للبحث في شبكة لكِ النسائية:
|
شكرا ياام فريده ......طبعا ان شاء الله هصلي استخاره
اصل بباها مقتنع بالحضانه اللي همه فيها قوي حتى قاللي لو نحول يبقى الفرع التاني اصل الاداره عجباه
هي لا ننكر كويسه بس مفيش اتصال بالام اوي ومهما تقولى يعني علشان بنتي تتعلم البوتتي لازم اتكلم مع الاداره الاول ويشوفوا السن مناسب ولا لا والميس معاها عدد معين تعلمه يعني بيمشوا بالترتيب وبالطلب لغايه اما اتعلمت وهي عندها سنتين ونصف بس الحمد لله اصل البنات غير الاولاد في الحكايه دي.......انا بحس ان الغلط مني اصلي بتكسف حبتين بس يعني لو متكلمتش يبقى اللي المفروض يتعمل ميحصلش
بس حقوللك اهم حاجة متقوليش للسكرتيرة ولا التيتشر ادخلى على نهى او هبة او حتى فافي على طول واغضبي مبيمشوش غير كدة وهي مش وحشة ممكن تستمري معاهم
مهو اللي غير الدنيا ان نهى مشيت..........وهبه اصبحت غير متواجده معرفش ليه اعتقد اهتمامها منصب على الفرع الجديد( بس بصراحه هي ست محترمه واظن انها سبب نجاح الحضانه) اصل كله ممكن استحمله الا تغيير سلوكها لان الكلاس بتاعها معظمه ولاد..........طبعا مسكتناش وهمه زعلوا قوي لانها سمعه حضانه ووعدوا بالتغيير بس
مش عارفه ابتديت مستريحش الحاجه الوحيده اللي بحبها ميس الدين بتاعتها ماشاء الله عليها
سلوكيات واحاديث وطبعا قران والبوكليت بتاع الدين هايل ومنظم...........على العموم هي كده خلاص المدرسه وعليك خير المهم اللي بعده
ياه ده انا كنت بحب نهى اوي وهبة مثال المربية الناجحة اه ام انس فعلا ممتازة بس هما بيحجموها ومش بيخلوها تاخد راحتها وتدي اللي هي نفسها فيه
حلواوي يا جماعه الموضوع ده يارب الكل يستفيد منه طيب كنت عايزه اسئلكم سؤال انا ساكنه في مدينه نصر وعندي ابني 9 شهور وكنت واخده اجازه من الشغل طول الفتره الي فاتت دي ولسه واخده اجازه لحد دلوقتي . ودلوقتي بفكر انزل الشغل تاني ومش عارفه اروح لاي حضانه ممكن يهتمو بالسن الصغير ده؟
الصراحه خايفه ومرعوبه وقلبي مش مطاوعني سيبه بس لازم انزل الشغل. حد فيكم جرب يودي ابنه في اي حضانه في السن ده؟ انا سمعت عن حضنتين واحده اسمها القاهره الدوليه وواحده اسمها عالم سمسم. يا ريت الي عندها اي خلفيه ترد عليه
ايه يابنتي ده.......... اسمها ايه ام انس ياشيخه ريحتيني انا مستغربه بنتي بتقولي ميس انس يظهر فعالا الغلط مني.......
الواحد حس انه وحش قوي........... ده انا عبقال ماعرفت المعلومات دي فين بعد سنتين
قوليلي بصراحه انا فعلا غلط ولاانت على علاقه بحد هناك فعارفه المعلومات دي
حرام عليه فعلا....انا قابلت وحده اعرفها بنتها هناك برده قالتلي كلميهم مره واتنين
طيب بما ان اهتماماتنا الدينيه مشتركه ليه مرحتيش دارلقمان سواء المدرسه او الحضانه
انا ابنى وديتة حضانة اسمها اور كيدز لاند الحضانة عجبتنى فى الاول وكانت ب650 بس انا نزلت مع صاحبة الحضانة ل 550 والعربية 175 وطبعا كل اللى اولادهم فى الحضانة بيحاولو ينزلو فى سعرها لكن هى بتحسس كل واحدة انها عملت فيها جميلة وبتتنطط عليها زى ما ابتدت تعمل معايا ومحسسانى ان بدفع 550 مليم ودى حاجة ديقتنى جدا وبقت تخرج الولد بدرى الساعة 2 او 2ونص بحجة انى بدفع 550 جنية وبعدين اكتشفت ان الحضانة مبقاش فيها غير ابنى وولد كمان امال هى بتتنطط عليا لية مش عارفة بس انا نويت اقلب عليها واروح اسحب الفلوس لانى لسة دفعة من يومين بس اعتقد انى هعمل معاها مشكلة علشان تدينى الفلوس واللة مش عارفة بس انا عندى موقف منها خلاص ولما اشوف هيحصل اية ربنا يسهل
الروابط المفضلة