السلام عليكم
بارك الله بكم آل الطفولة على هذه السلسلة الرائعة
التي ستعود بإذن الله بالفائدة العظمى على جميع الأخوات زوار وأعضاء





لي تجربة بسيطة مع أبنائي في الصوم
ابني الكبير عمره 7 سنوات والثاني عمره 5.5
بدأت مع ابني الكبير من لما كان عمرو 4 سنين
ما كان يعرف شو يعني صيام بس كنت خليه برمضان يصوم للظهر
تقريبا 4 أو 5 من لما يفيق للظهر
الحمد لله كان متقبل فكرة الصيام بس مو فهمان ليش
المهم كان عندو الوجبة اللذيذة يلي بدي قدملو ياها ع الفطور تبعو





السنة يلي بعدها صار الصيام شبه اجباري مع شويه معلومات عن الصيام
وأهم معلومة كانت انو الصيام صحي لانو ابني كتير بحب يهتم بصحتو
وبقوي الجسم عدا الأجر والثواب من رب العالمين





السنة الماضية كان الصيام إجباري للظهر إلو ولأخو عدا يوم الجمعة كان اجازة
طبعا كان في كتير صعوبة اثناء صيامهم ونق طقيق
وهاد جوعان وهداك تعبان بس انا قاسية نوعا ما فما كنت رد عليهن
بهمني كتير يتعلو امور الدين وبحس انو لازم اقسى شوي ليحسو انو الصيام لازم وضروري
مو بأي وقت فينا نفطر
بس كنت على طول ذكرهن أديش إلهن اجر وثواب وحسنات





وكنت احكيلهن عن باب الريان
وخبرتهن انو هاد بس للصايمين عجبتهن الفكرة
حلو التخصيص و ان شاء الله يا رب يحقق مناهم
طبعا كان في حوافز مشان يكملو الصيام
مصاري مثلا وهدية ع العيد و كنت اعمل نوع حلو يلي بحبو
والفطور على كيفهن
وكنت اعمل حسابهن بكل شي ع الفطور وكأنو صايمين معنا
كان ابني الكبير يروح مع ابو ع الجامع يفطرو هنيك ويصلو المغرب





هي كانت خطوة كتير مشجعة لابني ليتمم صيامو للمغرب
من فضل رب العالمين صام يومين كاملين برمضان الماضي
وإن شاء الله يا رب يهون عليهن هالسنة





الله يهديهم يا رب
ويحفظهن
ويهون عليهن الصيام
ويحببوا لقلوبهن
هنن وجيمع اولاد المسلمين
يااااااا رب

تجربة قيمة ومفيدة يا غالية
ربنا يباركلك فيهم ويحفظهم من كل سوء

بارك الله فيكي ليزا لنقل تجربتكي لنا

ويارب هالسنة تصوموا وتعيدوا وانتم فرحانين
وربي مفرج كربكم غاليتي

للاولاد فيكي تعملي لهم جو منافسة في صيام رمضان

الله يبارك في اولادك
ويرزقك برهم يارب
ويثبتهم علي خطاه

تجربه حلوة ورائعه الله يحفظهم لك يارب ويهديهم ويهدي اولادنا اجمعين بس انا من رأيي انو ما تقسي عليهم حببيهم بالصيام وخليهم هم اللي يصرو عليه لان ابنك الصغير عمره خمس سنين ونصف الله يحفظه ويخليه يارب لانك بهذه الصرامه حتخليهم يصومو امامك بس اذا صح لهم يشربو او ياكلو وانتي مشغوله رح يعملوها لانهم اطفال وهذا الشيء حصل مع بنت اختي اجبرتها امها على الصوم وعمرها ٦سنوات اليوم الاول صامت واليوم الثاني برضو صامت بس دخلت المطبخ واختي تشوفها وشربت ماء وكمان اكلت لكن اختي عملت نفسها مش عارفه واليوم الثاني سكرت اختي المطبخ بالمفتاح اتبعي معاهم الصرامه بعد ما يصومو رغبه منهم ويتعودو عليه بعد هذا خلاص اشعريهم انو اجباري الصوم .
عفواً اختي بس هذا مجرد رأي لاني احس انو الصرامه في مثل هذهىالاشياء في هذا السن تولد ردة فعل عكسيه.
بارك الله فيكي وفي اولادك وهداهم وهدى اولادنا اجمعين.

