طريقة لتحفيز ابنك عالفعل الجيد والسلوك السوي ... تجربتي البسيطة بعالم الامومة
كيفكن يا احلي امهات
ان شاء الله بخير
كل سنة وانتم طيبين وبعافية يارب
اول مشاركة الي بهالركن الحلو وسعيدة جدا بينكم
انا ام لبنتين الله يحفظهن ويخليهن ويباركلي فيهن يارب
والصراحة انا ام غير مثالية ام عادية جدا بحن وبزعل وبغضب وبعصب متل كل الناس لكن شي وحيد ما بعملة وهو **الضرب**
الضرب يا اخواتي رح يطلع ابنك انسان عنيف وغير سوي وسلوكه مضطرب ورح يتصرف مستقبلا مع اطفاله بنفس الطريقة
بحاول اعطي حبي وثقتي ووقتي لبناتي قدر الامكان
بس الحياة متل ما بتعرفو صعبة والايام بتجري بسرعة متل الحلم
وساعات بنحمل بطيختين بيد وحدة
والله المستعان
والضغوط والغربة والوقت الصعب بيخلينا نعصب علي اطفالنا ونعيط والجيران تسمع صوتنا
وساعات منضرب ضرب كمان
بس قدر الامكان حاولي تتمالكي نفسك وتقوي حالك بالصبر وبالايمان
وبشوية حركات وخدع لطفلك بحيت انه يعمل الي بدك ياه بس بهدوء وبراحة وبدون ضرب وصريخ طبعا
وهالخدع محتاجة شوية ذكاء من الام
تعالي شوفي معي انا شو بعمل لاولادي
وان شاء الله فيد واستفيد من موضوعي وخبراتكن وتعليقاتكن الحلوة
تفضلو معي
**
**
**
متلا انا بعمل نموذج بسيط لتحفيز اطفالي عالسلوك الجيد والبعد عن العنف والصريخ و الانفعالات الزايدة
هيدا النمودج عبارة عن سلم عادي بخطوات وارقام
تبدأي فيه من تحت لفوق
وكل درجة من السلم اشري عليها بالقلم بحيث انه كل سلوك جيد من ابنك
تلغي خانة او درجة من درجات السلم
وتبدأي ترتفعي معه لفوق شوي شوي
لحتي توصلي للهدية او الغرض الي هو بحبه
ومش ضروري تكون هديه غالية ومكلفة حسب الحال وحسب المقدرة
والرسم البسيط الي عملته انا بيوضح الفكرة
نجي للفكرة التانية
لو ابنك او بنتك من محبي الايس كريم والكيكات وهيدي شغلة طبيعية لكل اطفالنا تقريبا كلهن محبي هالاشياء
بس حاولي تعمليها خطوة لتحفيزه علي فعل الجيد وانه يبتعد عن التصرفات المزعجة قدر الامكان من خلال هالفكرة
رح تقدري تتعاملي معه بهدوء اكتر
وتوصلي معه لحل ايجابي
فهميه انه مع كل تصرف حلو منه رح يحصل علي علامة او درجة يرتفع ويقترب بها من الكيكة او البوظة
واشري عالخطوات بعلامة صح كما موضح الرسم
طبعا وكلنا منعرف انو اولادنا بيحبو الفسحات والتنزه
لو ماعجبتك فكرة البوظة والهدية بتقدري تعملي شي تاني
وبنفس الطريقة
انك تعمليه جدول وباخره رح يحصل علي نزهة حلوة للبارك او لبيت احد من اقربائه
من المحببين لديه
وشوفي كيف رح يسمع كلامك
ويتعود عالتصرف الجيد والسلوك المحبب
الجداول سهلة التطبيق بتقدري تعمليها علي ورقة كرتون وبرسم بسيط وشوية افكار منك رح يصير احلي واحلي
واعمال ابنك رح ترضيكي باذن الله
بتمني تكون الفكرة عجبتكن
وازا ما عجبتكن
دعوة حلوة منكن تكفيني
دمتم بحــــ الرحمن ـــفظ
رد مع الاستدلال
كتبت بواسطة ...القنوعه...
الروابط المفضلة