احترت اعمل اية ؟

السلام عليكم يا قمرات عندى مشكلة فظيعة ومش عارفة اعمل اية
الموضوع بختصار ان بنتى فى مدرسة لغات وهى تعتبر كويسة بس اللى مش حاباة ان فى واحدة جارتى وكانت زميلتى زمان فى العمل بس انا سيبت العمل دة من 5 سنين وهى خلفت وانا خلفت
وبالصدفة طلعت بنتها مع بنتى فى نفس المدرسة وكمان بنفس الكلاس واكيد علشان بنتى عرفت ان البنت دية بنت جارتنا وشوفنها كذا مرة بنتى بتقلدها فى كل حاجة وماشية وراها فى المدرسة وبتلعب معاها وسلوك بنتى اتغير جدا واكيد من البنت دية لان البنت دية جدتها هى اللى مربيها لعدم تفرغ امها والجدة مربتش كما يجب وللاسف بنتى لقت كذا حاجة منها انا عارفة انها من البنت دية لانى لاحظت عليها وطلبت من ميس الفصل انها تبعدها عنها ولكن المشكلة بقى هنا ان بنتى هى اللى بتروحلها الميس تقومها من جمبها بعد البريك تروح تعد تانى هى جامب البنت وعايزاها تلعب معاهها وكل ما احاول اقول لبنتى تبع عنها تقولى لا دية كويسة وانا بحبها وكل يوم بنتى بتزداد عناد جدا معايا وسلوكها بقى وحش ومش عاجبنى ومامت البنت عرفت انى مش حابة العلاقة دية فزعلت وقالت ان بنتى هى اللى بتتقرب من بنتها وهى على فكرة عارفة ان بنتى مؤدبة ومتربية وعارفة انى خايفة على بنتى من بنتىها لانها متاكدة ان بنتها مدلعه وانا مش بيعجبنى التربية دية خالص
مش عارفة انقل بنتى من الكلاس خالص مع العلم انى مرتاجة للمدرسين ولا امشيها من المدرسة خالص بس دى اكتر مدرسة منسبانة مادية والباقى كلة بعيد جدا عن البيت واغلى مش عارفة هل انا مزوداها ولا لا وبنتى بتعند معايا علشان قولتلها متكلمهاش ولا اية وعلى فكرة هما فى كجى 2
اسفة لاطالة وشكرا

عزيزتى لولو
ماهى التصرفات التى تقلقك هكذا
ارجو التوضيح

اهلا ياسحورة اتمنى ان بنتك تكون كويسة
لا ولا حاجة عارفة اسلوب الاكلام بتون كدة مش عجبنى
كمان الغلاسة والرخامة حاجات كدة يعنى
الاكلام بدلع كدة رخم
بس

غيرلها القسم مثل ما قلتي.واذا كان دلع البنت الاخرى هو المشكل يعني ما في مشاكل تخدش بالحياء او الدين فليش تحرمي بنتك منها خليهم مع بعض واصلا العلاقات بين الزملاء لا تدوم في الصغر يعني شئ سنة سنتين وبعدين يتركوا بعض .ولا ترغمي بنتك على شئ ما بدها تعملوا وحدثيها بلطافة و شوي شوي يمكن انك انت قلتلها اتركيها دغري وهذا الي خلاها تعند. ولاحظت ان علاقتك انت وام البنت صارت مو كويسة بسبب البنتين طيب ليش افسدت العلاقة بينك وبينها لاجل علاقة البنتين التي لا تدوم وراح يكبروا وينسوا بعض بس انتو الكبار لا راح تبقوا تذكروا .. ارجو اصلاح المشكل اذا كان يهمك الامر....بالتوفيق انشاء الله.

كتبت بواسطة om banota

غيرلها القسم مثل ما قلتي.واذا كان دلع البنت الاخرى هو المشكل يعني ما في مشاكل تخدش بالحياء او الدين فليش تحرمي بنتك منها خليهم مع بعض واصلا العلاقات بين الزملاء لا تدوم في الصغر يعني شئ سنة سنتين وبعدين يتركوا بعض .ولا ترغمي بنتك على شئ ما بدها تعملوا وحدثيها بلطافة و شوي شوي يمكن انك انت قلتلها اتركيها دغري وهذا الي خلاها تعند. ولاحظت ان علاقتك انت وام البنت صارت مو كويسة بسبب البنتين طيب ليش افسدت العلاقة بينك وبينها لاجل علاقة البنتين التي لا تدوم وراح يكبروا وينسوا بعض بس انتو الكبار لا راح تبقوا تذكروا .. ارجو اصلاح المشكل اذا كان يهمك الامر....بالتوفيق انشاء الله.

