السلام عليكم يا احبائى

انا حابة احكيلكم تجربتى فى فطام ابنى احمد
اولا حابة اشكر منتدى لك جدااااااااااا لانه ليه فضل كبير جدا عليا فى جمع المعلومات وتجنب الاخطاء وقراءة تجابر الاخرين

تجربة الفطام

انا والحمد لله من اول ما احمد كمل 6 شهور وانا بطلت ارضعه بالليل كان بيتعشى كويس وخلاص مفيش رضاعة تانى وعملت كدة لانه كان بدا يصحالى كل ساعة وعاوز يرضع وجيت على منتدى لك وقريت تجابر الاخوات ونصحونى بفطامه بالليل -وفعلا عملت كدة وارتحت خالص وهو ارتاح بقى ينام طول الليل وانا ارتحت

بعد كدة قررت افطمه لما يتم سنتين وبدات فى التدرج من قبلها بشهرين يعنى كل 15 يوم كنت اقلل الرضاعة والاعبه
لحد ما وقلنا فى اخر شهر لرضعتين النوم واحدة فى العصر والتانية بالليل وعزمت على التوقف عنهم فى الاخر ولما تك سنتين هجرى نويت وتوكلت على الله ووقفت الرضاعة -بصراحة انا استخدمت زيت جونسون حطيته على الحلمة وهى مرة وقرف منها وبعد كدة قلتله دة باظت ورمنيها فى الزبالة -طبعا قعد اول 3 اايم كل ما ييجى ينام يزن بس الحمد لله بعدها نسى وبقى بنام وعدت التجربة بسلام وكان باقى اليوم بيلعب وعادى لانى اخدتها بالتدريج معاه -وانا نفسى الحمد لله ما تعبت شمن تجمع اللبن لانه ضعف بالتدريج وراح لوحده من غير ما اسخن ولا اتعب ولا اخد برشام

والف شكر لمنتدى لك واللى بيزودنى بالمعلومات ويايرت اى اخت عندها تجاربة ناجحة تفيدنا بيها

والله كلامك رائع ومفيد، انا ابني سنة وللحين مو عارفة اضبط مواعيد رضاعته لا ليلا ولا نهارا!!

اهم حاجة فى الفطام

لازم نعرف ان موضوع الفطام بيتقسم ل 3 مراحل
1-ما قبل الفطام
2-الفطام
3-ما بعد الفطام

[B]

1-ما قبل الفطام

[/B]
وهو اننا نبدا قبلها بشهرين على الاقل ونتدرج فى تناقص عدد الرضعات كل فترة نقلل رضعة
ودا كويس ليكى وللطفل للطفل عشلان ما يحسش انه اتحرم من احلى واهم حاجة عنده فجاءة ويحصله ازمة نفسية
وليكى عشلان اللبن يقل بالتدريج وما تتعبيش

2-الفطام

وفيه ننوى وفطم الطفل نهاءى عن الرضاعة وهتكون رضعة او 2 اللى باقينن وان شاء الله تكون مرحلة سهلة لو نفذنا الخطوة السابقة

3-بعد الفطام

ودى اهم نقطة لان الطفل بيكون نفسيا متضايق جدا لان الرضاعة دى حاجة مهمة جدا عنده نفسيا لانه بيكون فى حضن امه وبيحس بالحنان -فا لازم الام تعوض الطفل وتاخده فى حضنها كتير وتلعب معاه وخصوصا فى الفترة دى لازم تزودى جرعة الحنان خاااااااااااااااااالص ودا هيفرق مع الطفل جدا وما يتازمش

جزاكى الله خيرا حبيبتى
بس انا كنت عاوزة أسألك أزاى قدرتى تفطميه الفطام الليلى لان بنوتى تعبانى فى النوم خالص

كتبت بواسطة hala118

جزاكى الله خيرا حبيبتى
بس انا كنت عاوزة أسألك أزاى قدرتى تفطميه الفطام الليلى لان بنوتى تعبانى فى النوم خالص

بصى طبعا بتختلف على حسب سن الطفل كل ما كان صغير كل ما بيستسلم بسرعة
لما يصحى بالليل جهزى جنبك كوباية مخصصة للاطفال اللى ليها بوز من فوق او اى حاجة شبهها وتكون فيها مية وكل ما يصحى ويطلب الرضاعة اديله مية وهو هيزهق وينام ومرة ورا مرة هيبطل يصحى ولما يزن شيليه ونيميه وهزيه علشان يدخل فى النوم بسرعة
وزى ما قلتلك كل ما كان سنه صغير كل ما هيستسلم بسرعة يعنى ابنى كان وقتها 6 شهور فا اخد 4 ايام وزهق وبطل يصحى تانى بالليل واوعى ترضعيه فى مرة علشان هو بيفهم انه انتصر عليكى
وربنا معاكى

كتبت بواسطة queen2020

بصى طبعا بتختلف على حسب سن الطفل كل ما كان صغير كل ما بيستسلم بسرعة
لما يصحى بالليل جهزى جنبك كوباية مخصصة للاطفال اللى ليها بوز من فوق او اى حاجة شبهها وتكون فيها مية وكل ما يصحى ويطلب الرضاعة اديله مية وهو هيزهق وينام ومرة ورا مرة هيبطل يصحى ولما يزن شيليه ونيميه وهزيه علشان يدخل فى النوم بسرعة
وزى ما قلتلك كل ما كان سنه صغير كل ما هيستسلم بسرعة يعنى ابنى كان وقتها 6 شهور فا اخد 4 ايام وزهق وبطل يصحى تانى بالليل واوعى ترضعيه فى مرة علشان هو بيفهم انه انتصر عليكى
وربنا معاكى

حبيبتى مرسيه لردك
انا بنوتى عندها 10 شهور وعنيدة وخايفة بصراحة احاول معاها وأرجع تانى لان صوتها عالى اوى
ربنا يستر أدعيلى

كتبت بواسطة لأجل المذهلة ..

والله كلامك رائع ومفيد، انا ابني سنة وللحين مو عارفة اضبط مواعيد رضاعته لا ليلا ولا نهارا!!

شكرا لردك يا لاجل المذهلة
ابنك كمل سنة يعنى بياكل كويس خلاص افطميه بالليل بس -خلى وجبه العشا تكون كويسة علشان يشبع وبلاش رضاعة بالليل -ونظمى باقى الرضعات فى النهار وخلى اعتماده الاساسى على الاكل مش اللبن

كتبت بواسطة hala118

حبيبتى مرسيه لردك
انا بنوتى عندها 10 شهور وعنيدة وخايفة بصراحة احاول معاها وأرجع تانى لان صوتها عالى اوى
ربنا يستر أدعيلى

ربنا معاكى وسنها مش كبير بس بلاش تستسلمى ليها-

مبروووووووك يا كوين ع الفطام
انا بصراحة فااااااااااااااااااااااااشلة فى الموضوع ده
وكل ما اجرب افطمها من رضاع الليل
ارجع تانى
لحد ما بقى عندها مناعه وبقت تصر ترضه لا بيحوق فيها مية ولا عصير ولا انى اسيبها تعيط
عاوزة احاول تانى بس مش عارفه ازاى
نى بصراحة عاوزة افطمها قبل رمضان عشان اقدر اصوم

الف مبروك يا قمر
ما شاء الله طريقتك رائعة ومريحة جدا
ربنا يبارك لك في ابنك ويحميه