السلام عليكم ورحمه الله
انا ام لاول مرة ابنى عنده شهر وكام يوم كنت عايزة استفيد من خبرتكم الواسعه
عايزة اعرف ازاى انظم نوم طفلى وينام باليل نوم مستمر لانه بيصحى كل ساعتين
للبحث في شبكة لكِ النسائية:
|
السلام عليكم ورحمه الله
انا ام لاول مرة ابنى عنده شهر وكام يوم كنت عايزة استفيد من خبرتكم الواسعه
عايزة اعرف ازاى انظم نوم طفلى وينام باليل نوم مستمر لانه بيصحى كل ساعتين
والله أنا كمان زيك حبيبتي إبني عمرو شهر ويومين
الله يباركلي فيه ونومو ملخبط بين النهار والليل
وديما فاتح فمو عايز يرضع حتى وكان لسى راضع
ملك طبيعى يصحى كل ساعتين لسه صغير خالص يعنى ابنك طبيعى متقلقيش وجيهان برضه طبيعى فى الاول ان الطفل عاوز يرضع طول الوقت وبالذات لو بترضعى طبيعى بس مع الوقت الموضوع بينتظم كل ساعتين وانتى حاول تظبطيه انه يرضع كل ساعتين وفى النص لو عاز يرضع ممكن يرضع أعشاب, أما عن النوم أنا عن نفسي معرفتش أنظم نوم ولادى الا على تلات شهور تقريبا أما الفتره الاولانيه كان نوم طول النهار وطول الليل صاحيين,انتى بس حميه كل يوم(طبعا فى الشتا صعب الكلام ده بس لو قدرت ماشي لان الحما بيهدى الطفل وبيهيأه للنوم) وحطيه فى نفس المعاد ونفس المكان كل يوم فى غرفه بها اضاءه خفيفه فقط طبعا فى الاول مش هتلاقى استجابه بس مع الوقت هتلاقيه لوحده بدأ يتعود وخلى بالك لو نام بالنهار نيميه فى هيصه ومكان مضئ وممكن كمان لو طول فى النوم تصحصحيه وترضعيه فهيبدأ يحس ان فى حاجه اسمها نهار (وقت هيصه ودربكه ومكنسه شغاله وغساله)وليل (وقت هادى ومفيش أصوات), وطبعا هيصحى يرضع كل ساعتين تلاته بس رضعيه فى نفس الغرفه ومن غير كلام خالص وبعد الرضاعه رجعيه لسريره وان شاء الله مع الوقت هتلاقيه يقوم يرضع وينام تانى على طول
وربنا يخليهولك وتعدى الفتره ديه على خير كلنا مرينا بيها بتبقى هلاك أنا مكنتش بنام الا تلات ساعات فى اليوم كله والله وكمان بيبقو بالنهار ربنا يعينك
آخر مرة عدل بواسطة d2do2a : 04-12-2010 في 01:35 AM
مش عارفة اشكرك ازاى بجد ....انا بس اللى محيرنى تضارب الاقوال واحدة تقولك ينفع وواحدة تقولك متنفعش ...واحدة صاحبتى قالتلى انى اظبط نومة بعد السبوع بيوم علطول لانه لو طول اكتر من كدة مش هاعرف اظبتها وحياتى مكركبة ومتطلبات البيت كمان تحسى ان الدنيا زحمة
كلامك ريحنى شوية ربنا يباركلك فى اولادك...ايوة كدة احلى حاجة صحبة خير فى وقت الشدة والسراء ...اختك فى الله ام يحيى
بتشكرينى على ايه يا ام يحي احنا اخوات هنا فعلا والواحد لقى مساعده معنويه من ناس كتير هنا ربنا يجمعنا فى الخير دايما, وبالنسبه لتضارب الاقوال عادى حصلى وبيحصلى لسه وكمان مش كل طفل زى التانى يعنى كانو بيقولولى لو حميتى الطفل وبعديها رضعتيه هينام فورا أنا بقى ولادى من ذوات الادمغه المصفحه كانو بيستحمو وألاقيهم صحصحو وفاقو
طبعا هتحسي ان حياتك مكركبه وياريت لو تقعدى عند مامتك الفتره الاولانيه ولو فى بيتك برضه ميهمكيش الكركبه لازم فى االاول يحصل كده وسيبك من شغل البيت والاكل خالص دلوقتى لحد ما تعرفى تظبطى امورك ونصيحه لما ابنك ينام فى أى وقت نامى معاه عشان تعرفى تواصلى ولو انى معرفتش أطبق النصيحه ديه لانى لاااايمكن انام بالنهار أنا انسانه طبيعيه بحب النوم باليل وطبعا النتيجه انى كنت بواصل ليل بنهار يمكن بغفل من كتر التعب الظهر شويه لان البهوات كانو نوم بالنهار وصحيان باليل ولو حصلت معجزه ونامو باليل كانو بيبدلو عليا واحد يصحى والتانى ينام,بس صدقينى الوضع عندى كان سئ جدا وعلى الرغم من كده الحمدلله اتظبط على تلات شهور وفى ناس أعرفهم نوم ولادهم اتظبط على أربع شهور يعنى مش صح الى بتقوله صاحبتك انك لو معرفتيش تظبطيه فى الاول مش هيتظبط انتى بس اعملى الروتين الى قولتلك عليه واصبرى شويه وهتلاقى الدنيا اتظبطت لوحدها
ربنا معاكى وأى استفسار فى اى حاجه أنا تحت أمرك
آخر مرة عدل بواسطة d2do2a : 08-12-2010 في 07:47 PM
الروابط المفضلة