السلام عليكم ورحمة الله وبركاتة

حبيباتى انا سبق وكنت كتبت تجربتى فى الفطام يوم بيوم واجتهدت فى اعادة صياغتها لكنى وجدتها كاملة متكاملة افضل لكن احاول ان اضيف عليها بعض الاضافات البسيطة

اليوم راح انقل اليكم تجربتى فى فطام ابنى يوم بيوم

طبعا انا جهزت حاجات للفطام
فى حاجات تخص الام وحاجات تخص الطفل

اهم شئ قبل القدوم على الفطام لا بد ان تكونى فى مرحلة استعداد نفسى لانها ستكون فيها بعض التعب
وكذلك يكون ابنك فى مرحلة دون اى ارتفاع حرارة او اى مرض عفاهم الله جميعا


اولا اشياء تخص الام
برا مرييييييييييييييييييييح جدا وانا فضلت السوفت لانو بيكون زى البدى




وجبت علبة برشام اسمو لاكتيدول من الصيدلية بعد وصف الطبيب

اما الطفل فنزلت الماركت واشتريت
عصاير كوكتيل

طبعا كل ام تعرف العصائر المحببة لدى طفلها تحضرها لانها مختلفة نسبيا




عصير مانجو


نسكويك بودرة شيكولاتة



لبن بودرة
ميرو الحليب المجفف

فاكهة
كانتلوب

فراولة

موز


انا فكرت ابدا يوم الخميس علشان يكون صابح اجازة لزوجى
لكن كنا يوم الاربع عند اهلى واخر رضعة لابنى كانت 3 العصر ورجعنا من هناك على 8ونص
فقلت عادى اجرب من النهاردة وقلت اعمل اية
منا مينفعش يطلب الرضاعة وامنع نفسى
وقلت لا مفر ولازم هيتفطم
فتوكلت على الله وعملت خلطة
كمون مطحون


واضافت لية معلقتين مية
بحيث تكون زى العجيبة
ودهنت الصدر مكان الرضاعة
وعلشان السوفت ميتبهدلش جبت كيس بلاستيك وقصيت مربعين حطيتهم على مكان الرضاعة بعد الدهان

وطبعا هو متعود ييجى يشدنى ويرضع وفعلا حصل واول ماحط فبؤة لقيتو بعد عنى واستغرب طعم الكمون طبعا صعب عليا ولان ابنى سنة و5 شهور فمش فاهم كلمو واوا وتعويرة وجرح وكدة

قلت اسيبو يجرب
وعرضت علية كذا مرة كان يهز راسة لا

وطبعا كنت باكلة زبادى
اشربو عصير
بطاطس محمرة
وجة وقت النوم

طبعا كان عاوز يرضع وعارف انو طعمو وحش فضل يزن شوية ختو فحضنى وقريت قران لقيتو نام

طبعا كنت مجهزة جمبى مية وعصير ولبن ونسكويك علشن لو صحى
وفعلا صحى ومرضيش بيهم
بس عيط شوية ونام

وصحينا الصبح وشربتو عصير وبجهز الاكل اللى بيحبو
وفعلا مصدقتش ان الليلة الاولى مرت
ودى كانت تجربتى واول يوم فطام

اليوم التانى فى الفطام ::

طبعا ابنى اتعود على الرضاعة علشان ينام لكن بصراحة ما شاء الله اول مرة داق الكمون من على صدرى قرف وبقيت اقولو تعالى يقولى براسو لالا

ويبعد

طبعا تانى يوم من الصبح بعد ما صحى بدات اعملو نسكويك متقبلهوش فمغصبتش علية

وبكررها تانى متغصبيش طفلك على شرب العصير او اللبن علشان مش يكهه ويرفضة للابد

هو دلوقتى بيرفضة علشان متعود على الرضاعة الطبيعية لكن بالمحاولات الدائمة بهدوء بدون عنف هيجيب فائدة

بدات ادية عصير مانجو وكوكتيل لانو بيحبهم
وجيت على الظهر عملت مكرونة محمرة وحطيت عليها طماطم
طبعا الطفل بعد الفطام مش تبداى بخضار واكل ناشف فقلت المكرونة سهلة فى البلع
اما العشا فكان بطاطس محمرة لانو بيحبها مع عيش ومعاة كوب زبادى

