههههه وابويا الله يخليه مكنش بيوافق على التاخير
وحاولت اشتغل في الحكومة بس للاسف كنت ايام الفساد هههههههه قدمت وامتحنت ونجحت واترفضت,,, الحمد لله
ومن حوالي شهرين ابويا قالي انه في فرصه عمل طبعا في الحكومه وانا جوزي فكرنا وكنا عايزين نرجع مصر وخلاص,,, بس يوم واحد ورجعت في كلامي علشان اولادي,,, لاقيتهم هم بس اللي هايتعبو في الموضوع ده ,,,ورفضت الشغل ,,, صحيح بيصعب عليا تعبي في الجامعه ,,, بس دلوقت مفيش اهم من ولادي ربنا يحفظهم ,,, ويحفظ اولادك يارب,, رغيت كتير هههههه**اللهم احفظ اولادي وبارك فيهم واجعلهم من عبادك الصالحين وحفظة قرآنك الكريم والعاملين به**
آمين آمين آمين
اللهم انصر الاسلام والمسلمين في كل مكان
تعليق
-
الاحلي وجودك يا حبيبة قلبي
تسلمي يارب
انا اسعد بالتعرف عليكي
ربنا يخليلك اولادك يارب ,,,, ربنا يسعدك**اللهم احفظ اولادي وبارك فيهم واجعلهم من عبادك الصالحين وحفظة قرآنك الكريم والعاملين به**
آمين آمين آمين
اللهم انصر الاسلام والمسلمين في كل مكان
تعليق
تعليق