السلام عليكم

كيف الحال جميعا

أريد مساعدتكم لي

عندي قريبتي مطلقة وعندها اطفال

واصغر اطفالها بنت سنة اولى إبتدائي

المشكلة أنه بعد الطلاق صارت ماتدري عن الأولاد

هي بتصرف على البيت وعلى مدارسهم

الأب شايل يده من مسؤولية الأولاد

و قريبتي بتقول انا دخلتهم مدارس اهلية عشان مستقبلهم

حتى اولادها كل واحد عايش في نفسه

يعني اسرة متفككة

وقريبتي بتقول ماعندها استعداد انه تعمل كل شي

لأنها بتتعب تجي البيت قريب المغرب

وتدخل على غرفتها وتقفل على نفسها

وإذا جلست مع اولادها بس ضرب وصراخ

مافي احد يحترم أحد

ولدها الكبير هو الوحيد المحترم

أما باقي الأولاد الله الهادي

المشكلة عندها بنت كبيرة في الجامعه والولد كمان في الجامعه

طبعا البنت اهم شي عندها انها تخرج مع صاحباتها

بتقول انا مو أم أحد مالي صلاح في احد

انا كمان من حقي اخرج واغير جو

وبعدين انا عندي مذاكرة يعني ماراح اذاكر لأحد

هو الولد الكبير يلي بيحس بأخوانه الصغار

لأنه كمان في ولد صغير سنة 3 ابتدائي

المهم البنت الصغيرة اولى ابتدائي

ما بتعرف شي بتروح على المدرسة ماتعرف تكتب

ولا شي والمعلمة بتخاصمها غير الملاحظات

والأم بتجلس وتضرب اولادها أنا دخلتكم مدارس اهليه

و اضيع فلوسي عشان تطلعوا فاشلين

اكثر من مرة كلمتها قلتلها أنتي لازم يكون لك دور في البيت

امسكي بنتك علميها شوفي شو اخدت في المدرسة

انتي لازم تتابعي مع بنتك

وكالعادة لا حياة لمن تنادي

البنت تعودت على الكسل والإهمال ما بدها تذاكر و لا تمسك شنطتها

انا بروح ازورهم في الويك أند

بقولها تعالي حبيبتي اشوف شنطتك البنت بتصرخ وتبكي

تجي امها بتقولي خلاص اتركيها هي ما تبغى تذاكر معاك

والأم تصحى على نفسها يوم السبت

والبنت ياحرام كل شي مكتوب بالأحمر

الواجبات ناقصه ما تكتب شي

والأم تمسكها وتضربها

اعطوني حل ساعدوني

البنات في سنة أولى ابتدائي اكيد الحروف والأرقام

لها طريقة حلوة وسهلة عشان يتعلموا يكتبوا ويحفظوها

اللي تعرف طريقة حلوة ياليت تساعدني عشان اقدر اساعدها

ولو تعرفوا برامج حلوة ياليت تساعدوني كمان

ويعطيكم ألف عافيه

حبيبتي والله قلبي تقطع على العائلة
وخصوصا الاطفال
لا حول ولا قوة إلا بالله
طيب انتي كيف راح تعلميها
بس بالويك اند ولا كيف
لازم يا حبيبة متابعة يومية
ربي يعين

ان شاء الله الاخوات يفيدوكي اكثر
ينقل للركن المناسب

لا حول ولا قوة الا بالله
الله يهدي رفيقتكِ
الافضل تحكي معها وتقولي لها الاولاد محتاجينها
الامومة مو بس فلوس
الامومة حنان وقرب ودف وصداقة
اذا البنت الكبيرة تطلع مع صحباتها اكيد ما تعرف وين يروحوا ايش يسووا !!
والصغار بهالطريقة يضيعوا

انتي الله يكتب اجرك ان شاءالله
بس من رايي الاهم هو اقناع الام بالتواصل مع اولادها على الاقل بتخصيص يوم العطلة لهم

هنا دروس اطفال قد تفيدك غاليتي مع الطفلة

حصاد دروس روضة الرياحين

طالما الأسرة تعاني من مشكلة في العلاقات

الافضل لو بإمكانك تروحي للمدرسة وتتفاهمي معاهم انه هم يكونوا يد مساعدة
يكون شي جميل حلو لو المعلمة كمان تكون قريبة من طالبات الصف الاول مو بس تحشو المعلومات هي ام ثانية لهم
والافضل المرشدة الطلابية كمان تعرف بالوضع
الام بسبب الضغط اللي عليها وحبها انه ما يكون شي قاصر عليهم بتعصب

لكن عادي لو المدرسة عرفت انه الام بتجي للبيت في وقت متاخر عادي مو عيب


وربي ييسر امرها ويفرج كربتها

Sent from my LG-D855 using منتديات لكي mobile app