يعطيكي الف عافية اختي وان شاء الله الصبايا يستفيدو من موضوعك
انا حابة اطرح عليكي مشكلة ابن اختي وان شاء الله الاقي الجواب الصافي عندك
ابن اختي طفولته عادية جدا كان يكاغي بكير وماشاء الله عنه مشي عالسنة تقريبا مشكلته بينت بعد السنة و4 شهور تقريبا انه ماكان يحكي ولا اي كلمة
طيور الجنة كانت كل اهتمامه وكان ازا ناديتي عليه ما يسمعلك لانه كان يضل عالتلفزيون
انا بس شفته هيك مارضيت احكي لامه واسم بدنها بس شكيت انه عنده توحد لاسمح الله وخليتها تاخده عالدكتور على اساس انه ما بحكي
انا بدوري اتصلت عالدكتور وحكيتله عنه وسألني بعرف امه وابوه حكيتله متعلق فيهم كتير وازا امه تركته وراحت على غرفة تانية بستفقدها بسرعة وبروح بدور عليها حكالي ما تخافي هاي اهم نقطة
بس شافه ناداه باسمه ومسك القلم عشان يشوف ازا انتبه عليه والحمد لله الولد انتبه عليه حكالها بدنا نعمله فحص سمع وفحص دم شامل
عملتله فحص دم شامل طلع عنده نقص بالحديد حكالها نقص الحديد بعمل تأخر بالنطق بس اهم اشي ماتخليه يقعد عالتلفزيون وادمجيه مع الاطفال وبحكم انها بعيده عنا وعن اهل جوزها ومافي حدا عندها ماكان متعود عالناس ابادا ابدا
الحمد لله الولد تحسن ولما ولدت اجت قعدت عنا اكتر من 3 اسابيع كنت اروح عندهم تقريبا مرتين بالاسبوع واحكي معه وشوي شوي الولد الحمد لله صار احسن بكتيييييييير من الاول تعود علينا وصرت اغنيله والعبه ويحبني كتير وتعلق فيي
بعديها بشهر تقريبا رحنا عند نفس الدكتور والولد كان يطلع على الرسومات عالحيطة وسألت الدكتور كيف الولد شايفة حكالي ماشاء الله حتى نظرته اتحسنت وحاسه بركز كتير عالواحد
حكالها اعطيه اوميجا 3 كل يوم حبة بزيد التركيز عنده واعطيه حليب بروجرس لانه مدعم بالحديد
الولد صار يعد من 1_10 وازا انتي بتحكي واحد بحكيلك 2 بتحكيله 3 بحكيلك 4
بعد بالانجليزي
يعني الولد الحمد لله كتير اتحسن
هلأ صار عمره سنتين وشهرين
بس مدايقني في اشي انه مثلا لو بده غرض ما بروح بجيبه بصير يعيط عشان امه تجبله اياه
بلعب مع الولاد وبس يشوف اي غرض او اي لعبة مع الولاد بروح باخدها
بتحكيله هاد الولد الفلاني بطلع عليه وبعرفه بس اللي مقلقني انه تصرفاته مش تصرفات عمره سنتين يعني المفروض يكون يعرف كل اشي هو لأ
بحكي لامه شوكو يعني شوكولاتة
بحكي لامه علميه احكيله جيب الشغلى الفلانية عشان يعرف ما بصير يتعود انك انتي تجيبيله كل اشي
بتحطله شغلات ياكلها بالصحن الحمد لله بطول لحاله وباكل
مابعرف شو مشكلته تأخر بالنطق ولا عنده توحد ياريت الاقي الاجابة عندك
الروابط المفضلة