ولدي

الســــــــــــــــــلام

اتمنى من الجميع انه يقولون رايهم في الموضوع. عندي ولد عمره خمس شهور واسبوعين بالضبط. وانا موظفه دوامي من الساعه 6 الى الساعه 3:30 وطبعا اضطريت اجيب شغاله تجلس مع ولدي لان ما في حد حولي الوالده متوفيه والخوات كلهم عندهم ظروفهم الخاصه.

المهم انا مع اهل زوجي في البيت ومرت عمي تجي من الدوام قبلي واذا جى وقت غداهم تأكل الولد من اكلهم توه المفروض ياكل اشياء مسلوقه وكل شئ لحاله علشان الواحد يعرف يناسبه او لا. هذا جسمه الحين كله محبب غير الاضطرابات في بطنه مره اسهال مره امساك والمشكله انها ام وعارفه قلت لها كم مره خلي الولد انا اذا جيت اسوي اكله يعني باسلوب طبعا لان انا ما احب الكلام الزايد هذا طبعي.


اشلون اتصرف علشان الولد بلييييييييييييييز.


أم راكان؟؟؟

طيب اختى ليه ماتعملين له اكله بالليل وتحتفظين فيه فى الثلاجه ...وتطلبين منها تأكله منه ..وماعليها غيرانها تسخنه وبس ..

هلا اختي ومشكوره على الرد
بس المشكله اني سويت له الطريقه هذا وما ترضى تاكله منه اذا رديت من الشغل اسال ليه ما عطيتوه تقول حاله حالنا ماله داعي تسوين له شئ خاص.
اخر حل سويته قلت للشغاله تشبعه قبل وقت غداهم سيريلاك او اي شي بس نفس الشي تاخذه وتعطيه تقول علشان ما يستنكر الاكل اذا كبر.

أختي عليك بالكلام معها بجدية وبأدب وبهدوء وإقناع، يجب أن تعلم أن هذا غير مفيد هكذا بل مضر. وهي بنفسها ترى مشاكل المعدة التي يعاني منها. خذيه للطبيب وأخبريه بما يحصل، سيخبرك عن ما يسببه هذا الأكل من مشاكل مع الطفل، أخبري حماتك به لربما اقتنعت برأي الطبيب.
واستمري بتجهيز الأكل له قبل بيوم، وأصري أن هذا هو الأكل الذي يجب أن يأكله.
إن لم يكن فارق الوقت بين عودتك أنت وحماتك من العمل فارقاً كبيراً، حاولي تغيير جدولك بأن تأتي أنت قبلها، هذا إن تعذر كل شيء.
وطبعاً لا تنسي زوجك، يجب أن يساعدك في هذا الأمر ويقنع والدته أن لا تتدخل في أكل الطفل!

نعم اختي
لا تجاملي على حساب طفلك
وفكرة ايمان حلوة
وهي ان تأتين لها بالكلام من نفس الطبيب الي تذهبين له
طبعا بالكلام الجميل والاسلوب الحسن


الله يعينك يا اختي
ولو تطلب الامر تأخذين اجازه طويله من اجل طفلك

مثل ماقالوا البنات بس عندي شي واحد البيبي اولى من العمل ومثل ماقالت ام وريحانه خذي اجازة طويله يعني تقريبا 6 شهور يعني بيصير عمره تقريبا سنه طبعا تكون الاجازة بدون راتب لاني عارفه ان العمات مايجوا بالكلام مستحيييييييل حتى لو كان كلام طبيب ..

والله لازم تفضلي ابنك على شغلك متل ما قالت الاخت ام سارونا
وبس يكبر الطفل بترجعي الى الشغل

انا من رايهم لازم تفضلي تربية ابنك على عملك

والله اني يوم دخلت المنتدى وقريت الردود حسيت انكم خوات ونعم الخوات والله.
وشكرا لكل من اخذت موضوعي بالاعتبار و انصحتني

وشكلي والله باخذ اجازه طويـــــــــــــــــــــــــلــــه زي ما قلتو لانه حرام اللي قاعد يصير فيه توه صغير ما يتحمل

الله يوفقكم عزيزاتي....

ماشاء الله

صج

ماتركوا لي مجال

وأنتي بارك الله فيك

وعلى قولة المثل

أهل مكة أدرى بشعابها

وأنتي أدرى بولدك

تسلممممممممممممممممممممممين