تشجيع أولادي على صيام النوافل {ضمن حملة خلونا نسعدهم }

**لـــــيزا** · 28-10-2012, 01:25 AM

**لـــــيزا** · 28-10-2012, 01:28 AM

السلام عليكم ورحمة الله كل عام وانتو بخير
وإن شاء الله يناعد علينا وعلى الأمة الاسلامية
بالخير واليمن والبركات
والنصر القريب بإذن الله

ابني الكبير عمرو 6 سنوات وأربع شهور من شهر رمضان قررت اني عودو على الصيام
فكان يصوم للظهر تقريبا 5 أو 6 ساعات وصام يومين كاملين للمغرب
ومع بداية عشر ذي الحجة قلت لازم يتعود على صيام النوافل
فقلتلو لازم تصوم يوم وقفة عرفا << ضروري
الحمد لله وافق بسهولة وقلتلو اذا صمت قبل بيوم كمان في إلك مفاجأة حلوة يوم العيد
قام أخو الصغير عمرو 5 سنوات ناقصين شهر قال وأنا بدي صوم كمان
كنت قررت انو الصغير يصوم بس للظهر بس هو ما وافق وقلي بدي كمل للمغرب
الحمد لله تممو صيام اليومين

طبعا كان في صعوبات خلال اليوم ونق شي جوعان وشي عطشان وشي تعبان
بس بالمقابل كان في مغريات
الفطور كان على طلبهن
وكان لازم اعمل حلويات كمان على طلبهن
غير السكاكر والبسكوت والشغلات هي تبع الاولاد الصغار
والمفأجأة الكبرى تبع يوم العيد
طبعا من الفرحة فاقو كتير بكير قبل ما يطلع الضو
ولقو المفاجأة عم تستناهن عالطاولة
سيارة طوارئ
بتمشي وبتحكي وبتضوي
حلوة كتير <<أنا شخصيا بقعد بتفرج عليها وهي تمشي

الحمد لله اتعلمو انو في صيام بغير رمضان وخبرتون عن يوم عاشوراء
وهلأ عم يستنو بفارغ الصبر بس ما وعدتهن بشي بنوب
يعني مرة هيك ومرة هيك
مرة في مفاجأة ومرات بدون شي
الله يهديهن ويهدي جميع أطفال المسلمين يا رب

**ام مرمر و ليلو** · 28-10-2012, 10:32 AM

الله يحميهم لك
وتشوفيهم مثل ماتحبي ومايرضي الله
اعجبتني مكافئتك لهم
واعجبني تفكيرك انه في عاشوراء في صيام بس مش كل مرة الصيام بمكافئة
الله يحميهم لك
ويرزقكم برهم ياااااارب

**حنين الياسمين** · 28-10-2012, 11:09 AM

ماشاء الله عليكِ وعليهم
ربي يحيميكم ويبارك فيكم ويفرجها بأقرب وقت
بجد مافي منك أنا كمان عجبتني جداً قصة مو كل مره مكافئه
عجبتني السياره صغنونه وحلوه ههههه
يتهنوا فيها يارب والله يقويكِ وتفرحيهم كمان وكمان يارب
ويبارك فيكم جمكيعاً

**MUM** · 28-10-2012, 02:51 PM

ما شاءالله ربي يخليك لهم ويخليهم لك
حلوة فكرة انو مو كل مرة مكافئة
وحلو انك توضحيلهم انو المكافئة عند رب العالمين

**ناشرة المعرفه** · 29-10-2012, 12:26 AM

ماشاء الله
طريقة رائعه
وتستحق الإحتذاء بها
بارك الله فيكي

**{ أم أنـــس }** · 29-10-2012, 12:31 AM

ما شاء الله عليك يا غالية

طريقة جميلة لتحفيز الغالين
ومبروك عليهم اللعبة وان شاء الله بيكبروا ويصوموا الشهر الفضيل كامل بكل العافيية

بارك الله بكم وفرج همكم قريباااااااااااا

**ام سهيل** · 29-10-2012, 12:46 AM

يسعدك ربي لوزه الحلوه
فكرتك حلوه
وجميل تعليم الاطفال مايخص ديننا منذ نعومه اظافرهم
ربي يبارك لك فيهم

إرسلت من GT-I9100 باستخدام برنامج منتديات لكي النسائية

**لـــــيزا** · 29-10-2012, 11:37 AM

تسلمولي يا غاليات
ربي يحفظلكم أولادكم ويحميهم يا رب
شكرا لمروركم الجميل

**لـــــيزا** · 29-10-2012, 11:42 AM

كتبت بواسطة MUM

ما شاءالله ربي يخليك لهم ويخليهم لك
حلوة فكرة انو مو كل مرة مكافئة
وحلو انك توضحيلهم انو المكافئة عند رب العالمين

أهلا مام
تسلميلي وشكرا عالدعاء
وان شاء الله ربي بيحميلك أولادك وتشوفيهم أحلى شباب

أكيد وضحتلهون انو المكافئة عند رب العالمين
لانو هاد كان أحد الأسئلة
انو يلي بصوم شو بصير أو شو يعني الصيام ؟؟؟؟؟
فكان جوابي انو أول شي الصيام صحة وبقوي <<طبعا الاولاد بحبو القوة !
وتاني شي انو المكافئة عند رب العالمين أكبر بكتير من مكافئتي
هنيك في كل شي بتتمنوه وكل شي بتحبو
وتالت شي انو كل الصايمين يوم القيامة حيدخلو من باب الريان
هاد الباب بس للي بصومو
عجبتهون انو في باب مخصص للصايمين

شكرا لمرورك غاليتي

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: تشجيع أولادي على صيام النوافل {ضمن حملة خلونا نسعدهم }

أدوات الموضوع

العرض