تويت
فكرة رائعة تخلي الطفل ينفذ المطلوب منه ( بالتجربة )
مرحبا بنات
من فترة كان ابنى عنده تبول لا إرادي مش بالليل بس حتى بالنهار
كتير بيرجع من المدرسة وبنطلونه مبلول
فضل على الحال ده كتير لغاية 8 سنوات
تعبنى جدا وتعب هو نفسه من الموضوع ده
وكلما أكلمه يقولي ما حسيتش بنفسي
اتحاورت معاه كتير وطنشته كتير بس مافيش فايدة
خفت بجد يتأزم نفسيا من الموضوع ده
وديناه 3 دكاترة وكلهم قالو انه مافيش سبب عضوى
جربت فكرة نفعت معايا جدا وجابت نتيجة هايلة
في غضون شهر كان مبطل ولغاية الآن الحمد لله
جبت 2 حصالات لونها شفاف زجاج او بلاستيك زي ما تحبي
بس لازم حصالة تتفتح وتتقفل
ممكن أي علبة بلاستيك شفافة فاضية تفي بالغرض مش ضروري تشتري
وكتبت اسمه على علبة واسم أخوه على علبة
وكل واحد ألزمته بشيء معين مطلوب منه
الكبير كل يوم يحفظ سطرين من القرءان
وله دينار يحطه في حصالته
والتانى كل يوم يفوت ما يعملهاش على نفسه وتفضل هدومه نظيفة
له دينار يحطه في حصالته
في اخر اليوم نقيم
اللي التزم له دينار واللي ما لتزمش ياخذ من علبته دينار ويدهولي
وكلما تعدي الايام من غير التزام الدنانير بتنقص
وده اللي بيشجعهم على الاستمرار
الفكرة دى بجد بتساعد اي ام انها تخلي طفلها ينفذ المطلوب منه
شروط الفكرة
1-المبلغ يكون بسيط جدا لانك هتبقي ملزمة بيه يوميا في حالة التزام الطفل
2- العلبة تفضل عندك انتى
3- في حالة الانجاز تديله الدينار في ايده وهو اللي يحطه جوه العلبة
4- في حالة عدم التنفيذ هو اللي يطلع الدينار من العلبة ويديهولك
مش انتى
مهمة اوى الحركة دى
هيصعب عليه الدينار اوى وهيحاول يلتزم
5- لما يجمع مبلغ كويس ( تقريبا كل 3 شهور او ممكن كل شهر زي ما تحبي ويناسبك )اشتريله بالمبلغ لعبة صغيرة او ادوات مدرسية
محتاجها
حاجات بسيطة يعنى وهتلاحظي انه هيهتم بيها اوى لانها من مجهوده هو وتعب عليها
وممكن تحددو قبلها بفترة هتشترو ايه
عشان يتحمس لاستكمال المبلغ ويستمر
بجد يا بنات الفكرة نفعتنى جدا
يارب تجربوها لالزام الطفل بتنفيذ أي شيء مش عاوز يلتزم بيه
خصوصا لما يكونو اتنين او اكتر تلاقيهم بيتنافسو مين يجمع اكتر
وبجد لحظة فتح العلب كل ليلة بتبقى ممتعة جدا وكلها ضحك وتهزيق من اخواته للي ما لتزمش
مدونتي مطبخ ام مرمر و ليلو
تعليق