بنتي الأولى الحمد لله اتمت شهرها التاسع منذ اسبوعين , هي ولله الحمد متعباني جدا , تريد ان الاعبها وأحملها طوال اليوم لا استطيع ان أقوم بأي عمل , قالو لي اتركيها تبكي حتى لا تتعود على ذلك ولكنها تبكي بشدة لا اتحملها فأسرع في تلبية طلبها , حتى نومها يكون بصعوبة اجلس أرضعها بالساعة حتى تنام , قالو لي لو انجبتي طفلا أخر ستلعب معه وتتركك قليلا فقررت ان افطمها عندما تتم العام ثم اترك وسيلة منع الحمل وانتظر الحمل الجديد إلى ان حدث شئ بالأمس غير الترتيبات .
شعرت بنتي بالنعاس فذهبت لأرضعها حتى تنام ظلت ترضع وتنام وعندما أقوم من جوارها تستيقظ مرة أخرىو تبكي وهكذا لمدة ساعتان وانا اضغط على اعصابي ولا أريد ان اتعصب ...... وفجأة انهرت بالبكاء ولم استطيع التوقف بكاء وبكاء ولا اقدر على التوقف.
عاد زوجي الى المنزل وانا منهارة في البداية ظن انني متعبة بعض الشئ فأخذ يمازحني ولكنه وجدني لا أقوى على الكلام حتى ... و قمت لأذهب الى الحمام فسقطت ارضا ...........
بعدها قرر زوجي ان لا ننجب مرة أخرى إلا بعد 5 أعوام على الأقل حتى لا يكون عبئ الأطفال كبير علي ......
أعرف ان الأطفال أغلبها هكذا ولكن المشكلة في قدرتي انا على التحمل ..... فكرت ان أخذ حبوبا مهدئة بعد استشارة طبيب ولكن اخشى ان ادمنها ........

من فضلكم افيدوني .....هل انجاب الطفل الثاني والأول ما زال صغيرا يقلل من متاعبه أم انه يكون عبئا أضافيا ....... وهل سأتحمل تربية الطفلين معا أم الأفضل ان انتظر حتى تكبر بنتي كما يرى والدها ؟

السلام عليكم و صباح الخير عليك و ربنا يخلى لك بنتك و يهديها كمان بصى يا عسل انت لازم تهونى على نفسك و مش تخدى كل حاجه على أعصابك و ده كله طبيعى كل أم بتشوفه من أولادها انت بس متشيليهاش و خليها معاكى فى كل مكان يعنى و انت فى المطبخ مثلا خليها جالسه على الأرض جنبك و اديها اى حاجه من أدوات المطبخ آمنه تلعب بيها و انت طول ما انت واقفه غنيلها و لاعبيها لعبه بخ و كمان كل فتره انزلى بوسيها و على فكره جنى بنتى والله بتعمل مثل بنتك تمام حتى فى النوم و الرضاعه و مسئله النوم و الرضاعه بالساعه ديه اااااااااااااه مزعجه قوى بس أنا لسه مكتشفه من قريب حاجه كويسه تقلل مده الرضاعه قبل النوم بصى يا قمر انت أكليها تمام و شبعيها قبل ما ترضعيها علشان تنام و تكون نعسانه قوى علشان هى شبعانه مش هترضع كتيير ان شاء الله و تنام بسرعه و على فكره جنى لما بتمر بمرحله طلوع أى سنه بتعمل موضوع عدم النوم زى ما حكيتى كده و تفضل ترضع بالساعتين فمن الممكن تكون مرحله تسنين ر بنا يعديها على خير و كمان نصيحه منى متفكريش فى الحمل دلوقتى خالص خليها لما تتم عاميين او ثلاثه دلوقتى هى صغيره قوى و هتتعبى و كمان صدقينى لما تمشى ان شاء الله هترتاحى كتيير و ربنا يقويكى

ابداً لا تستعمي لنصائح القدامى .. فالوضع لم يعد كما كان على ايامهم ..

انجاب الأطفال مع بعضهم يسبب التلف العصبي (هكذا اسميه) أنا شخصياً لي تجربة ادعو الله الا اكررها لأنني في النهاية اصبت بالضغط وسكر الحمل وانا لم اتم الثلاثين بعد ..

صحيح أن أولادي كبروا سوياً والآن كلهم يعتمدون على انفسهم ولا اعود لموال الرضاعة والفطام كل فترة .. لكني كدت أجن وأفقد عقلي ثم ان الأزواج لايتحملون هذا العبء فالكثير تزوج وترك أم الأطفال لتكمل انشغالها وتعاني وحدها ..