حبيبتى شكرا على اهتمامك حبيبتى
بصى الموضوع مديقنى لانى من زمان وانا اخاف تكون بنتى ليه علاقة بالولاد ولد الست دية لانى مش عجبنى تربيتهم هو عندك حق انا قولت لبنتى تبعد عنها لذلك بنتى بتعند انا عايزة اقولك ان لا العكس التربية الصحيحة من الطفل لما يكون صغير لازم تتاثث صح لان من شاب على شئ شب علية
مقدرش اسيبها لان ممكن تكون دية طريقتها
والموضوع انها بتتكلم بدلع اقصد بية دلع ماسخ بطريقة كلام مش عجبانى خالص بلكنة شوية مش لذيذة فهمتى قصدى
عارفة انا ميهمنيش علاقتى بام البنت امام تربيت بنتى ومصلحتها
المشكلة دلوقتى انى مش عايزة انقلها لانها مبصوطة مع الميسات بتوع الكلاس وفى نفس الوقت عايزة بنتى متعدش معها مش عارفة انسى بنتى ازاى او ابعدهم عن بعض او ازاى ابطل بنتى هذة الطريقة فى الكلام

طيب الحل انك تمسكي بنتك وتفهميهي على قدر عقلها بلطافة مو بعصبية ليش البنت مو كويسة سبب سبب وان الناس ما يحبوش البنت الثانية لان كلامها مو كويس ولاتحترم الكبار وانك عايزاها الناس يحبوها (بنتك) لازم تبعدي على البنت الثانية لتصيري زيها..وقوليلها اذا كانت اتحبك تتركها وهيك زي الكلام ده...وبعدين اتركيها تتصرف لحالها راح تبتدي شوي شوي تبعد عنها هي صعبة شوي لان بنتك اتعلقت بها فلازم شوية وقت لتبعد عنها ولا تضغطي عليها وتمطري عليها بالاسئلة لما تجي من المدرسة وتساليها تركتيها اكيد راح اتعصب واتعند اعطيها شوية وقت وبعدين حاولي مرة ثانية ولاتستسلمي وبهيك راح بنتك اتمل من العلاقة شوي شوي وحاولي تملئ الفراغ وتنسيها باقصى مجهودك لكي لاتحس بالفراق وعرفيها على صديقات توثقي فيهم.

عندك حق طبعا انك عاوزة تربى بنتك من الاول تربية سليمة بس لازم تعرفى ان الاطفال بيعندوا و بنتك فيسن العند لازم تاخديها بالراحة و بهدوء و تفهميها انها مش لازم تقلد اى حد عموما مش البنت ده بالتحديد و انها كده جميله و شاطرة كده يعني حاولى تحسيسيها ان هى شاطرة و جميله من غير ما تقلد حد و متزنيش عليها في موضوع صاحبتها ده كتيييييييييييييييير عشان كده هتتمسك بيها اكتر و اعرفى ان الاطفال بيغيروا صحابهم بسرعة فمتقلقيش من الموضوع ده انت ازرعى فيها الحاجات الكويسة و متقلقيش اهتمى بكده و بس متهتميش ازاى تبعديها عن صاحبتها اهتمى بيها هى و بشخصيتها و ربنا يكون في عونك و عوننا جميعا على تربية اولادنا

ازيك يا لولو ياررب تكونى بخير ياررب وازاى ملوكه ويوسف سلميلى عليهم كتييييييير

حبيبتى انتى قلقانه اكتر من اللازم بس انا عاجابنى اهتمامك باصدقاء اولادك وده فعلا مهم جداا لان بيكون ليهم تاثير كبير جدا على الاولاد

على اى حال انا اومن ان اهم شىء علاقهتك ببنتك مش تخلى اى شىء ياثر على هذه العلاقه ولاتحوليها الى عناد بالعكس احرصى على انها تكون صديقتك وتحكيلك على كل تفاصيل يومها يوميا ان شاء الله