وطبعا بكرر تانى لو الطفل رفض حاجة متغصبيش علية

طبعا الطفل بيحس بفقد الرضاعة وخوف ومش بينام الا فى حضنك ولازم تكونى هادية

بصراحة مخبيش عليكم انا امبارح كان تانى يوم ,وجالى غثيان وقئ من الدوا

فصحيت النهاردة وقللت الجرعة لنصف القرص

النهاردة بقى تالت يوم هحكيلكم علية من بكرة علشان يكون كامل

وادعولى الايام تعدى على خير

ونسيت اقولكم ان بودى حتى لو عاوز ينام دلوقتى بييجى على رجلى واطبطب علية وينام مش بيطلب الرضاعة

هكلمكم عن اليوم التالت للفطام

اكيد كل يوم بيعدى وجع الصدر بيخف والابن بينسى الرضاعة اكتر من اليوم السابق

صحينا تالت يوم الصبح
طبعا انا قيلالكم بحط على الكمدينو جمبو ازازة عصير وازازة مية
لقيت ابنى نزل جابلى ازازة العصير وادهانى يعنى عاوز يشرب

فعلا شربها
وجينا نفطر مرضيش ياكل طبعا لانو كان شارب عصير

طبعا مرضتش اغصب علية علشان ميتعودش ياكل بالعافية ولا غصب عنو
انا كنت عاملة فلافل
((طعمية يعنى ))
وشلتلو قرصين وكنت بديلو كل شوية حتة
ولان ابنى مش بيحب طعم اللبن ولانو كان مصدر اللبن الرضاعة واتوقف فبقيت باكلو زبادى

واديلو قطعة عيش يتسلى فيها وممكن قرص بالعجوة

اما الغدا فكان شوية رز والفراخ كانت متبلة وطرية وبقطع الحتة صغير خالص لانو مش متعود على المضغ
ويكون سهل البلع

بصراحة هو مرضيش بالرز اوى لانى عارفة انو مبيحبش الصلة وقلت لا احطلو على الرز صلصة افيد
وشربتو عصير

وجينا بعد شوية هو ب ينام طبعا بيزن شوية ودخلت معاة طبطبت علية مررضيش ينام
وبعدها قعدنا نلعب سوا

ووولقيتو نام على الكنبة لوحدو
وقت العشا كان متبقى عندى رز ابيض بعرضو علية وافق فقلت خلاص اكلتو شوية

والنوم بقى الللى لقيتو صعب لية ؟
لانى كنت معودة ابنى انى بنام وقت محب واخدو ارضعو فينام
دلوقتى لقياة عاوز ينام بس مفيش رضاعة تخلية ينام فسبتو يلعب ولازم تطولو بالكم لحد ما تعب خالص ولقيتو يزن انو عاوز ينام

طبعا كل دة الكمون على صدرى عادى علشان وقت ما يطلب يلاقية
دخلت الاوضة بس فى جو نوم يعنى عالسرير والنور مغلق
وبطلطب علية واقرا قران انيمو

نسيت اقولكم انا ابنى كنت جيبالو سرير اطفال فى الاوضة عندى فكنت برضعو وايمو وانقلو
اليومين اللى فاتو قلت لا ميبعدش عنى فجاة وامنع الرضاعة علشان ميخفش

فبقيت اعمل اية امبارح كان تالت يوم نيمتو عادى على السرير معايا
واما راح فى النوم نقلتو لسريرو بالراحة

بجد كل يوم بيعدى بيكون بيتعود اكتر وبينسى الرضاعة
ولو صحى بليل اسقية مية هينام لانو طبيعى فى الحر انو يعطش

ودى كانت تجربتى فى الفطام
ادعولى ربنا يباركلى فية ويحمية

فى حفظ الله
واتمنى الموضوع ينال اعجابكم والاهم انكم تستفادو بية

واللى عندها اى استفسار تبعتلى عالخاص او هنا

انا سعيدة جداااااااااا بوجودى فى المنتدى وتعلقى بية زى الاول
وختاما للموضوع اوصيكم بالصبر على الاولاد وتربيتهم تربية دينية ومحاولة تقليل العنف من اجل راحتهم النفسية

ما شاءالله عليك يا كنزي
ربنا يديلك الصحة ويهنيك
أهتميتي بنفسك وبأبنك ربي يحفظة
وما نسيتي شئ ما شاءالله

