سؤال عاجل

السلام عليكم ، ابي اسالكم انا ولدي عمره سنه وتسع شهور ولسه ما تكلم مظبوط يعني يقول كم كلمه بسيطه لكن اشوف الي بعمره يقولون جمل ما ادري معناته عنده مشكله ولا ايش اسبب
هو طفلي الاول ما ادري يمكن يكون سبب وش الحل برايكم

لا تبخلون علي برد
شكراsid

لا ما تخافي عليه، طالما بيفهم عليك رح يتعلم ان شاء الله. وبعدين في هذا العمر، الطفل بيقول فقط كلمات وقليل منهم بيقول جمل.
ثم أنه ما كل طفل بيتقن الكلام مثل الآخر، في أطفال بيتكلموا قبل أطفال..
ان شاء الله بيصير يحكي حتى تصيري تتوسلي إليه يسكت ههههههههههههههههه
قريبة لي تكلمت على الأربع سنوات، والآن أمها تعاني من ثرثرتها!!!!

ما قصرت أموووووووووووووووونه


ما خلت لي شيء

وعادي الوضع وطبيعي

تسلمممممممممممممممممممممممممممممين

لا تقلقي أختي عذوق فلقد عانيت من نفس المشكلة وهو ابني الأول كذلك , وكنت قلقة مثلك , وابني تجاوزالعامين ونصف وهو لا يحسن الكلام , والان عمره 3 سنوات وأصبح يحكي كل شيء ,حتى أصبح يصدعني من كثرة الكلام كأنه بلع شريط ههههههههههههههها, فخليك مرتاحة شوي .

مثل الاخوات
بنتي الحين سنتين والى الان كلامها كانها سيلانية تتكلم بس عنها كلمات بسيطة وعانيت من المشكلة
وعلى الامل ان شاء الله تتكلم عدل
لكن ابيك تلاحظي شغلة
لاني اكتشفت بلحظة ان الخادمة تكلمها سيلاني بغيابي
طبعا احترت بعمري
واخذتها على طول دار الحضانة ولم اكلم السيلانية لاني بصدد تسفيرها لبلدها وما ابي تسوي مشاكل في البيت
الله كريم

يعطيكم الف عافيه على ردودكم وطمنتوني الله يطمنكم

وشكرا

هلا عذوق ان بر ائيي ان البنت في الكلام افضل من الولد ولدي الان اكبرمن ولدك بشههر ونفس اشى كلاماتة بسيطة جدااااا بعكس اختة لما كانت في مثل سنة كانت اشطر منة في الكلام

السلااام ...

انا اعاني من نفس المشكله .. ولدي عمره سنه و نص و للحين يقول كلمات وايد قليله .. و صج خايفه .. و ما احب اسئلة الناس .. خصوصاً ام زوجي كل ماتشوفني تقوللي ولدك مايتكلم لأنك انتي ماتكلمينه بس والله انا على طول اكلمه و الاعبه .. و اكلمه على اساس ان هو كبير مو صغير .. عشان يتعلم اسلوب المخاطبه .. بس للحين ما شفت نتيجه .. موراظين يفهمون إن هذا شي بيد الله .. و ابوي يقول إن ولدي متأخر بالكلام لأن انا وايد احاتي و اوسوس اخاف ان في شي .. الله كريم .

Om-YouSeF