االسلام عليكم.....
اخواتى الغاليات لي تجربةمع ابني (3سنوات) واحببت ان انقلها لكم عسي ان تستفدن منها ان اعجبتكن.....
اعامل ابنى بكل احترام فهو لي بمثابة صديق صغير ولا اعامله علي انه طفل عادى بل بالعكس فحين يقدم -لي شئ اشكره..
-عندما يستيقظ ارحب به كأنى لم اره منذ زمن بعييييييييييييييييييييد انشد له من طيب الكلمات بطريقة عفوية واصبح عليه واحضنه جامد وهو يبتسم ويقولي(خير يا ماما)يعنى صباح الخير.
-وعند الفطار اقوله بطريقة مشوقه اجيبلك لبن؟؟ ولا زبادى وهكذا....لانه مش بيحب ياكل بحاول ابعد عنه الشيبس وكل ما يفسد عليه شهيته.
-بمناسبة الشيبس منذ فترة مرض واخد حقن طبعا زى باقى الاطفال بيخاف بس فهمته ان الشيبس يسبب الامراض ويوجع بطنك تفتكروا رد قالي ايه؟؟؟؟ -بس يا ماما انا اكلت وبطنى مش واجعنى....
بصراحة احرجنى معرفتش ارد بس قلت لا يا ماما لما تاكل كتير منه ممكن تتعب وتروح للدكتور والحمد لله اقتنع خصوصا ان ابن عمته عنده حساسية وشافه وخاف دلوقتى لما يكون عايز يقولى مش هاكل كتير ولما يكون جده جايب شيبسى افتحة واضعه فى طبق وابقي منه شوية ليوم تانى ولما نكون عند السوبر ماركت اخيرة بين اى شىئ تانى هو بيحبه حتى اتعود علي غياب الشيبس الحمد لله.
-دايما بكون صادقة معاه مهما كلفنى الامر بمعني ان لو كان عايز لعبه معينه من التلفزيون اما اقوله دى غاليه ومش معايا فلوس كفايه اقوله ادعي ربنا يخلي بابا يشتغل ويجيب فلوس عشان اشتريهالك .
-ولوبيبكي تفتكروا بعمل ايه؟؟؟؟؟؟؟؟؟؟؟
انا عودته ان البكاء اللي من غير سبب لا اهتم به ابدايعني لو يبكي علي حاجة غلط عايزها اسيبه يبكى يجد ان مفيش فايدة ويسكت بس الاول كان يطول بالبكاء وكنت اتعصب بس امسك نفسي ولا ارجع في كلمتى الي ان اتعودت والحمدلله الطريقة جابت نتيجة ولوبعد فترة.
-الدعاء.... انا جوزى بيسافروابنى بيفتقده ويشتاق اليه اتعودنا اننا نصلي وبعد الصلاة ندعو ان بابا يرجع بالسلامة يحفظة وهكذا مرة كان هناك ضيق لاينكشف الا بالدعاء وكانت في العشر الاواخر من رمضان جلست ادعو فوجدته بجوار فرفعت يده ليدعوا معيويؤمن علي دعائى ومن يومها حين الجأ الي الله اجعل ابنى معي عسي ان يقبل الله دعائي بقول ابنى اميييييييييييييين.
-حين نجلس ولا يكون هناك حوار وهويشاهد التلفاز اناديه واقول له ماما انا بحبك ربنا يخليك ليا وهو يفرح جدا لاهتمامى به والحمد لله الفترة دى هو اللي يقولي ماما انا بحبك ويجي يبوس ايدي او
انا لا اخبركم ان ابني مثالي ولكنه افضل من غيره واحاول دائما ان يكون الافضل وكل طريقة من اللي قلته اخدت منى وقت عشان اثبتها واجعلها جزء من حياته. اعاننا الله علي التربية الصحيحة نحن وانتم وجعلهم قرة عين ونفع بهم الامة.
والي ان نلتقي في مواقف جديدة من حياتى استودعكم الله.
الروابط المفضلة