السلام عليكم و رحمة الله و بركاته
أخواتي العزيزات مشكلتي انه بنتي عمرعا سنتين و 3 شهور بترضع صناعي
و أكلها قليل جدا و هالحكي هدا صارله 7 شهور تقريبا
اليوم كنت عند الدكتور كانت تعبانة شوي بس أنبني على وزنها الي طلع
10 كيلو بس و المفروض يكون 12 كيلو مع زيادى غرامات ... قال لي هو زمان عن أطعمة ممكن تفتح شهيتها و تزيد
وزنها مثل العسل و زيت الزيون و الزبدة بالإضافة إلى اطعامها وجبات صحية
و منوعة و أنا الصراحة ما قصرت معها بس هي ما بتاكل دائما بنفس الكيمة
و نفس الشهية و بحضر لها أكلات تحبها بس أغلب المرات بتفشلني و ما
بتاكل الا كميات قليلة أو ما بتاكل بالمرة متل (بطاطا مقلية - بطاطا و جزر مسلوقين
- رز و خضار الى جانبها لبن زبادي - كوكتيل فواكه مع عسل - بيض مقلي و
مسلوق )
و الي لاحظته كمان اني بس أبذل جهد معاها و مع أخوها بموضوع الأكل و
ألاقيهم تحسنوا شوي بنسافر عند أهل زوجي و هناك بحسهم بيزيد نشاطهم
و بيلعبوا و بينشغلوا مع كل الأقارب هناك و بيصير أكلهم صفر و بيعتمدوا على
الحليب و الشيبس و الشوكولاتة و بصراحة هناك ما بقدر أتحكم بموضوع أكلهم
متل ما بكون ببيتي
شو رأيكم خواتي هل في حلول لمشكلتي أو طرق لاقناع بنتي بالأكل و تحبيبها
فيه ؟ مع العلم ان أخوها ما شاء الله عليه أكله أحسن من أكلها عمره سنة و 4 شهور بس كمان وزنه
قليل بس مو متلها فيا ليت تساعدوني و آسفة كتير عالاطالة
الروابط المفضلة