السلام عليكم ورحمة الله وبركاته
الحمد لله كل إللى يكتبوا ربنا علينا خير إن شاء الله
بس حبيت آخد برأيكم ومشورتكم وخبرتكم فى الموضوع ده .. أنا عارفة إنى من يوم ما ولدت حبيبة وأنا شغالة أسئلة أسئلة كتير يارب متكونوش زهقتوا منى

حبيبة أما كان عندها 7 شهور لاحظت أنا وأبوها إن عينيها الشمال ساعات قليلة بتنحرف عن مكانها شوية بس بترجع تانى بسرعة .. المهم روحنا كشفنا عليها على طول عند دكتور أخصائى فى الحول .. فحص نظرها لاقاه كويس وقالنا إن موضوع الحول ده بيحصل فى أطفال كتير وممكن يروح لوحده أو لو زاد أو مرحش لحد سنة ونص ممكن نعملها عملية بس مش هنعرف ناخد أى خطوة إلا بعد سنة ونص بس هى مش محتاجة نظارة لأن نظرها كويس
المهم بدأت الحكاية دى تقل خالص لحد ما راحت خالص تقريبا على الشهر التاسع لحد ما كملت سنة وبدأت ترجع تانى فقلقت عليها وقررت انى أكشف عليها تانى
روحنا للدكتور وعملها فحص لقى نظرها كويس بس عندها إستجماتزم قليل .. وقال إن ده ممكن يكون هو سبب حركة العين فلازم تلبس نظارة لأننا لازم نعالج أى عيب أو ضعف فى العين قبل ما نقرر أى قرار فى الحول .. علشان نعرف إن كان سببه ضعف فى عضلة العين أو بسبب الإستجماتزم

بصراحة أنا من إمبارح شوية أقول خلاص إيه المشكلة ماتلبس نظارة وخصوصا بعد ما شوفت أطفال كتير لبسين فى عيادة الدكتور بس بصراحة كلهم أكبر منها
وبعد شوية قلبى يتقطع وأقول إنها لسة بترضع وكمان لسة متعلمتش المشى أغلب وقتها بتقضيه بتحبى أو نايمة على الأرض وبتتقلب شمال ويمين فى كل الإتجاهات .. وخايفة إن لبسها للنظارة بدرى أوى كدة يأثر على لعبها وعلى شخصيتها ومتعرفش تعيش طفولتها أو تحس إنها مش زى باقى الأطفال
لدرجة إنى ساعات بفكر إنى ملبسهاش النظارة حتى على الأقل لما أفطمها وتمشى .. بس الدكتور بقول إن لو الحول بسبب الإستجماتزم عدم لبسها النظارة ممكن يزوده .. بصراحة حيرانة ومش عارفة أعمل إيه
ياترى تعرفوا حد مر بالظروف دى وتعامل معاها إزاى وتنصحونى أعمل إيه لأنى حيرانة ومش عارفة لو فى عمليات ليزر تصلح الإستجماتزم ده هل تنفع لسنها ولا لأ ياريت تفيدونى وجزاكم الله كل خير

الف سلامة على حبيبة

لا عادي جدا وماراح ياثر على حركتها

وحدة من قريباتي اكتشفت انه ابنها عنده حول كييييييف

كان ياحرام اول ما اتعلم المشي بس يطيح

ومو قادر يتوازن

ولبس النظارة من عمره سنة

وبصراحة هو الان عمره اربع سنوات

ولابس النظارة

لكنه شاطر وذكي وحركي .

وعليكم السلام ورحمة الله وبركاته ..

سلامة حبيبة وماتشوف شر يارب.

معليش انت لازم تسمعي كلام الدكتور

كتبت بواسطة buenachica

.. بس الدكتور بقول إن لو الحول بسبب الإستجماتزم عدم لبسها النظارة ممكن يزوده ..

لأنه فعلاً الإستجماتزم تزيد وتشوه شكل العين ..

نظارات الأطفال اليي في عمرها تكون طرية ومرنة في الحركة واللعب وبعضها بربااط من وراها عشان ماتطيح كل شوية .

