احسن علاج لالتهابات البامبرز باذن الله وعن تجربة

السلام عليكن اخواتي الحبيبات

حبيت انقل لكم تجربتي مع بنتي في التسلخات اللي سببتها الحفاضات، انا بنتي دلوقتي عندها شهر ربنا يخليهالي يارب، من حوالي اسبوعين كدة او بمعنى اصح اول ما اتولدت بدأ يجيلها تسلخات في منطقة البامبرز وخصوصا من قدام، جربت كل حاجة وكل مادا بتزيد مش بتقل لحد اما بقت زي حتة اللحمة الحمرا المسلوخة ويا حبيتي كانت مهرية ، وكل ما تيجي تعمل حمام تصوت والله يكون في عونها، وديتها للدكتور وشافها وقاللي معلومة اول مرة كنت اسمعها، قاللي ان اغلب التهابات الاطفال الحفاضية وخصوصا اما تبقى بالشكل دة بتكون فطريات، واي كريم او مضاد حيوي بيستخدم بيزود مش بيقلل، ولازم يستخدم مضاد فطريات، ولازم التشطيف يبقى بمية دافية وتنشفي كويس، مش بمناديل الاطفال ومش كدة، ومش بمية وصابون، مية دافية وبس، وتنشفي كويس جدا، وبعدين تحطي المضاد الفطريات(ميكوناز) عند كل تغيير، وتغسلي حاجتها وفطوتها بالمية المغلية والكلور لمنع العدوى ابامبرز نفسه بيبقى سبب الالتهاب لان جلد الطفل بيعمل حساسية منه، لازم تغيري النوع ، وكمان قاللي ان ما اخليهاش في البامبرز كتير، ويستحسن انها ما تلبسوش غير للضرورة ، ويستغنى عنه بالبسة قطنية وتحطيها فوق مشمع او اي حاجة عازلة للمية، بس اقيت تطبيق دة صعب لانها صغيرة، وخفت تبرد، فغيرتلها نوع البامبرز، وكنت مش بخليه عليها اكتر من 3 ساعات، واشطفها كويس بالمية الدافية واعط الكريم، والله ماشاء الله لاقوة الا بالله بعد يومين كأن شيئا لم يكن، انا ما كنتش مصدقة نفسي ، واهم حاجة انها ما تعدش في البامبرز كتير.
سألت الدكتور وقلتله طيب اعرف ازاي الفرق بين الفطريات والاتهابات التانية، قاللي ان اغلب الالتهابات بتبقى فطريات ، فنحط الكريم دة ونتبع التعليمات ولو مش كدة هتروح لوحدها، واي حاجة تانية حتى لو فازلين بتسد المسام وبتجيب التهاب، اختي كان ابنها ملتهب جدا برضو، وقلتلها على الكلام دة وماشاء الله برضو خف وبقى زي الفل .

ربنا يكرم الجميع واللي تستفيد من كلامي دة ياريت تدعيلي ان ربنا يجعل بناتي من الذرية الصالحة، ويخليهم لي ويسخر لي ابوهم ويحسن ختامنا جميعا، ويكرم امي وابي ويرحمهما كما ربياني صغيرا، اللهم امين.

المرهم هذاا ماستخدمته ولامره
انا استخدم لاطفالي للتسلخات [سودو كريم]
جداا ممتاز لتسلخات البامبرز
ومشكوره عالافاده

ربنا يجعل بناتك من الذرية الصالحة، ويخليهم لك ويسخر لك ابوهم ويحسن ختامكم جميعا، ويكرم امك وابيك ويرحمهما كما ربياكى صغيرا، اللهم امين.

جيتى فى وقتك
انا ابنى برضه عنده 40 يوم وعنده تسلخات زى منتى بتوصفيها
جزاكى الله خيرا
بس عن تجربة زى ما الدكتور بيقول حاولى تلبسى بنتك البمبرز للضرورة وبرضه تغيريلها كل 2او 3 ساعات انا كانت بنتى ليل نهار لبساه لغاية سنتين
لكن عرفت انه ليه اضرار كتير على الجهاز التناسلى فبدات مع ابنى البه اشياء قطنية وفوقها مشمع
ربنا يجعل اولادى واولادك واولاد المسلمين من الذريه الصالحة

