::: التقاط الروضات صور للاطفال دون اذن :::يستحق النقاش

أهلا أختى


أنا معاكى وبرأيك


ومش شايفة أنك بتبالغي


أكيد صور طفلك وتصويره حق شخصي إلك ورأيك وماحدا إله حق يعارض


كان ممكن تبدي رأيك لمدرسة ابنك وتقولي انك مش موافقة على عرض صوره على الفيس


هدا حقك وما بيزعل حدا


من فترة صار مع أختى نفس الموقف


بنتها ماشاء الله قمووورة كتييير وجدتها كانت حاطة صور ليها في موبايلها


جات واحدة من قرايبهم خذت الصور من موبايل الجدة من غير استئذان حتى وراحت نشرتها عالفيس


والناس تدخل وتعلق على البنت وقديش حلوة وشو اسمها


صديق زوجها اتصل بيه وقاله صور بنتك على الفيس


والادهى فيه صور في غرفة نوم اختى وعلى سريرها


الوالد بحت عن صاحبة الحساب على الفيس


وخلوها تشيل الصور بعد جدال


سبحان الله بعض الناس لا يحترمون خصوصيات غيرهم وحقوقهم الشخصية


ولسه بيزعلو ويعارضو


أنا أؤيدك الري تماما



وهذا حقك ولا تنحرجي أبدا من حقك برفض تصوير طفلك


تحيتى لك

وانا ايضا معك غاليتي
يعني تصور ابنك لا وتنزل صوره عالفيس من دون اذنكم؟؟!!!
يعني يمكن انتي نفسك ما تحبي تحطي صورة اولادك عالفيس بوك؟؟

برايي انو كان مفروض تستاذنكم اولا

يعني مهما كان صغار او كبار ما بيفرق الوضع
يعني حتى بالدول اللي تعتبر منفتحة وهالامر عادي عندهم يستاذنون اولا
اما بروضتي بنتي اول شي عملناه وقت التسجيل سالونا عادي ناخذ لها صور بالروضة ولا عندكم اعتراض؟؟؟

برايي حتى لو ما عندك مانع فمن التهذيب هو اخذ اذنكم اولا

انا متلك يا سوسو اول ما عرفت انصدمت وانقهرت كمان
بس بالاخر لقيت كل الروضات المحترمة هههه بجد بتعمل هيك

وصرت اتابع مع الوقت الصفحة
وبصراحة انبسط لانه ارى كل فغالياتهم مصورة وابني شو كان يعمل متزعج ولا مبسوط
وحبيتها الصراحة بالاخر

وعادي كل ام من اللي حوليه
سألتها طيب استأذنوكي قالوا وليش
يستأذنوا من غير سؤال

وفعلا Welcome to gaza
ههههه هيك طبع البلد
ربي يسعدك

الفعاليات عندنا


سواء في المدارس أو رياض الأطفال


ياإما يتم استدعائنا ونحضر ونشوف أولادنا على المباشر


متل ما صار اليوم بمناسبة عيد العلم استدعينا لحضور حفلة بروضة ابنى


ياإما تصور ونشتريها سيديهات وتفضل عندنا للذكرى


برأيي أحسن من تنزيل صور الاطفال عالفيس


أنا ضد هالفكرة

ياليت يعملوا كده والله او على الاقل يستأذنوا زي ما قالت مام
بس عندنا بغزة هيك بيعملوا وبدون استأذان وحتى حواري مع الامهات
كانوا يقولوا لي معقدة كثير هيك ما بينفع
وكل الولاد بتصوروا ليش ابنك لا

انا هﻷ واضعه ابني بروضو ملتزمة ما بتصور ابدا
وهذا الافضل بالنسبة لي

وربي يعين

كريمة شكرا للك
ماحدث لاختك مزعج
وكما قلت هو حق
ولكن المجتمع نفسه حتى الاهالي يعتبرونك معقدة وغريبة الاطوار لو فكرتي بهالطريقة
احس احراج و موقف غريب اروح احكي زي هيك
الله بعين
شكرا لمرورك الجميل



مام شكرا لك حبيبتي انت واضح انك في دولة اجنبية لانو لو دولة عربية مستحيل تستازن في تصوير بنتك يعني لو طرحتي الموضوع عالعرب حيحكولك
يختي خير ولادك من القمر جايين كل الناس عندها ولاد
وفعلا الزوق بيقول لازم يستازنو ولكن لمين تقولي
شكرا لمرورك الجميل

