السلام عليكم ورحمه الله وبركاته
ازيكم احلى بنات فى احلى منتدى وكل عام وانتم بخيــر
حبيت اسألكم عن حاجات معلش سامحوينى لسه ام جديدة
ابنى عندو 7 شهور ومش عارفه ابتدائى معاه فى اكل ايه
وخايفه ان يكون فى حاجة تضرو
وبصراحة انا مفكرتش فى كدة الا لما لحظت انو بيخس
ومافيش اى علامة انو فى بدايه التسنين ودة موضوع تانى قلقانى
فياليت تفيدونى افيدكم الله

تقدم شوربة الخضار المنوعة( بسلة ، فاصوليا ، جذر ، كوسة) على أن بقدم كل صنف على حدة فإذا تقبله الطفل ولم تحدث مشاكل في الهضم تقدم له الشوربة كاملة بجميع الخضروات. بالاضافة إلى التفاح المسلوق والمهروس والبيض المسلوق جيدا وعصير البرتقال الطازج و تضاف لشوربة الخضار مرقة لحم أو دجاج كما يمكن أت يتناول الطفل المهلبية المصتوعة من النشاء واللبن وقليل من السكر

اضيف على كلام الاخت طيور المهاجرة من الفاكهة ممكن الموز والكمثرى المسلوقة والمشمش والبرقوق والخوخ
ممكن تزودي على شوربة الخضار بطاطس
خليكي في صفار البيض بس دلوقتي لان ابنك لسه صغير
وممكن تبتدي تأكليه زبادي خالي الدسم
وعندك كمان السيريلاك
طبعا كل حاجةلازم تكون مهروسة او معمولة في الخلاط
وتجربي كل اكل لوحده

بصي ياقمر نا الاول معرفش ليه ابتديتى متاخر كده انا اكلت بنتى من اخرلا الشهر الرابع
المهم
انت ابداى معاه بالسريلاك وجربي الكوسه المهروسه والجزر المهروس بطاطس بيوريه وطبع كل واحد تجربي تاكليه لوحده لمده يومين كده وتستنى يوم تشوفي لو هيعمل اى نوع من الحساسيه او كده توقفيه وتعرفي انه ماينفعش ياكله
وممكن عشان الطعم بس تزودي كمون عشان كمان الغازات المغص الكمون حلو اووى ليهم بس ترشي رشه كده بسيطه اوى هبابه يعنى وممكن ملح لو حبيتتى بس بسيط اوى وركزى على بسيط اوى دى

ماتبدايش في اكله بالحاجه المسكره عشان مايخدش ويحب طعم المسكر ويكره الحادق
اوووووووووووووووعى تديله عسل قبل مايتم سنة من عمره
لان العسل ممكن يعمله تغيير في انزيمات المعده وحاجات تانيه انت في غنى عنها اكيد
ده + انه تقيل اوى على معده البيبي
ممكن تهرسيله موزايه او بطاطايه مشويه وتاكليه زبادى لايت كل يوم له واحده حلو اوى ليه
وصفار بيض فقط

وانا افضل عشان مايجيلهوش اسهال او امساك من الاكل انك تخلطي نوعين خضار مع بعض
يعنى مثلا جزر وكوسه
لان الجزر ممسك والكوسه ملينه


البطاطس ممسكه وكل النشويات طبعا
الجزر ممسك
البسله والكوسه ملينين
التفاح والجوافه ممسكين
البطاطا ممسكة
الموز حلو اوى ليهم عشان مليان بوتاسيوم

وبعدين ياعبير موضوع التسنين ده بيختلف من واحد للتانى
يعنى في اطفل من سن خمس شهور تبدا تسنن وفي اطفال من بعد السنه وزياده تبدا تسنن بيبقى طبيعه جسم للتانى ومن طفل للتانى
يعنى مش كل الاطفال زى بعضها
وقيسي على كده في كل حاجه
يعنى ماتقارنيش ابنك باى حد تانى عشان هو غير

مشكوررة طيـــــور حبيبتى وربنا يجزاكى خيرااا


ام باسل الله يكرمك والف شكر على ردودك


يوميزو ازيك يا قمرنا اخبارك ايه الف شكر على المعلومات القيمة
وانا بلفعل بديلو بطاطا مهروسه و بطاطس مسلوقه مع صفار البيض
بس جيت تديلو كوسه جزر كان رح يرجع كانو ماجعبهوش
وزبادى و بيسكويت مارى


مشكورين اخواتى على روددكم ومعلومات غايه فى الروعه