تعبت واحترت

بصوا يا جماعه انا هدخل فى الموضوع على طول ابنى عنده 3شهور و11يوم وهو اتولد قبل ميعاده كان عنده 35 اسبوع, معذبنى فى النوم مبينامش الا فى حضنى وبالكتير ساعه واحده ويصحى مش عارفه اخلص شغل البيت ولا اهتم بنفسى ولا بزوجى قرايبى لما لما شافونى فى العيد اتصدموا من شكلى بقى وشى اصفر وحالتى كرب وكل الناس قالولى نومه هيتظبط لما يبتدى ياكل ماشى بس ممنوع ابتدى ادى اكل الا بعد 6 شهور بأوامر الدكاترة وفى يوم فكرت اسيبه يعيط لغايه ما يتعب وينام جوزى اتخانق معايا وقاللى حرام عليكى وده بقى فى نفس الوقت اللى هو بيشتكى من انه مش عارف ياخد حقوقه كزوج ما الولد صاحى على طول بقى ضغط فظيع لدرجه انى على طول بعيط وامبارح شديت مع جوزى ولاول مرة قلتله طلقنى تعبت مش عارفه اعمل ايه حاسه ان حياتى بتنهار ساعدونى

ياقلبي والله احزنتيني وحاسه بمعناتك
اول شي تعوذي من الشيطان والوحده بتكون نفسيتها كذا مع اول طفل
بس كلها كم شهر وان شاء الله ترتاحي
حاولي اذا جاء الليل تحمميه وتدفيه وتسوي له رضعه بتكون دافيه وروحي غرفه وخلي الانوار ضعيفه والجو يكون هادي
طبعا اذا خلص الرضعه ولسا مانام اجلسي اقراي قرآن بصوت هادي اللي بتحفظينه وخلي ابنك ينام جنبك مش في حضنك عشان مايتعود واجلسي اقراي وطبطبي عليه لحد ماينام وصدقيني بيرتاح هو انا بصراحه اغلب طريقتي في تنويم طفلي هذي الطريقه
وحاجه ثانيه اي وقت ينام ولدك فيه حاولي تنامي معاه
والله يعينك هي فتره وتعدي ان شاء الله وحاولي تهدي الوضع بينك وبين زوجك الين الله يفرجها .
طمنينا عليك

والله كأنك بتتكلمي عن بنتي ...انا كذا طلبت الطلاق وحسيت اني بدي اهرب من واقعي
لكن الحمدلله استعذت بالله وفكرت شويه في الناس اللي عندها اطفال مش واحد واللي عندها توائم ومش واحد؟
قلت لا انا ربي راحمني من فووق والحمدلله
اولا انتي لمن تتوتري طفلك يتوتر معاك ..ثانيا حاولي تتكلمي عشان صوتك بيريحة
اقرأي قران لان تلاوته تطمن القلوب سبحان الله
نظمي وقتك في ورقة ..وسوي تحدي وقومي بأغلب اللي مكتوب فيها حتى لو مش كلها
اما من ناحية زوجك.. هو فعلا الحيرة تجننك لكن تأكدي انه هو شايفك انك انتي الان الكلمة السرية لطفلك وبيستغرب لمن بتقولي (ما اعرفش ليه يبكي؟)
وان شاء الله ربي يعينك ..بقيلك شهرين ويسير ينام 12 ساعة يصحى بس ساعة الرضعة وبيرجع ينام
وان شاء الله اكون افدتك ..وحطي في باللك كل الاطفال كذا (كلام الناس لاتأخذي باللك منه)

بأحاول اساعدك في تنظيم وقتك مثلا تجيبي ترمس فيه ميه دافيه عشان مش كل شويه بتغلي مويه وتكتبي
3 الفجر رضعة 50 مل
6 الفجر 50 مل
9 الصباح الاستيقاظ .. اسوي تمارين لطفلي وارضعة
طبعا حينام الى 11 الصباح ..انتي اثناءة اغسل الاواني ارتب غرفة النوم
يصحى اسوي رضعة او العبه اغير له اتكلم معاه
........ وهكذا

معلش فترة وهتعدى والله انا كنت بعانى معاناتك وكان معاية توائم وحدش معاية والحمد لله ربنا وقف جنبى فكرتينى بالذى مضى وحل اكتر منة هههههههههه روقى ومعلش
واسمعى كلام اخواتنا انا استفت منهم كتير

كلنا مرينا بنفس الظروف
و كله حيعدي و يبقى ذكرى بعد كده
حاولي تهدي شويه و ربنا يعينك

والله يا جماعه انا اللى تاعبنى ان جوزى مش راضى يقدر التعب اللى انا فيه ومتخيل انى اقدر انيم سيف واروحله بس انا اللى بستعبط مع ان والله ده مش صحيح ,اهو الحمد لله على كل حال

ربنا يكون في عونك و عونا كلنا
حاولي تعملي زيي البنات ما بيقولولك أنا عرفه إن الموضوع صعب بس هنعمل أيه كله جزاءه عند ربنا
و حاولي بقدر الإمكان تشركي جوزك معاكي في تسكيت سيف أو إنه ينيمه أنا ساعات بعمل كده بكون محتاج أخلص حاجة فبخلي باباه يشيله هو و يحاول يسكته و من هنا هيعرف إن الموضوع مش سهل و ربنا يعينكم علي تربية و يسعدكم مع بعض إن شاء الله