ابني والمدرسه

السلام عليكم ورحمه الله وبركاته
الي خواتي الفاضلات انا عندي مشكله مع ابني
ابني العام الماضي لما كان عمره سنتين ونصف بعته الي مدرسه عربيه علشان يتعلم العربي ويتعلم كيف يلعب مع الاطفال لانني في بلد اجنبي ولا يوجد عندي ستلايات عربي لانه بكلفني وزوجي مابده وانا عندي مع ابني طفله لان عمرها سنه ونصف المهم العام الماضي كان اول مره ببعد عني وهو عيط شوي اول يوم وسلك معاهم لانه المعلمه كانت كويسه واعتقد هو سلك لانهم بتكلموا نفس اللغه يعني عربي المهم يا ستات سلك شهر كان بس يودعني علي الباب ويسكره ومره اخر الشهر ايجيت بدي اروحه لقيت ببكي سالت المدرسه قالت بده يروح ما به ينام هم كانوا بعطوا ناب يعني ينيموا الاطفال تقريبا ساعه للاولاد الذين بداوموا طول اليوم بس ابني 3 ساعات ما بنام بس كان جالس علي الفرشه المهم تاني يوم ما بده يروح انقلب الولد ليش مابعرف وديته غصب عنه زصار يبكي وما بده اياني اسيبه المدرسه قالت لي ان استني شوي بالصف ما روح علشان يتاقلم داومت معاه 3 ايام من رمضان الماضي انا كنت صايمه وبنتي صغيره كانت وبترضع وما قدرت وكان مجنني ما بعرف شو غير حاله بعد ما كان مبسوط انقلب المهم روحت علي المدرسه سالتها قالت انه اخذ لعبه من الطفل تاني وبعتوووووووووووووووووه الي مديره المدرسه علي مكتبها تصورا طفل اقل من 3 سنوات ببعتوه الي المديره طيب وشو عملت له قالت المديره لي انها قعدته علي كرسي عندها وقالت له وهي تنظر بعينها له انه العمله غلط وقعد شوي وبعدين بعتته الي الصف انا ما سدقتها طبعا لانني كنت بعرف بتصرخ علي لاولاد لاكبر منه المهم عقدت الطفل ويلها من الله الله لايوفقها
المهم السنه هاي بدي ابعته علي مدرسه حتي يتعلم ما برد علي في البيت وانا دائما بنتناقر مع زوجي علي موضوع الدارسه له بقولي درسيه لما بدي ادرسه بقعد شوي وانا اشتريت كتب والوان وكنت حلوه وفيها صور واللوان والرقام يعني كتاب للعد لعمره 3 سنوات وكتاب صور وكلمات طبعا كله بالللغه لانجليزي بس انا بحكي معاه عربي واشتريت سبوه وطباشير علشان اعلمه كتابه الحروف والارقام وبحاول احفظه سوره قل هو الله احد بس مشكلته ما برد لا اذا بلشت اصرخ او اعصب وبحاول امسك اعصابي وببلش بده بابا وبعيط وبحاول مره تانيه معاه بهدوء
المهم المشكله ان ابني تعقد من المدرسه بعتته الشهر هادا علي مدرسه امريكيه حتي يلعب مع الاطفال قضاها الشهر كله يعيط وبده ماما طلعته منها لانه المدرسه ما بدها اياه لانه بعيط
وللاسف للاسف للاسف المدارس العربيه هون طبعا مش كلها تعرف تعلم بس بدها مصصصصصصصصصصصصصاري اهم شئ
شو لازم اعمل زوجي لان حكي معاي علي التلفون لانه بالشغل بقولي درسي احمد شوي وانه لازم يشوف حل علشان المدرسه ويحب المدرسه
بدي مساعده شو لازم اعمل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا اسفه اني طولت بس كنت بدي اشرح لكم شو صار مع ابني العام الماضي وانا وين عايشه مغتربه ومافي اهل ولا اصدقاء وما بعرف شو اعمل مع ابني وزوجي موجع راسي

صراحه في اكتر من اخت عندها نفس المشكله
و المهم انو الولد يحب المدرسة و خاصة يكون مرتاح
مع المعلمه تاعته و مع الطلاب الي في الصف
ازا ما اندمج ما في قوة بتخليه يحب الدراسه
ارجعي حاولي مع ابنك حببيه بالدراسه و بالاصحاب
و اسالي اي حدا بيعرف مدارس عربيه كويسه
و الاهم معلمه مناسبة لابنك فيها تتفهم الطفل
و انتي ترتاحي بالتعامل معها انا صراحه درست بمدرسه
كنا نعصب ع الطلاب الي بغلبوا بس في بعض الطلاب كانت امهم تيجي اسبوعيا
تسال عن ابنها فنصير تلقائيا نراعي هاد الولد عشان خاطر امه
ما تفهميني غلط بس الافضل انو تضلي تابعي ابنك
عشان يتاقلم مع الوضع و المعلمه تفهم انو انتي دايما متابعه ابنك
و انك والدة مهتمه بمصلحه ابنك و ممكن تطلبي
انك تشاركي بنشاطات المدرسه ما بعرف كيف النظام عندكو
بس فيكي تكوني عضو فعال بمدرسه ابنك و يكون ابنك مرتاح لوجودك الدائم
في مدرسته

الله يكون في عونك والله صحيح مشاكل الروضة مشاكل
يارب يعينك والله انا حاسة فيك والله المشكله الروضة نفسها وليس المشكلة من ابنك
يعني زي ماقلت الاخت اسالى عن روضة كويسة وانشاءالله راح تلاقي وشجعي ابنك
وكافئية حتى يحب يروح يعني اليوم لى يروح في وما يبكي عطية هدية او اعطية حاجة يحبها
عشان يبسط فيها ويتشجع وابنك لسة صغير بس والله الروضة لما يروح صغير بعد مرور فترة راح تلاقية كبر اكثير انا ابني وديتة عمر3 سنوات كان يبكي بس الى شجعة لانة اخوة الى اكبر منة كان معاه ولما وديتة مش راضي يقعد في فصل لحالة كان لزق في ااخوة وبهعد مرور فترة بسيطة قالى ولدي الكبير ماما اخوي الصغير راح على فصلة مش معاي الحين وفرحت كثير وكافات ابني الصغير على الى صار والحمدالله
الله يعينك بس طولى بالك علية والله يسهل امورك يارب العالمين

والله انا كنت كل يوم اسال عنه واتابعه المشكله مش بالمدرسه المشكله بالمديره التي تحشر حالها بالصف وبتقول للمعلمه ان تشد علي لاطفال هدول اطفال اعمارهم من سنه ونصف ال خمس سنوات زذا اي حدي عمل شئ بتصير بتبحلق فيه وهي تحكي معاه بتخوفوا علشان يصير هادي وابني كان ماشئ شهر كامل مثل العسل ولما هي خوفته بطل بده يروح علي المدرسه الا وانا معاه في الصف ولان هو كبر شوي بس لما اقول له انه بده يروح علي المدرسه بنجن ما بده يروح وان بقوله بتلعب هناك وترسم وفي العاب وانا بشتري لك حلوي بس بده اياني وانا بقوله اني بدي اطبخ وانظف البيت وباجي اروحك بنجن وبصير يبكي
ما بعرف شو بدي اعمل فيه