محتاجة نصيحتكم ورايكم ضرورى عشان مدرسة ابنى ... ارجوكم ساعدونى

**shaimaa 78** · 11-04-2009, 06:06 PM

السلام عليكم جميعا ...
لو سمحتم انا عايزه وبارجوا كل ام مقبل ابنها على دخول المدرسة تقولى رايها
انا من مصر اقيم فى الاسكندرية ابنى عمرة فى سن دخول المدرسة هذا العام 3 سنوات و 10 شهور ناقص على السن القانونى شهرين عشان يدخل KG 1
طبعا فى مدارس لغات بتاخذ من سن 3 سنوات ونصف بس لقيت انا ووالده ان التعليم فيها مش كويس قوى
وفى مدارس لغات كويسة جدا مش موافقة مع انها غالية جدا بتقولينا ندخلة baby class
وبصراحة احساسى انا ووالده ان baby class بدفع فلوس على الارض
انا اصلا مدخلاه حضانه عادية وابنى ما شاء الله ذكى جدا عملنا مقابله وامتحنوه كانوا مبسوطين منه جدا بس قالولى ان السنه اللى هيدخل فيها هيكون اصغر واحد فى فصل ال KG1
لانة 4سنوات الا شهرين وكل الفصل 4 سنوات و4 شهور و فى 4 سنوات و8 شهور
فا مديرة المدرسة قالتلى ممكن يتظلم خليه كمان سنه يبقى اكبر واحد فى الفصل واشطر واحد ؟؟؟!!!!!!! اية رأيكم؟؟؟؟؟؟؟؟
يا امهات انا فى حيرة ساعدونى ارجوكوا تنصحونى ؟؟؟!!!!!!!!!!!
استنى على ابنى وادخلهKG1 (سنوات5 ) ويكون فى اولى ايتدائى 7 سنوات
ولا ادخلة مدرسة غالية مصاريفها فوق طاقتى بس الواحد بيضحى عشان اولاده
وده طفلى الاول والتانى جى فى السكه والواحد لازم يعمل حسابة انهم هيكونوا اتنين فى مدرسة واحدة
ولا ادخلة مدرسة بعيدة جدا عن البيت وهو مكملش 4 سنوات ينزل 7 صباحا ويرجع 4 العصر
وخايفه لما يكبر يلومنى ويقولى انا كبير انا فى ثانوية عامه عندى 18 سنة
ولا استنى علية واخلية فى حضانته كمان سنة وفى سنة 2010 هيكون 5 سنوات الا شهرين ويدخل KG1
وهيكون كل اختيارات المدارس مفتوحة امامنا القريبة من البيت واللى مصاريفها كويسة ...
ارجوكم انا فى حيره متبخلوش بالنصيحة وكل ام ابنها فى مدرسة تنصحنى احسن سن مناسب مستنية ردودكم
ويارب اكون قدرت وشرحت مشكلتى بطريقه مفهومة وشكرا لسعة صدوركم

**shaimaa 78** · 12-04-2009, 11:08 AM

هاااااى يابنات وامهات ......
مش معقوله 11 واحده تقرأ المشكله ومفيش رد هى مشكلة عويصه وصعبه انا عايزه رأى حد لو كان مكانى ..... بليييز سمعونى آرائكم

**مودة** · 12-04-2009, 04:59 PM

الله يعينك ويرزقك الأمر الصواب وعليك بالاستخاره

استنى على ابنى وادخلهKG1 (سنوات5 ) ويكون فى اولى ايتدائى 7 سنوات:رأيك هذا صواب وأكثر اللي يدخلو المدرسه عمرهم سبع سنين اوقريب

**نسائم حائره** · 12-04-2009, 06:11 PM

شوفي حبيبتي الموضوع صعب جدا و انا حاسة بيكي
لاني جربته بس لظروف مختلفة التنقل الكتير
بنتي ااخدتي كيجي 1 سنتين ورا بعض لان المدارس مش بتطلع كجي تو الا الفصول الموجودة عندها بس داخليا انا بتضايق انها فاتها سنه و كل اللي اصغر منها متساويين معاها دراسيا
المهم طبعا القرار قرارك
لو المدرسة اللي عايزة تدخليه فيها حتقبله بسنه ده يبقى مافيش مشكلة طالما انه مشاء الله ذكي
لكن لو مش حيبقبلوه انتظري بس برضو اتشغلي معاه درسيه

