معجون أطفالي بألوان طبيعية من المطبخ {حملة خلونا نسعدهم}

[لـــــيزا]

[لـــــيزا]

السلام عليكم
من زمان أولادي بيطلبو مني اعملهون معجون أطفال مشان يلعبو فيها
وانا كل يوم بقول اي اليوم واي بكرة
حتى نويت واجت ببالي فكرة انو نزلها بالمسابقةة
الطريقة كتير سهلة
وأفضل بكتير من المعجون يلي بالسوق
لانو مكوناتها طبيبعية من المطبخ
وألوانها طبيبعية كمان
مثلا ابني الصغير لازم يدوقها وانا ما باكل هم لانو كل شي فيها طبيعي




نجي للمقادير
كاسة طجين
ربع كاسة ملح
تلات أرباع كاسة مي
معلقة زيت
ربع معلقة صغيرة ملح ليمون
صبغة
منحطهن كلهن بالخلاط الكهربائي
طبعا انا ما حطيت الصبغة
لانو الأولاد كان بدهن أكتر من لون



بعدين فرغتهن وقسمتهن لاربع أقسام وكل واحد حطيتلو لون
الأخضر ..... نعنع
الأصفر .......كركم
الأورانج ...... شطة
البني ........ قرفة



وبعدين كل لون لوحدو حطيتو عالنار مع التقليب المستمر مشان ما يلزقو ويحترقو
ما بياخدو كتير وقت عالنار يا دوب دقيقة
وهيك صار جاهز







وهون حمودي عمل سلحفاة
قال ماما هي سلحفاة معصبة هههههه




وعملو كتير شغلات حلوة بس انا ما كنت فاضية صورهن




بتمنى تكون عجبتكون
وبتمنى الاستفادة للجميع ياا رب

[لـــــيزا]

آسفة ما عندي ولا برنامج للصور
ولا كنت صغرت الحجم

وكمان النت كتير سيء جنني
يعني الموضوع نزلتو عالسريع
بتمنى تعذروني

[الـمنـى]

ماشاء الله
كثير شجعتيني اعمل متلو
ربي يحميكم بسوريا
ويحفظكم

[لـــــيزا]

نسيت قلكون
الكمية كبيرة عالأولاد
أنا ما بعطيعهن الا شوي
والباقي بحتفظ في بالتلاجة
وبطولو ايمتى ما بدهن

[لـــــيزا]

ماشاء الله
كثير شجعتيني اعمل متلو
ربي يحميكم بسوريا
ويحفظكم

تسلميلي يااا رب
بانتظارك حبيبتي
بدي شوف شغلك خخخخ

[الـمنـى]

وعملو كتير شغلات حلوة بس انا ما كنت فاضية صورهن

كل شوية افتح هون اقرأ
السلحفاة المعصبة
اصير اضحك
ربي يحفظلك اياه
عنجد معصبة
خخخخخ

[أم ماهر و ليندا]

ضحكت ضحكت من قلبي على هالسلحفاة

الله يسعدك ويسعد ولادك
يااااااخ كل شوي برجع عالصورة وبصير بضحك
ههههههههههههه


الله يحميه



فكرة حلوة

[هبهوبة]

شو هالحلو لزاليزو
عندك هالإبداعات وساكتة ههههههه
أنا بعرفها هي الخلطة وجربتها بصراحة من سنين بس دغري بتنشف
بس مالي متذكرة إنو كان فيها زيت
وما كنت ضيف ألوان (معلومة جديدة)

إن شاء الله بجربها

[ام مرمر و ليلو]

الله يحفظك واطفالك
ويرزقك برهم
هالسلحفاة جميلة اكيد معصبة على بشار هههههههههه
الله يفرجها عليكم ويرزقكم النصر ياااااااااارب

تقدري تصغري حجم الصورة ببرنامج الرسام paint موجود في كل جهاز
افتحي الصورة ومن الكيبورد اضغطي على ctrl+ e
راح يفتحلك مربع ضعي بالعرض والطول 50 وان شاء الله تصغر