عززى ثقه ابنتك بنفسها وقوليلها انها افضل من هذه البنت وانها لابد ان تبتعد عن تقليد اى احد حتى لو كانت صديقتها
واظهرى لها الحاجات اللى مش عاجباكى فى البنت الاخرى بطريقه غير مباشره
بدون اعطاها اوامر بالابتعاد عنها العناد صفه طبيعيه للاطفال اعتادى ذللك
وصدقينى بعد فتره هتبتعد عنها لاقتناعها بذلك وليس لانه امر من مامى
ربنا يحفظها ويخليها ليكى ياررب اللهم اميين

بصى يا حبى
مش معقول تنقلى بنتك من مدرسة كويسة عشان خاطر صاحبتها مش عجباكى او حتى تنقليها من فصلها اللى بتحبه
لان ممكن الفصل التانى او المدرسة التانية يبقى فيهم بنات اسوا من البنت دى
المجتمع كلللللللللللله فى حاجات غلط و احنا ما نقدرش نغير المجتمع بس نقدر نغير اولادنا

يعنى انتى ما تجيبلهاش سيرة البنت دى
انتى لما تلاقيها بتتكلم بطريقة وحشة قوليلها انا زعلانة منك الطريقة دى مش حلوة انتى بنوتة جميلة
لما تلاقيها صوتها عالى قوليلها البنوتة المؤدبة توطى صوتها
لو عملت حركات رخامة و دلع فهميها انك مش بتحبى كده و انك هتزعلى منها و مش هتجيبلها الحاجة اللى بتحبها لو عملت كده تانى

يعنى خليها تتصلح من غير ماتحس و تتعلم ان شخصيتها الكويسة تغطى على اى شخصية سيئة تعرفها
ده اللى هينفعها لمستقبل لسا ادامها الطريق طويل و هتقابل بنات و اولاد اسوا و اسوا فى ثانوى و فى جامعة
ف لازم تتعود انها ما تقلدش حد بالعكس تخلى الناس هما اللى يقلدوها فى تصرفاتها الكويسة

و ربنا يحفظهالك و يحفظ ولادنا جميعا و يبعد عنهم رفاق السوء
و عليكى بالدعاء و اشغليها بالمذاكرة و حفظ القران و علميها الصلاة و احكيلها قصص من خيالك او اشتريها عن البنات المؤدبين اللى الميس بتحبهم و البنات الوحشين اللى الناس بتبعد عنهم
يارب اكون لقيتلك الحل

كتبت بواسطة true love

عندك حق طبعا انك عاوزة تربى بنتك من الاول تربية سليمة بس لازم تعرفى ان الاطفال بيعندوا و بنتك فيسن العند لازم تاخديها بالراحة و بهدوء و تفهميها انها مش لازم تقلد اى حد عموما مش البنت ده بالتحديد و انها كده جميله و شاطرة كده يعني حاولى تحسيسيها ان هى شاطرة و جميله من غير ما تقلد حد و متزنيش عليها في موضوع صاحبتها ده كتيييييييييييييييير عشان كده هتتمسك بيها اكتر و اعرفى ان الاطفال بيغيروا صحابهم بسرعة فمتقلقيش من الموضوع ده انت ازرعى فيها الحاجات الكويسة و متقلقيش اهتمى بكده و بس متهتميش ازاى تبعديها عن صاحبتها اهتمى بيها هى و بشخصيتها و ربنا يكون في عونك و عوننا جميعا على تربية اولادنا

شكرا يا قمر على ردك
وعندك حق انا اليومين دول بطلت اتكلم عن البنت دية لانى اعد حوالى اسبوع عندى هستيرية ان البنت دية متتكلميش معها تانى وابعدى عنها تقولى لية يا مامى دى جميلة دى حلوة اوى انا بحبها دى صحبتى
بس بقالى كام يوم مش بتكلم عنا هى تيجى تتكلم عنها اعمل نفسى مش سمعاها وتحاول تشد انتباهى اعمل مش سامعة ربنا يسهل وتبعد عنها انتى عارفة انا مرعوبة من موضوع التقليد دة جدا ربنا يستر على ولادنا