كتبت بواسطة ام اروى 86

تجربة قيمة ومفيدة يا غالية
ربنا يباركلك فيهم ويحفظهم من كل سوء

الله يبارك فيك حبيبتي وباولادك
نورتي يا قمر

كتبت بواسطة MUM

بارك الله فيكي ليزا لنقل تجربتكي لنا

ويارب هالسنة تصوموا وتعيدوا وانتم فرحانين
وربي مفرج كربكم غاليتي

للاولاد فيكي تعملي لهم جو منافسة في صيام رمضان

اهلا مام
آآآآآمين يا ااااااااااااا رب الله يسمع منك

فكرت اعملهن منافسة بس الصغير بحس لساتو صغير مو خرج منافسة
اخو الكبير بشوفو من زمان كبير وواعي اما هو بحسو اصغر من اخو الصغير هههه
يعني ما بركز عليه كتير بس بحاول انو يتعلم
الله يهديه يا رب

كتبت بواسطة رودينا7

الله يبارك في اولادك
ويرزقك برهم يارب
ويثبتهم علي خطاه

آمين يا رب
تسلميلي يا قلبي
ويباركلك بأحبابك ويحفظهن من كل سوء

كتبت بواسطة ساكنة الغيوم

تجربه حلوة ورائعه الله يحفظهم لك يارب ويهديهم ويهدي اولادنا اجمعين بس انا من رأيي انو ما تقسي عليهم حببيهم بالصيام وخليهم هم اللي يصرو عليه لان ابنك الصغير عمره خمس سنين ونصف الله يحفظه ويخليه يارب لانك بهذه الصرامه حتخليهم يصومو امامك بس اذا صح لهم يشربو او ياكلو وانتي مشغوله رح يعملوها لانهم اطفال وهذا الشيء حصل مع بنت اختي اجبرتها امها على الصوم وعمرها ٦سنوات اليوم الاول صامت واليوم الثاني برضو صامت بس دخلت المطبخ واختي تشوفها وشربت ماء وكمان اكلت لكن اختي عملت نفسها مش عارفه واليوم الثاني سكرت اختي المطبخ بالمفتاح اتبعي معاهم الصرامه بعد ما يصومو رغبه منهم ويتعودو عليه بعد هذا خلاص اشعريهم انو اجباري الصوم .
عفواً اختي بس هذا مجرد رأي لاني احس انو الصرامه في مثل هذهىالاشياء في هذا السن تولد ردة فعل عكسيه.
بارك الله فيكي وفي اولادك وهداهم وهدى اولادنا اجمعين.

كلامك صحيح
بس يمكن انا ما وضحت منيح كيف بتكون قسوتي معهن
انا ما عم بجبرهن ع الصيام بالعكس هنن بصومو بكامل ارادتهن وبحبو يصومو اكتر وقت ممكن
انا بحاول ما خليهن يفطرو بنص الوقت أو يشربو مي مثلا لانو هنن صغار وعادي لازم نتساهل معهن لا ابدا
حابه انو يفهمو حتى لو كانو صغار ما بصير نقطع الصيام مشان عطشنا او جعنا
لازم نتحمل ونكمل والا وين الأجر
؟؟؟

شكرا اختي وصلت فكرتك
وان شاء الله يا رب يقدرني على تعليمهم بدون اي ضغوطات عليهم يا رب

نورتي يا قلبي

ماشاء الله عليك وعلى ولادك
ضروري كتير تعرف الام امور دينها مشان تبلش تفهمها لولادها من الصغر
الله يحفظك ياهم ويقرك عينك
تجربتك حلوة ومفيدة

اهلا لولو نورتي حبيبتي
تسلميلي يا رب
الله يخليلك اولادك ويحميهم يا رب