بالنسبة لوضع ابنتك .. نظمي لها وقتها ونظمي رضاعتها ..كل 3 ساعات .. ولاعبيها كثيراً هل لديك أغلى منها !! صدقيني اليوم الي يمر لا يعود .. والله عندما اشاهد صور ابني وهو صغير اتمنى ان يعود لأحضنه وألاعبه .

شغل البيت عمره مابيخلص ابحثي عن خادمة تساعدك في هذه الترهات والتفتي لدورك الأهم انت زوجة وأم ولست خادمة .

لاتتركي المانع وانت بكامل قواك لعقلية اذا اراد الله لك الحمل فأهلاً به لكن لا أنصحك ان تجري انت وراءه.

اذا انتظمت رضاعة ابنتك يتنظم نومها وينتظم اكلها ويمكنك حتى فصلها في غرفة وحدة لأنها ستنام طوال الليل .. ويمكنك ان ترتاحي عصبياً من هذه الضغوط .

هبه طارق
حمرة الورد
اشكركم , خففتم من آلامي على الأقل شعرت انني لست اعاني وحدي هههههههه
ولكن بنتي يا هبه تعتبر لا تأكل أصلا و أعتمادها الكلي على الرضاعة ربما تتذوق فقط ولكنها لا تملئ معدتها إلا باللبن .
ربنا يهدي أولدنا

هذا خطأ .. المفروض ان ابنتك اليوم تأكل عدة وجبات كاملة في اليوم ..

الم تقرأي مواضيع اكل الرضع؟

ابدال رضعة بوجبة كل عدة اسابيع!!

عليك البدء معها بالطام من جديد وابدال الرضعات بالأكل الصلب المهروس او النصف مهروس ..

انا مع حمرة الورد في كلامها
بس انت ليه لحد دلوقتى بتدوقيه الاكل بس انا بنتى من اخر الشهر لرابع وهى بتاكل
لما بتاخري الاكل للطفل لمتا بعد الشهر السادس بيكون عنده حاله غريبه زى تناحه كده مش عاوز ياكل ويرفض ااكل كتير ويفضل متعلق بيكي انت وصدرك
وفي الاخر مش هايعرف ياكل ولا يبلع ولالاكل ممكن يقف في زوره ويرجع كل اللى اكله وفي الاخر تلاقي رزايه واقفه في زوره لان مادغدغهاش لانه مابيعرفش وماتعودش على كده

لازم يتنعود ياكل على ثته وهو من غير اسنان
وهى ماتسمى بالضارضير يعنى لما يكون فمه فارغ من الاسنان بياكل على اللثه نمان الاسنان ويمضغ عليهم عشان يعرف يمشي حاله

وربنا يهدى كل الحلوين


وكمان انت مش قادره تستحملى واحده وهى كده تفتكري هتقدري تستحملى اتنين صغيرين كل واح يطلع عينك شويه انت ممكن تروحى فيها كده
استنى شويه حتى يكون الفرق مابين الاتنين مثلا تلات سنين

انا راىى زى اللى سبقونى وخوصا جملة حمرة الورد " انجاب الأطفال مع بعضهم يسبب التلف العصبي (هكذا اسميه)" عجبتنى قوى-وعلى فكرة انا ابنى تاعبنى زى بنتك وقررت بجد ما اخلفش تانى غير لما يتم 3 سنين وبعدها ابدا فى حمل وساعتها يكون قرب يتم 4 سنين لان اعصابى ما تستحملش وبعدين بصراحة الازواج ما بيعملوش اى حاجة يتجوز ويخلف ويرمى وعاوز طلباته مجابه -اصبرى على الحمل وقللى الرضاعة ولو رفضت خالص استشيرى دكتور فى الفطام بس بعد كل المحاولات للاكل

شكرا لردودكم كلكم
انتم عارفين
المشكلة انها بتف الأكل مش عارفة طيب اعمل إيه . معظم الوجبات اللي بعملها بيكون مصيرها الزبالة
هي المفروض تاكل كام معلقة طعام كبيرة في الوجبة الواحدة مثلا ؟ ممكن تجاوبوني ؟