بنت الاحرار اهلا وسهلا خيتو عقولتك طبع البلد
وانا تخيلت حالي بسال الامهات استأزنوكي
تخيلت كيف نظرة الانسان الطبيعي تجاه الكائن الفضائي المريخي
كيف حتتوجه نحوي
وكما قلتي حكولك ليش الاستئزان يعني نفس الناس مش فارقة معهم
والافظع من هيك انو كما قلت انا والله ماعمري نزلت صور ولادي عالفيس بوك
لانو ببساطة صور خاصة و حتى لو اطفال هي خصوصيتي وحياتي واولادي والفيس بوك اصلا كاتب وبصراحة كل الصور و البيانات الشخصية مفتوحة عندهم ويشوفو كل اشي
حتى اني اموت وافهم الي بنزلو صورهم بنات وستات والادهى والامر الي بنزل صور مرته فرحان فيها عاساس انو عامل برايفسي ومافي الا العيلة
وين مخهم |؟؟؟
ماعلينا انا سكرت الفيس بوك وزهقت منو ومن هبله
وبالاخر الاقي ابني عالفيس بوك؟
الله بعين

وعلى راي مام السيدي هات والفيديو احسن وسيلة يكون صحاب الامر ممتلكين الصور والفيديو مش عالفيس كل من هب ودب

بنت الاحرار بدي اسالك شو روضة ابنك وين موقعها رسومها نظامها اساليبها ....... الخ كل المعلومات الممكنة وارقامها لو في مجال
ابعتيلي اياهم عالخاص
لانو روضة ابني هلأ مش كتير عاجباني وبنفكر نغيرها في التمهيدي لروضة ملتزمة دينيا اكتر
فارجو منك التفاصيل وبارك الله فيكي

سوسو يا سوسو


جيت على الجرح ياقلبو


عندنا رياض الاطفال يرسلوا اخر السنة الدراسية سي دي فيه صور الاطفال طوال افصل الدراسي واوقات الانشطة

لكن اللي يقهرك لما من الاهل يصوروا من وراك وينزلوها على لافيس وتفاجئي من البعيد انه صور ابنائك هناك والناس بتتفرج عليها

ويوم تتكلمي وتقولي لو سمحتوا ما تصوروا لانه رافضين فكرة التصوير ونشر الصور هنا وهناك

يقولوا لك ليش صغار حجبتوهم ليه ؟


ولا ولد ماراح يتحجب

او يزعلوا ويبرطموا لك

او من وراك تلاقي الجوال مرفوع بالدس وهاتك ياتصوير .

عدم احترام خصوصية الناس اصبحت هواية لكل البشر


انا عن نفسي لا انشر صور اولادي حتى اهلي يطالبوني بارسالها ارفض بحجة انه ابني مابيخليني اصوره

وهو فعلا بس امسك الكاميرا يسبقي بده يتفرج ع الصور.


معاك في انه يجب اخذ الاذن من الاهل في التصوير

ولا يحق لاي شخص غريب ان يصور الاطفال

حتى لو معلمته

بصفتها ايه تصور وتفرج الناس ع الصور

تلاقيها محل ما تروح تقول شوفوا طلابي

وشوفوا وشوفوا



والعين حق ما ادراك مافي قلوب الاخرين

وكيف هي نظرتهم.


موضوع رائع ويستحق النقاش.

اختي بست 4يرز (سامحيني لو خبصت باسمك )
المهم
كلامك صحيح و اهلا وسهلا بك الى كوكب الفضائيات
هههههه
وياستي نفترض اني خايفة من الحسد
انا حرررررة وهما شو دخلهم
كيفي ومزاجي وخايفة عابني حد الو عندي؟
بس الناس عنا بشكل عام لو حسوكي مبسوطة عحالك او عاشي عندك لدرجة خوفك عليه من الحسد بنغاظو وبنقهرو
بهونش عليهم يحسو انو حد حاسس حالو مبسوط ومتميز باشي لهدرجة
صراحة انا هيك بحس
والناس مابعجبهم العجب ايش مفكرة حالها محدش خلف غيرها
الناس زهقانة ولادها
خير يختي عليش كل الناس عندها ولاد احلا من ولادك
الناس عجيبة
بعدين الناس صايرين يحطو صور زوجاتهم والبنات بتحط صورها
بالاخر احنا ليش مستغربين استهجانهم بالنسبة لصور الاطفال
بالنسبة لعقلتيهم معاهم حق يستغربو
الله يعين ويحفظ اولادنا من كل شر شكرا لك



