شيمة ازيك ياجميل وحشانى كتيررررررر ربنا يباركلك فى ابراهيم ياقمر ويبارك فى عمره
التسنين هتلاقيه بيعضعض فى اى حاجة او بيعضعض فى ايده كتير وتلاقيه لثته منفخة واو حمرا
وممكن يتفتف من بقه وممكن يرشح خفيف واوقات تلاقيه مقريف ومش عارف ينام وممكن ميحصلش اى حاجه
وتلاقيه السنة طالعه بسهوله هههه يعنى كل طفل ليه ظروفه
والاكل زى ماقالتلك ميمى خضار مسلوق فاكهة مسلوقه ومهروسة سيريلاك
شيمة ياقمر انتى خدى اقراص كالسيوم لو انتى مبتاخديش اكل فى كالسيوم كتير وكمان ادى ابراهيم
كالسيوم مع فيتامين د ضرورى لان دلوقتى صعب تعرضيه للشمس عشان يساعد الاسنان على الخروج
بالنسبة للانتفاخ اعطيه دواء فيه سايمسيكون للغازات وانتى كرعيه بعد كل رضعه لو بترضعى
طبيعى بعد كل صدر ولو بتاكليه بردوه بعد كلة وجبة وان شاء الله تروح الانتفاخات بعد لما يقعد لوحده لانه
هيقدر يتجشأ لوحده ونيميه على بطنه وانتى جنبه عشان النتفاخات عشان يبدأ يتقلب
وبالنسبة انه مبيتقلبش وهو نايم لسه هيما صغنن متخافيش بتختلف من طفل للتانى يوسف ابنى بردوه
فين وفين على مافكر يتقلب على شهره السادس بردوه متستعجليش ومادام بيقعد كويس وانتى مسنداه وبيشد رجله ودراعاته
يبقى اعصابه كويسه والقعود والوقوف ده اعصاب مش نقص كالسيوم متخافيش
الروابط المفضلة