كتبت بواسطة heba tarek

السلام عليكم و صباح الخير عليك و ربنا يخلى لك بنتك و يهديها كمان بصى يا عسل انت لازم تهونى على نفسك و مش تخدى كل حاجه على أعصابك و ده كله طبيعى كل أم بتشوفه من أولادها انت بس متشيليهاش و خليها معاكى فى كل مكان يعنى و انت فى المطبخ مثلا خليها جالسه على الأرض جنبك و اديها اى حاجه من أدوات المطبخ آمنه تلعب بيها و انت طول ما انت واقفه غنيلها و لاعبيها لعبه بخ و كمان كل فتره انزلى بوسيها و على فكره جنى بنتى والله بتعمل مثل بنتك تمام حتى فى النوم و الرضاعه و مسئله النوم و الرضاعه بالساعه ديه اااااااااااااه مزعجه قوى بس أنا لسه مكتشفه من قريب حاجه كويسه تقلل مده الرضاعه قبل النوم بصى يا قمر انت أكليها تمام و شبعيها قبل ما ترضعيها علشان تنام و تكون نعسانه قوى علشان هى شبعانه مش هترضع كتيير ان شاء الله و تنام بسرعه و على فكره جنى لما بتمر بمرحله طلوع أى سنه بتعمل موضوع عدم النوم زى ما حكيتى كده و تفضل ترضع بالساعتين فمن الممكن تكون مرحله تسنين ر بنا يعديها على خير و كمان نصيحه منى متفكريش فى الحمل دلوقتى خالص خليها لما تتم عاميين او ثلاثه دلوقتى هى صغيره قوى و هتتعبى و كمان صدقينى لما تمشى ان شاء الله هترتاحى كتيير و ربنا يقويكى

انا معاها فى كلامها فعلا صحيح 100% وانا بنتى كانت بتعمل كده لدرجة الانهيلر زى ما بتقولى بالظبط وخاصة قلت النوم وعدم انتظامه شيىء صعب جدا

بس بعد الفطام شيىء تااااااااااااااااااااااااانى خالص هتستريحى جدا

وانا كنت فاكرة زيك انهاهتتلهى لالالالالالالالالالالالالالالالالا ناهئى انا بنتى عندها سنتين ونصف وكنت والدة التانى ولكن تعب جدااااااااااااااااااااااا وصعوبه جدا وخاصة اذا كانت مرتبطه بيكى

ولذا قررت باذن الله انى انتظر فترة ربنا يسهل حتى اعطى كل طفل حقه ولا اظلمه وخاصة الحاله النفسيه اللى بتكونى فيها الطفل بيتاثر بيها


فتصورى بقى نوم غير منتظم وكمان قاوة طفله ببقى خلاص منهارة جدا

كتبت بواسطة حمرة الورد

ابداً لا تستعمي لنصائح القدامى .. فالوضع لم يعد كما كان على ايامهم ..

انجاب الأطفال مع بعضهم يسبب التلف العصبي (هكذا اسميه) أنا شخصياً لي تجربة ادعو الله الا اكررها لأنني في النهاية اصبت بالضغط وسكر الحمل وانا لم اتم الثلاثين بعد ..

صحيح أن أولادي كبروا سوياً والآن كلهم يعتمدون على انفسهم ولا اعود لموال الرضاعة والفطام كل فترة .. لكني كدت أجن وأفقد عقلي ثم ان الأزواج لايتحملون هذا العبء فالكثير تزوج وترك أم الأطفال لتكمل انشغالها وتعاني وحدها ..

بالنسبة لوضع ابنتك .. نظمي لها وقتها ونظمي رضاعتها ..كل 3 ساعات .. ولاعبيها كثيراً هل لديك أغلى منها !! صدقيني اليوم الي يمر لا يعود .. والله عندما اشاهد صور ابني وهو صغير اتمنى ان يعود لأحضنه وألاعبه .

شغل البيت عمره مابيخلص ابحثي عن خادمة تساعدك في هذه الترهات والتفتي لدورك الأهم انت زوجة وأم ولست خادمة .

لاتتركي المانع وانت بكامل قواك لعقلية اذا اراد الله لك الحمل فأهلاً به لكن لا أنصحك ان تجري انت وراءه.

اذا انتظمت رضاعة ابنتك يتنظم نومها وينتظم اكلها ويمكنك حتى فصلها في غرفة وحدة لأنها ستنام طوال الليل .. ويمكنك ان ترتاحي عصبياً من هذه الضغوط .

عجبنى ردك جدا جدا وفعلا كلام صحيح

انا حسيت انه تلف اعصاب من الحمل فقط فما بالك بالتربيه