ام سهيل اهلا وسهلا انا توقعت تعمليلي شعار يستحق النقاش
واهلا بالفضائية الجديدة
ومعاك حق
وكل واحد حر في نفسه وصوره واولاده وانت حر مالم تضر
لما انا ماانزل صور اولادي فانا حرة وماضريت حد وهاي حريتي الشخصية
لكن لمين تقولي حرية وشخصية لميييييييين في هالوطن العربي الجميل
وعلى قولتك باي صفة تاخد صورة ابني توريها لكل من هب ودب
وكل ام تشوف ابنها مافي زيه
وحتى لو الابن عادي وكل الاطفال حلوين
العين والحسد موجودين ولو كان عند الحاسد ماهو افضل من الي عندك ولكن الحسود حسود
اففف بس الناس فضولها حيقتلها بحس الناس عنا الي بموت منهم من امراض مزمنة و عضال كلها ناتحة من هريانهم النفسي بسبب فضولهم وتطفلهم و تفكيرهم ببعض
من قلة المشاغل المفيدة
شوي يدخلو معك الحمام يشوفو شو بتعملي
الله يهدينا جميعا

المشاركة الأصلية بواسطة سوسو1983

كريمة شكرا للك
ماحدث لاختك مزعج
وكما قلت هو حق
ولكن المجتمع نفسه حتى الاهالي يعتبرونك معقدة وغريبة الاطوار لو فكرتي بهالطريقة
احس احراج و موقف غريب اروح احكي زي هيك
الله بعين
شكرا لمرورك الجميل



مام شكرا لك حبيبتي انت واضح انك في دولة اجنبية لانو لو دولة عربية مستحيل تستازن في تصوير بنتك يعني لو طرحتي الموضوع عالعرب حيحكولك
يختي خير ولادك من القمر جايين كل الناس عندها ولاد
وفعلا الزوق بيقول لازم يستازنو ولكن لمين تقولي
شكرا لمرورك الجميل

ههههههههههههه شفتي حزرتي ع طول اني ببلد اجنبي
فعلا انا ببريطانيا
ورغم كل الانفتاح لكن للخصوصية هون مكان مهم للاسف نحن االمسلمين نفتقدها

موضوعك فعلا يستحق النقاش حبيبتي سوسو
انا بما اني ببلد أجنبي فـ اكيد ما بعاني من هالنقطة
بس بـ رأيي أنهم لازم يستأذنوا
ما دخلهم سواء كنتي معقدة او بتخافي من الحسد او اي شي آخر هم ما دخلهم
الطفل طفلك وانتي امه وحرة فيه
احنا هون بالسويد عندنا لازم اول ما بتدخلي الطفل للحضانة او الروضة في ورقة توقعيها لازم اذا بتقبلي انه ابنك بيتصور او لا
وانا بوقتها حطيت اي بقبل
وطبعا الصور بتكون فقط داخل الروضة يعني لا فيس بوك ولا النت ولا شي
ومرة كانوا عاملين احتفال بالروضة فـ كنت حابة اصور اولادي
بس اجت المعلمة لعندي وطلبت مني اني ما اصور احد مع اولادي فقط اولادي
قالت الاهالي يمكن ما بيرضوا انك تصوري اولادهم
سبحان الله شوفي الفرق بين الاجانب وبين بلدانا العربية
لا حول ولا قوة الا بالله
ربي يصلح الحال ياااا رب

مام ياحبيبتي مش مستاهلة زكا لهدرجة الشغلة للاسف هالامور معدومة عند العرب

ام ريوضي وجعتي قلب و قلبتي مواجع الذكرى هههههههههه ياحسرتي وين هادول ووين احنا
مو لانو نظرتي دونية لنا العرب انما لانو اخلاق القران والاسلام اخدوها الغرب واحنا اخدنا منهم اخلاق الفساد بس اخ ياقلبي


شروت انت كمان وجعتيلي قلبي هههه
الغرب عندهم حرية حقيقية ليش العرب فهمو الحرية انو انا حرة اعمل الي بدي اياه؟
فبالتالي الحرية اسرق صور ولاد الناس اصلي انا حرة !!! عجيييييييييييييييب
وعلى قولتك والله انقهرت قال شافت ابني حلو ونظيف ومرتب و شاطر طبت تصور فيه ايش هادا ؟؟؟؟ وفرحانة مفكرة انو خدمتني
شكرا لمشاركتك الحلوة