هى فكرة جديدة

اننا نفتح صيدليه فى الركن

بحيث يتم وضع ادويه الاطفال واستعمالاتها

والمعروف ان ادويه الاطفال ليس لها اثار جانبيه الا النادر منها وانها أمنه وبتتاخد

حسب جرعات النشرة الطبية الموجودة فى الدواء

يعنى انتى ما عليكى غير انك تشترى الدواء المناسب وتقرى الجرعة المناسبه

وممكن طبعا تزيدى اطمئنان بسؤال الصيدلى

وكتير منا ممكن لو طفلهم تعب تروح للصيدليه وتشرح الحاله للصيدلى وهو

بيقوم بالازم ومبيكونش فى داعى للدكتور

من هذا المنطلق جائتنى الفكرة كمان جاتنى لما ابنى سخن ورحت بيه للدكتور من الساعه 10باليل
وجبتله ترمومتر حرارة من الصيدليه اللى جنب الدكتور لغايه مادخل للدكتورودخلت بس تخيلوا الساعه كام 3 ونصف صباحا
وفى الاخر طلع عنده ميكروب من الجو ولما رحت اصرف الدواء من الصيدلى قالى مش كنتى قلتيلى انه سخن كنت قلتلك على نفس الدوا

طبعا كله فدا صحة اطفالنا بس على راى الاعلان اللى بيجى حاليا (احسبها صح تعيشها صح)

ان شاء الله الموضوع يفدكم الامهات يشاركونا قدر المستطاع وكل للفائدة

بس هى هتنقصر على المصريين فقط والادويه المتداوله فى الاسواق المصريه

اما لو الامهات فى باقى الدول حابوا الافاده والاستفاده فكل اللى تكتب ادوية تضع جنبها هى بتداول فى اى سوق
وطبعا توضح بنفس الطريقه استعمالات الادويه

انا هبتدى بالادويه اللى بيستخدمها ابنى هكتبها بالعربى والانجليزى

بسم الله الرحمن الرحيم

كالم جى CALM-G يفيد فى حالات المغص والتقلصات والانتفاخ

بارا سيتمول PARACETAMOL شراب خالى من السكر والكحول والاسبرين (خافض للحرارة/ مسكن للالم)

فولتارين للاطفال VOLTARIN لبوس بالشرج مخفض للحرارة

فروز FEROSE لجميع حالات نقص الحديد

هيدروفيرين HYDROFERRIN مركب حديد للوقاية والعلاج من نقص الحديد

كيدى فارماتون KIDDI PHARMATON شراب مقو اثناء فترات النمو والانظمة الغذائية الخاصة

نيو تريامينيك NEW TRIAMINIC نقط لعلاج البرد للاطفال للاستعمال عن طريق الفم

بيبى كريم BABY CREAM ملطف للجلد وعلاج التسلخات

هاميليس HAMELIS يستحدم فى الحروق من الدرجة الاولى .تشققات الثدى اثناء الرضاعة.اصابات الجلد السطحيه. الالتهابات الموضعية فى الجلد والاغشية المخاطية

فيتول VITOL مركب بطعم البرتقال يحتوى على عديد من الفيتامينات والكالسيوم

بيديكال PEDICAL كالسيوم +فيتامين د2 +فيتامين ب12

فنيستيل FENISTIL ضد الكحة وضد الحساسية