حبيباتي الأمهات الغاليات
حبيت انقل لكن تجربتي مع أولادي بنزع الحفاض
ابني رياض من لما كان عمره سنة ونص كنت بحاول اعلمه بس كنت احس انه ما بيفهم علي وكنت بوقتها حامل
فـ تعبت وما طولت معه وتركته قلت خليه بعد ما اولد احسن
وطبعا بعد ما ولدت كان صعب اني اعلمه حاولت مرتين وفشلت لانه كان بيغار جدااا من اخته الصغيرة وبيحاول يقلدها في كل شيء
فـ أيضاً تكاسلت وما علمته وتركته لحتى صار عمره تقريباً سنتين و 10 شهور
وقتها حسيت انه صار بيفهم وواعي وكان بيكره الحفاض
فـ فجأة ومن دون سابق إنذار قررت اشيل الحفاض واخليه يمشي بالبيت بدونه
وكنت كل 10 دقائق اخذه للحمام وطبعا وقتها كنت اشتريت له مقعد خااااص للأطفال
وكان مرة بيعمل ومرة لا
وعمل مرتين تحته فقط
وطبعا ما كنت اعيط واصرخ لما بيعملها على الارض
بس كنت احضنه واقوله حبيبي انت صرت كبير مثل ماما وبابا ولازم تعمل مثلنا
وطبعا ما كنت البسه حفاض بالليل لاني بعرف انه ما بيعملها على حاله لانه لما كان بالحفاض كان بيصحى الصبح وحفاضته نظيفة
وكمان لما كنت اطلع برا البيت ما كنت البسه حفاض بس كنت اخذ ملابس كثيييييرة اله
بس طبعا خروجاتي كانت قليلة جداااا وفقط للضرورة
وسبحان الله ما طولت مع ابني غير 10 ايام وصار كل ما بدو يروح للحمام يقولي
ولا مرة عملها تحته بعد هيك
والحمد لله ما تعبت معه ابداااااا يعني بعمر السنتين والـ 10 شهور كان ابني نظيييييييف من الحفاض
بالنهار وبالليل وخارج البيت
بوقتها حسيت حالي عملت انجااااااااااز ههههههههههه
بس الحمد لله ما تعبت معه ابداااا لانه كان وقتها بيفهم عليه وبيقدر بيتحكم بجسمه
وكنت اكافئه تقريباً كل يوم
وفي النهاية أتمنى أني أفدتكن ولو بالقليل من تجربتي المتواضعة
المهم انه الام تعرف متى ابنها او بنتها صاروا يفهموا هالموضوع
يعني لازم الطفل بيكون جاااااهز لحتى تقدري تبدأي معه ولو ما كان فاهم موضوع الحمام فـ من المهم
انه تتركه الأم فترة لحتى يكون هو جاهز جسدياً
ومثل ما بنعرف انه الأطباء بيقولوا الأفضل انه الطفل يكمل السنتين وبعدها تعودوه على الحمام
لانه قبل السنتين ما راح يكون فاهم حتى لو تعلم على الحمام بس لما يكبر راح يعاني
وما بيقدر يتحكم بأعضائه التناسلية
لي قريبة الآن عمرها بالعشرينات لما كان عمرها 9 شهور بطلت تعمل تحتها وكانت بتروح الحمام تعمل هناك
سبحان الله الآن من أقل شي
يعني اذا ضحكت بتعملها على حالها واذا كحت كمان يعني صارت تعاني بسبب الرخاوة اللي صارت عندها
أسأل الله أن يعيننا ويوفقنا لما يحب ويرضى
الروابط المفضلة