على فكرة الكمون حتى أحنا عندنا نساء بتستعملة في الفطام
وبسيتعملوا كمان حجر أسود أسمة ( صبر مر )
بيدهنوا به الصدر لكن مذاقة مر للمليون ولا يطااااااااق نهائي

ونساء بتشتري مرارة - خروف او دجاج او ... - المهم مرارة وتدهن بها
مسكين البيبي لما يذوقها ايش بيصير فية

بصراحة انا عن نفسي ما رضيت انه احطة لأولادي حرام مرارتة فضيعة
والحمد لله كان فطامهم سهل ومريح


تجربة ممتازة يا عسل ..
تسلمي على الأفادة بارك الله فيك

كتبت بواسطة * الفالحة *

ما شاءالله عليك يا كنزي
ربنا يديلك الصحة ويهنيك
أهتميتي بنفسك وبأبنك ربي يحفظة
وما نسيتي شئ ما شاءالله

على فكرة الكمون حتى أحنا عندنا نساء بتستعملة في الفطام
وبسيتعملوا كمان حجر أسود أسمة ( صبر مر )
بيدهنوا به الصدر لكن مذاقة مر للمليون ولا يطااااااااق نهائي

ونساء بتشتري مرارة - خروف او دجاج او ... - المهم مرارة وتدهن بها
مسكين البيبي لما يذوقها ايش بيصير فية

بصراحة انا عن نفسي ما رضيت انه احطة لأولادي حرام مرارتة فضيعة
والحمد لله كان فطامهم سهل ومريح


تجربة ممتازة يا عسل ..
تسلمي على الأفادة بارك الله فيك

ربنا يخليكى يا قمر يارب
فعلا الصبار المر وحش جدا عالطفل الكمون اهون كتيييييييييييير

ما شاء الله تبارك الرحمان تجربة كثير مميزة
اسال الله ان يحفظ ابنك و سائر ابناء المسلمين

كتبت بواسطة CHEROUK

ما شاء الله تبارك الرحمان تجربة كثير مميزة
اسال الله ان يحفظ ابنك و سائر ابناء المسلمين

ربنا يكرمك يا قمر يارب
تسلمى لدعواتك

ما شاء الله تجربة رااااااائعة بل متميزة

ما شاء الله عنك يا ام بودي

عرفتي كيف تتصرفي بموضوع الفطام بدون أذيتك أو أذية ابنك

وهذا مهم كثير

بارك الله فيكِ حبيبتي وان شاء الله كل الامهات بيستفادوا من تجربتك

أعجبتني تجهيزاتك للفطام

رائعة يا كوكي

ربي يحميك

الحمد لله عمري ما اضطريت استخدم شي مش حلو غير لصقة الجروح

استعداد تام وشامل
راائع جدا كنزي ربي يحفظك تجربه هتفيد الكثيرات ان شاءالله
كتب ل بها الاجر ان شاءالله

كتبت بواسطة أم ريوضي

ما شاء الله تجربة رااااااائعة بل متميزة

ما شاء الله عنك يا ام بودي

عرفتي كيف تتصرفي بموضوع الفطام بدون أذيتك أو أذية ابنك

وهذا مهم كثير

بارك الله فيكِ حبيبتي وان شاء الله كل الامهات بيستفادوا من تجربتك

تسلميلى ام ريوضى على كلامك الحلو كتير دائما بيسعدنى مرورك

كتبت بواسطة ام سهيل

أعجبتني تجهيزاتك للفطام

رائعة يا كوكي

ربي يحميك

الحمد لله عمري ما اضطريت استخدم شي مش حلو غير لصقة الجروح

ربنا يباركلك ام سهيل يارب
انا فعلا لم استخدم شئ مر لكن الكمون هو اول مرة فقط وبعدها رفض الرضاعة نهائى الحمد لله
وحبيت اجهز الحاجة قبلها لانى كنت خايفة اتعب او اسخن او ابنى يكون محتاج حاجة مش موجودة حاليا فى البيت

كتبت بواسطة MUM

استعداد تام وشامل
راائع جدا كنزي ربي يحفظك تجربه هتفيد الكثيرات ان شاءالله
كتب ل بها الاجر ان شاءالله

تسلميلى مام يارب
انتى صاحبة الفضل انى اعيد صياغتها من تانى



تصدقو يا بنات اليوم حلمت ان عبد الرحمن رضع منى هههههههههههههههههههه قلت شكلى اشتقت للفطام