اكتبلكم والعبره خانقتني الحقو علي

**melaf** · 02-03-2003, 02:38 AM

يابنات الحقوووو علي
ولدي جته ازمه صدره ماادري وش فيه ربو والا حساسيه
طول اليل مانام لاانا ولا هو بس يكح كحه فيها بلغم
قولولي شي سريع المفعول
خصوصا ايمان مره قريت موضوع فيه شي ادفيه وحطه بصدرهههه
وشياء ثانيه لاحقو علي ابيه يخف قبل اولد

**أم سارونا الحلوة** · 02-03-2003, 04:34 AM

عزيزتي ميلاف سلامته الف سلامة شوفي انا جربت وسويت بحث بكلمه بلغم وطلعت مواضيع واجد سوي بحث واقريها ومايشوف شر انشاء الله .

**الشموسه** · 02-03-2003, 06:18 AM

حبيبتي اهدأي بالاول
وجربي المنثول وهو دهن اليوكالبتوس
يباع في الصيدليات كونه فاتح للقصيبات وايضا مهدئ للالم لومسحت به المفاصل
ويوجد على شكل كبسول يقص طرفه الاعلى ويوضع في قدر فيه ماء مغلي ويستنشقه المريض
والاهم من ذالك عرضه وبسرعه على الطبيب المختص وبلا تردد حتى لا تشتد الازمه
وسلامته من الاه

**أسيرة الغربة** · 02-03-2003, 06:59 AM

اعرضي طفلك على طبيب ... حتى ماييتعظم لو سمح الله وسكون ازمة او ربو .

**إيمان علي** · 02-03-2003, 05:11 PM

حبيبي الله يشفيه

أنا قالتلي أم معاذ عن طريقتها وجربتها ونفعت مع بنتي.
سامحيني إذا كنت متأخرة!!
دفيت زيت زيتون وفركت صدر بنتي فيه، وجبت جريدة ولفيتها فيها بحيث تكون ملامسة لجسمها.
وفعلاً هدأت وارتاحت الحمد لله. وابني صار معي سعال قوي، فقط عالجته بالعسل، مرة صباحاً ومرة مساء.
لكن إذا كان ابنك عنده حساسية أو ربو، شوفي الدكتور أحسن شيء تتأكدي من المشكلة.
وبالشفاء ان شاء الله.

**البشرى** · 02-03-2003, 06:43 PM

اختي سلامته الف سلامه عليه
انا ابني عنده ربو وزاد معه هذه الايام واستغربت ماهو السبب؟
ووجدت انه قفص العصافير الي جابه الوالد هديه لعيالي هاذه الايام!!
اخرجت القفص في حديقة البيت وخف والحمد لله
ابحثي في البيت لايكون فيه شي جديد واثار كحته
ومثل ماقالو الاخوات لابد من الذهاب به الى الطبيب
الله يشفيه ويعافيه

**melaf** · 02-03-2003, 09:35 PM

مشكورات خواتي اسعدتوني بوجوفكم جنبي
ولدي عرضته على الطبيب وقالي عنده حساسيه وربو
والسبب انه خديج ولد في الاسبوع 25
وانا عندي في البيت اكسجين والاجهاز حق البخار بيتي كنه مستشفى وانا
وانا من ولادته وانا ممرضه له
بس امس طلعت للمستشفى خليته عند الشغاله ولما رجعت ليقيته حالته حاله
تراها الله يهديها اعطته زبادي بالفرولا وبارد بعد والبارح مانام
ام سـارونه جزاك الله خير والله يسلمك
الشموسه جزاك الله خير بس العلاج القاه عندنا في بريطانيا واذا ماعليك كلافه ابي اسمه بالانجليزي
اسيره الغرب جزاك لله خير على حرصك
ايمان الله يعطيك العافيه ابي اجرب الزيت اليله
ام ريحانه الله يسلمك بس مافيه شي عندي جديد
واخيرا
ادعوله يخف قبل اولد

**دندون** · 02-03-2003, 10:03 PM

شوفي ياختي .....
انا عندي بنتي من يوم ماجبتها وهي على ها الحال لاتخافين انشا الله مهب صاير شي....
اهم شي ابعدي عنه اي شي بارد اواي شي حلو لان الاثنين يثرون الكحه في الصدر
ثاني شي تبين الكحه تروح عطيه بخار كل ساعتين لمده يوم وبتشوفين وشلون يرتاح وقدر المستطاع وديه للدكتور عشان يشوف وش فيه لايكون عنده شي بالصدر مثل نزله او التهاب فأنه بيحتاج مضاد وانشا الله يشفى بس انت اهم شي ابعد عنه اي عطور اوبخور اوايشي يستثير صدره
والله يعينيك ويقومه لك بالسلامه

**LeEn** · 02-03-2003, 11:04 PM

سمعت انو في مشروب اسمو صديري اعتقد عند العطارين ممتاااااااااااااااااااااااااز.

**بنت_المطر** · 03-03-2003, 02:14 AM

سلامته اختي ما يشوف شر ان شا الله
انا ما احب الادويه و احاول قدر الامكان ما استخدمها و افضل الوصفات المنزليه .. حق الكحه و البلغم عندي وصفه استعملها حق ابني .. تيبين لبان عربي و تغلينه في ماي .. برديه و شربيه منه ، ممكن ما يتقبله عشان طعمه مر .. بس عطي اياه بالابره .. بعد احط معاه شي بس ما ذكرتلك اياه عشان يمكن ما يكون متوفر عندك عشان كذا اكتفيت باللبان .. انا اضيف للبان الكركم ، بس مش كركم الطبخ .. ها موجود عند العطارين و يسمونه "كركم انثى" .. و الله وايد مفيد ، مغلي اللبان و هذا الكركم .. و قبل النوم ادهنيله صدره و ظهره بفكس اطفال ، و حطيله مخده ينام عليها عشان تسهل التنفس .. و لا تعطيه حلويات و شوكلاته لانها حاره على الصدر
الله يشفيه ان شا الله