مشكلتى مع بنتى الرضيعة والطعام

السلام عليكم بنتى عمرها 7اشهر وعايشة عالرضاعة الطبيعي بس كل ما اديها اكل ترجعه من قبل ما يوصل للحلق جربت الزبادى والسيريلاك والبسكوت والجبن والاكل العادى هى بتكون عاوزة تاكل لكن دايما الاكل ما بيتبلعش شافها اكثر من دكتور وقالوا مافيش مشكلة فى الحلق ارجو حد يفيدنى

صغري اللقمة كثيرا جدا
يعني لقمة عصفور وأصغر
الله المستعان
ربي يحفظها ويعافيها من كل سوء
ويقر عينك بها

نفس مشكلة ابنى ..........عمره 8 شهور واسبوع وعايش على اللبن الصناعى فقط واى اكل يرجعه فورا ويقفل فمه تماما ويستحيل اعرف ادخل المعلقة ولوغصبت عليه يرجع فورا

هو اصلا كان بيرجع كل يوم رضعة لبن من وهو مولود ورحت به لدكاترة كتير وقالولى ده ارتجاع بسيط فى المرىء ولما يكمل ست شهور هيروح لوحده ولكن للاسف هو بطل يرجع اللبن الا بسيط اوى................ ولكن بيرجع الاكل كله رغم ان الدكاترة قالولى لما يبتدى ياخد حاجات صلبة هيبطل ولكن العكس حصل يعنى اصبح لا يرجع اللبن ولكن يرجع الحاجات الصلبة.............

حاولى معاها بالعصير انا ابنى بيشربه شوية وكمان جربت معاه الزبادى وبدوب فيه بسكوت فارليز الاصابع وده الحاجة الوحيدة اللى بيرضى ياكلها..............

جربى ان تلحسيها بطرف اصبعك يعنى كمية لا تذكر و بعدين راح تتعود باذن الله