في حد مر بهذي التجربه

من ايام رحت ازور حرمه اخو زوجي في المستشفى وكانت توها مربيه وهي في مدينه غير مدينتنا فظطريت اشل معايه ولدي احمد مع اني دايما احاول ما اشل وكنت متفقه مع ابوه ان يشل معاه بس اول ما وصلنا طلع مع اخوه وما رجع والحين بقولك الفيلم الرهيب الا سواه احمد:

1- الجريمه الأولى :يركب على سرير حرمه عمه وهي بجر وتوها ولده وينط من فوق السرير للأرض طول اليلسه على هالحال...(عاد مش اي سرير مفصلين فرش حرير خاص للمستشفى على الأقل 2000)

2-الجريمه الثانيه : كل ساعه نط على الولد يحبه ويلمسه (الجميع ينظر الينا بنظرات الغضب و الترقب)

3-الجريمه الثالثه: كل اولاد الضيوف يلعبون بره الأ احمد مصر على ارتكاب الجريمه تلو الجريمه (لم تفلح نداءات الأطفال للعب معهم)

4-الجريمه الرابعه:يوم حطو الأكل يروح جدام الحريم ويأخذ الأكل وأنا اكلم و حاول امسك اعصابي بدون فائده(للمعلوميه في البيت لو احط له اكل الدنيا ما بياكل لين يطلع عيني)

5-الجريمه الخامسه:كل في صوب و النط على الكراسي في صوب(زين ما طاح على وحده من الحريم)

وغيرها من التصرفات الا خلتني احلف اني ما اروح به مكان مره ثانيه

بس الا مستغرب منه كيف اولاد الناس ما شاء الله عليهم ما ينسمع لهم صوت يلعبون بره ولا يدخلون حتى تطلع امهم ولا يخربون ....
على العموم ولدي ملتزم عندي في القسم مالي يخرب بس اقدر اوقف عند حد
لكن جدام الناس ما اقدر شو تنصحوني؟؟؟؟؟؟؟؟؟؟؟؟

الكثير من الأطفال لديهم طاقات عالية ويسمونهم هنا hyper وببساطة أقول للأم التي طفلها بهذا الشكل أن لا تأخذه إلى مكان تخاف أن يكون غير مرغوب "بتخريبه"، يكفيه أماكن الألعاب وتواجد الأطفال والحدائق، ولكن بسبب طفلك لم تكوني حتى مضطرة لهذه الزيارة في المستشفى، اتصلي فيها وباركي لها وأخبريها أنك لا تستطيعين الزيارة بسبب ابنك وحركاته، وعندما تخرج تزورينها في بيتها.

وللطفل الكثير الحركة باختصار، لا تأخذيه إلا إلى أماكن يستطيع أن يخرج كل طاقته فيها، مثل الحدائق وملاهي الأطفال ولكن لا تأخذيه للزيارة إلا لو كان الناس عندهم أطفال في سنه، وباستطاعتك التحكم فيه إن أخطأ. وإن زادت حركته أكثر وتظنين أنها تضايق الآخرين، خذي ابنك واذهبي إلى البيت. وإن كنت مضطرة إلى الذهاب إلى المستشفى مثلاً للزيارة اتركي معه في البيت جليسة أطفال تعرفينها وتثقين بها. أو اتركيه عند أهلك لو كانوا قريبين منك.

مشكور اخت ايمان على النصيحه
ويزاج الله خير