جزاك الله خيرا حبيبتى على المعلومة وبنتى انا كمان كانت كدةوقفت البامبرز ووضعت مرهم كينا كومب والحمد لل هى احسن بس رجعت للبامبرز تانى

كتبت بواسطة omfatema

جيتى فى وقتك
انا ابنى برضه عنده 40 يوم وعنده تسلخات زى منتى بتوصفيها
جزاكى الله خيرا
بس عن تجربة زى ما الدكتور بيقول حاولى تلبسى بنتك البمبرز للضرورة وبرضه تغيريلها كل 2او 3 ساعات انا كانت بنتى ليل نهار لبساه لغاية سنتين
لكن عرفت انه ليه اضرار كتير على الجهاز التناسلى فبدات مع ابنى البه اشياء قطنية وفوقها مشمع
ربنا يجعل اولادى واولادك واولاد المسلمين من الذريه الصالحة

حبيبتى الله يكرمك قوليلى اية هى اضرارة على الجهاز التناسلى

حبيبتي تشكري علي المعلومه المفيده وجزاكي الله كل خير عنها

بس انا عندي نصيحه صغننه للامهات الجدد من واقع تجربتي

انا كنت زيك بحط البابمرس لبنتي بس احنا الدنيا عندنا حر جدا جدا وبيعملها تسلخ من غير فطريات ولا حاجه ..فجربت احطلها لحاف عازل للميه تحتها وبرضه لقيتها شغلانيه كل شويه اغير وانشف ..برنامج طويل يعني

قاخيرا ربنا هداني وجربت فكره ..فبقيت احطلها قطن بس اهم شئ ..اكرر اهم شئ انك تلفي القطن دا بمنديل ورق بحيث يغطي كل القطن علشان مايدخلها القطن لجوه او يعمل ليها حساسيه او اي شئ تاني

وفعلا لقيت ان دا احسن حل .كل ما وسخت او تبولت ( اكرمكم الله ) ارمي القطن والمنديل واحطلها واحد جديد ..ولقيته اريح حل لي وليها ومن يومها نسيت شئ اسمه تسلخ او التهاب ..بس طبعا بعد ماكملت 4 شهور لغيت حكاية القطن والمنديل دي و بقيت البسها البامبرس طول الوقت بس لما تنام بفتحه علشان تتهوي وبحطلها اللحاف تحتيها ..

ياريت اضافتي تكون افادتك وجربي طريقتي ماحتخسري شئ يمكن تنفعك وتريحك اكتر وكمان اقتصاديه

شكرا اختى على المعلومه المفيده
انا بنتى متسلخه بقلها فتره طويله وهجرب الكريم ده وربنا يكرم

عزيزتى جزاكى الله خيرا للافاده ربنا يجعل بناتك من الذريه الصالحه اللهم اميين

انا فقط لى تعليق اهم شىء هو الوقايه
الوقايه خير من العلاج
بمعنى فى اساسيات لمنه حدوث التهاب من البدايه
- تغيير البامبرز كل 3 ساعات
- لو حسيتى باحمرار الجلد قليلا غيرى نوع البامبرز فورا بعض الاطفال جلدهم بيكون حساسه لانواع معينه
- فى كل مره غيار لابد من التنظيف بماء دافىء فقط وقطن طبى
لابد من التنشيف جيدا
- وضع كريم مضاد للتسلخات ويحتوى على اكسيد الزنك وموجود فى كل الصيدليان بيكون موجود على زيت زيتون او زيت شاى
لابد من وضعه فى كل مره غيار الماده دى بتعمل طبقه عازله بين جلد البيبى والبامبرز ومافيه

اما الكريم اللى انتى كاتباه مضاد للفطريات ويستخدم فقط عند وجود عدوى بالفطريات زبعد علاجها يقف استخدامه
ربنا يخلى لنا اطفالنا ويحميهم من كل شر ومرض اللهم اميين

انا كانت بنتى زى بنتك بالظبط والدكتور كتبلى على مرهم ميبو وبعد يومين راح كل الالتهاب والاحمرار اللى كان موجود دلوقتى بستعمل زيت زيتون على طول مره الصبح ومره بالليل مسحه خفيفه ومنعت كل الكريمات خالص والحمدلله مفيش اى التهابات ولا اى حاجه بقالها على كده 8 شهور