السلام عليكن اخواتي كل عام وانتن بالف خير وتقبل الله طاعتكن
ارجو من اخواتي من لها جربه او خبره بمشكلتي تفيدني وربي يجزيها الخير
انا ولدت من شهرين والحمدلله برضع طبيعي وابني بيشبع مني بالنهار هون مافي اي مشكله مشكلتي بتبدأ بالليل هلا ابني بيرضع اول رضعة بالمساء الساعة 8:00 المغرب ومافي مشكله بالرضعه بيشبع ولكن مشكلتي برضعه الساعه 10:00 المساء مابعرف شو يلي بيصير فيه بنكد كتير وبضل يرضع من صدري واذا بشيلو وبحطو بسريرو مابسكت ابدا لانو بدو يضل يرضع وهيك بضل للفجر رضاعة مستمره من الساعة العاشره مساء للفجر دون توقف بتوقف عن الارضاع فقط 5 او 10 دقائق بيرجع يبكي بكاء متواصل فبضطر اضل حاطة حلمتي بتمو منشان يسكت والله انه حلمة صدري صارت تؤلمني جدا منه فمن يومين صرت ارضعو من العاشره مساء للساعة 12 من منتصف الليل مع انو كتير هيك لاني بتعب ,وبعدها بعملو رضعة بالببرونه بيرضع 60 مل فقط طبعا انا مابستبدل رضعة طبيعيه باخرى صناعيه لأ بل افرغ اثديين من الحليب ثم اعطيه رضعه صناعيه , هل طفلي لايشبع بالليل؟المهم بعد مايرضع صناعي بيغفي وبينام للساعة السابعة صباحا هلا من يوم ما اعطيته صناعي بوجبه منتصف الليل اصبح يتمرد مابدو يرضع مني وخايفه من أنو ينفطم . جربت اعطية الحليب بالكوب بس مامشي الحال لانو ابني الله يرضى عنه عصبي وعجول فكان يتشردق فشو الحل اخواتي >هلا هاي المشكله بدأت بعد اتمامه شهره الاول فكان منذ نهايه شهره الاول كلشي تمام مع الرضاعة وزاد خلا ل الشهر كيلو وهلا انا مابعرف وزنه بشهره الثاني لان موعدة مع الطبيب بعد اسبوعين
استشرت الطبيب عن المشكله بس ماافادني حكالي ماتردي على البيبي رضعيه فقط نصف ساعة واعطيه المصاصه( اللهاية) بس والله يااخواتي مانفع معاه هادا الاسلوب
الروابط المفضلة