لبسيها النظارة احسن لها لما تكبر هي الآن صغيرة والتعامل معها اسهل.

اتذكر طفل كان يجي مع امه التحفيظ لابس نظارة وكان صغير جداً وتقول انه زي بنتك من عمر صغير لبسها .

لالا نصيحه لبسيهاااااااااااااااااااااا ضروري
ضروري جدا هذي الفتره الذهبييه لعلاج بنتك بالعكس احرصي انتي وابوها وخلي موضوع الرحمه وحرام صغيره على جنب
مصلحتها فوق كل شي
وعادي مافيهاا شي بالعكس انصحك وبقوه لبسيها من بكره النظاره

حبيبتى لازم تسمعى كلام الدكتور ولبسيها النظاره من دحين العلاج سهل وفى يدك وهى صغيره واخاف لو ما لبستيها النظاره دحين تطرى لعمليه بعدين فى المستقبل! غير كده فى نظارات للاطفال شكلها حلو وشيك
معليه لا تخلى العاطفه تغلب على مصلحة بنتك
جمدى قلبك وكلها كام شهر او كام سنه وعيونها تتعدل وتقلع النظاره

كلام الاخوات صحيح
وانا اتذكر اختى كانت لابسة النظارة من بدري برضه بس مش فاكرة اوي كان عندها كام سنة
لان كان عندها حول خفيف من كتر ماكان نظرها ضعيف وكانت لازم تلبسها علشان نظرها يتحسن والحول يروح وفعلا لبستها والحول راح ونظرها اتحسن ومن غير اي عمليات
توكلي على الله واشترليها نظارة حلوة تحبها

جزاكم الله كل خير على النصيحة الصادقة أنا فعلا إشترتلها نظارة حلوة ولذيذة وصغنونة .. وشكلها حلو فيها وهى كمان حابة تلبسها بس وديتها علشان يحطوا فيها عدسات حسب المقاس وإن شاء الله لما تجهز هصورلكم حبيبة فى النظارة ووريهالكم وطبعا أكيد مصلحتها فوق كل شئ

السلام عليكم ورحمة الله تعالى وبركاته..

أحسنت أختي في اختيار قرار إلباسها النظارة ما دام الحول بسيط ولله الحمد والمنة..

ابن أخي لبس النظارة من عمر 6 أشهر فقط!!!!!!!!!!!!!

ولكن للأسف أن الحول لديه شديد وهو بحاجة إلى إجراء عملية جراحية
وينتظر الموعد لإجرائها..

دعواتكم له بالشفاء..

والله يشفي بنتك مما تعانيه...

الف سلامة لحبيبه

ربنا معاها حاميها

بس انا اللى عايزة اعرفه ازاى هتفضل مخليه النظارة على وشها

اكيد كل شويه هتقلعها ترميها

جزاكى الله كل خير أختى حاملة القرآن ربنا يشفى ابن أخوكى عاجلا وليس آجلا وعلى فكرة العمليات دى سهلة وبتتعمل كتير ونتايجها بتكون ممتازة بإذن الله .. تعرفى إنى كنت أتمنى إن الحكاية دى تنتهى بعملية أحسن من لبس النظارة من دلوقتى والله أعلم هتفضل لبساها لإمتى بس الحمد لله حامدة ربنا وشكراه إحنا أفضل من ناس كتير واحنا فى نعمة لازم نشكر ربنا عليها ربنا يديهم الصحة والعافية ومنتحرمش منهم أبدا

أختى سمسمة شكرا على المرور .. وبالنسبة إن حبيبة هترمى النضارة فده أكيد .. والشمبر إللى إختارته فيه سوست واسعة جدا ومستعد للرمى لأقصى مسافة مهى نظارة عيال بقى وغير إن معه أستيك علشان يسبته .. بس الأهم من الرمى إن حبيبة بتحب ترمى نفسها على الأرض وتقعد تلعب وهى بتتقلب على الأرض مش عارفة هيكون وضع النظارة إيه كدة يا إما هتنكسر يا إما ممكن تضايقها جدا بدعى ربنا يهديها ومتوجعش قلبى فى الحكاية دى