انا اعتقد ان هاي الفئة العمريه من سنه الى ثلاث سنوات هي من اخطر فترات عمر الطفل .. لان فيها تتكون شخصيته و استقلاليته عن الام .. و في نفس الوقت من اهم المراحل الي فيها يتكون و يتطور فيها الجسم و الذهن .. ليش اقول ها الكلام ؟ .. لان وحده من الطرق الي يحاول فيها الطفل ان يثبت شخصيته و استقلاليته و تحكمه في حياته هي رفضه للاكل او محاولته ان يختار هو شو يريد بالضبط .. بس بصراحه هذا شي صعب بالنسبه لام .. خصوصا انها تكون مشغوله بأعمال البيت و الاطفال الثانيين او اي شي ثاني .. رفض الطفل للاكل من اصعب الاشياء الي ممكن تمر فيها الام ، لان الاكل من اهم الاسباب الي تساعد الطفل على النمو ، فتحس بقهر اذا هو رفضه او حاول ان ياكل شي و يترك شي ثاني اهم
الحين شو نسوي ؟
انا قلت خل كل وحده تحط الجدول و النظام غذائي الي تعطيه لابنها او بنتها .. و كلنا ان شا الله نستفيد من بعض .. ممكن وحده تكون غافله عن شي مهم ما تعطيه لطفلها و وحده ثانيه تنبهها و تعرفها
طبعا نظام ابني الغذائي هذا قديم .. بس انا احاول قدر الامكان امشيه على حسب ما يطلب هو حاليا ، ما شا الله قبل كان ياكل اكثر الحين طبعا قلت الشهيه .. لاسباب كلكم تعرفونها -يلي عندكم اطفال في نفس العمر-
و خلونا نبدا
الصبح بدري -على الساعه سته او خمسه و نص- كان ياخذ رضعة حليب .. الساعة تسعة اسويله فطور .. بيضه مقليه مع جبن -لان ما ياكله الا بهاي الطريقه- .. و يوم اعمله سندويتش زبدة فول سوداني مع مربى .. و يوم اعمله سندويتش مرتديلا تركي مع جبن ، و يشرب مع الوجبة نص كوب عصير .. بين وجبة الافطار و الغداء اعطيه موز او بسكويت .. الغداء ياكل اي شي انا عاملتنه في البيت .. بس يفضل الرز و ما يحب المكرونه .. بين وجبة الغداء و العشاء اعطيه بسكويت او حبات سيريال مع نص كوب عصير .. للعشاء اكون عاملته بطاطا مقليه و قطع الدجاج نجتس .. او اعطيه سيريال مع حليب .. و قبل ما ينام بالليل ياخذ رضعة حليب ثانيه
للاسف ها الجدول مش شغال نفس اول .. صار ياكل بس وجبتين في اليوم ، و الموز انلغى من قائمة الاكل .. بس قدر الامكان احاول اعطيه اكل متوازن .. في طريقة جديده اخدعه فيها و هي اني ابشر خضار مع الرز و اضيفه له اثناء الطبخ بس الجزر او الكوسا .. فياكل هاي الخضار بدون ما يحس فيها
ان شا الله تكونوا استفدتوا مني .. الحين انتظر اضافتكم عشان ان شا الله استفيد منكم .. و كلنا نفيد بعض
رد مع الاستدلال
الروابط المفضلة