لو حابة اعطيكي اسماء مدارس بالاسكندرية خاصة اسلامية مافيش مشكلة بس الحقيقة رووعة
بالتوفيق و اكيد لازم تستخيري الله اولا

**hanaa2** · 12-04-2009, 08:29 PM

انا كمان والله واقعه فى نفس المشكله وابنى على دخول المدارس حيبقى 4 الا شهرين والاختيارات محدوده وانا برضه من اسكندريه ولغايه دلوقت ما لاقيتش حل

**logee 33** · 12-04-2009, 09:00 PM

انا رايي تحاولي باي طريقه يدخل السنه دي كجي 1
3 و10 شهور............لان توفير سنه ده مهم جدا
بصي بس لقدام ممكن تحتاجييها جدا.........
.اصلا كل شويه في مصر يتغيير النظام في سادسه ابتدائي وشويه مفيش
لو احتاج تحسيين في الثانويه العامه يبقى صغير مش مشكله
ولو لاقدر الله تعب في سنه ايام الامتحانات يبقى في فرصه
وخصوصا انه ذكي حرام يروح حضانه او بيبي كلاس
بالعكس لما يروح يبتدي دارسه ده هينمي ذكائه افضل
يعني افضل ما ينزل بذكائه وتفكيره للبيبي كلاس
انا بتكلم عن تجربه لان ابن اختي نفس السن وعانت نفس المشكله وابنها ما شاء الله ذكي وشاطر
وكلنا شجعناها انها لازم تدخله كجي 1 وفعلا دورت على مدرسه خاصه اقرب حاجه لظروفها وودته
وهو الان ما شا ءالله في كجي 2 ومتفوق
ممكن حتى ابنك يروح سنتين الكجي في مدرسه واول ما يروح اولى ابتدائي تنقليه ده رايي واستخيري وربنا يلهمك الصواب
لكن كبير اوي 7 سنين اولى ابتدائي

**hanaa2** · 12-04-2009, 10:07 PM

والله انا برضه من رائى ان الدخول فى السن الصغير افضل ياريت يا شيماء نتقولى لى ايه المدرسه اللى حتاخده كجى وان فى السن ده ومصاريفها كام لانى بادور لابنى زيك بالظبط

**shaimaa 78** · 12-04-2009, 10:09 PM

متشكرة جدا يابنات على رأيكم ومشاركتكم ... انا بستخيير ربنا وربنا يعمل اللى فيه الخير
شكرا ليكى يا مودة ولو سمحتى قوليلى المدارس اللى تعرفيها
شكرا للاخوات نسائم حائره
hanaa2 - logee 33

**shaimaa 78** · 12-04-2009, 10:15 PM

بصى يا هناء عندك فى الطريق الدائرى اللى جنب كارفور انا ساكنة فى سموحة فاقريب منى
عندك مدرسة الهلالية للغات مصاريفها تعمل 10000 عشرة الاف بى الكتب والباص واليونيفورم
عندك مدرسة هتفتح السنة دى اسمها دلتا للغات جنبها تعمل زيها بالضبط مصاريف
اما مدرسة سيدى جابر و فاروس فى نفس المكان يتاخد السن من 4 سنوات بالضبط
بقولك قوليلى ساكنة فيين وانا اساعدك اكتر

**shaimaa 78** · 12-04-2009, 10:18 PM

فى مدارس فى المندرة انا عارفاها لو هى قريبة منك قوليلى وربنا يقوينا جميعا
بس كل المدارس اللى مصاريفها معقوله بتاخد من 4 سنيين يعنى فى حدود 6000 الى 7000
ياريت كنت عايشه فى القاهرة اسكندرية اسعارها مولعة جدا