ارجوكم يا امهات اللى تعرف د تخاطب فى الجيزه او مكان قريب من الهرم تقولى عليه لحسن بجد انا معنوياتى صفر
شكراا
للبحث في شبكة لكِ النسائية:
|
ارجوكم يا امهات اللى تعرف د تخاطب فى الجيزه او مكان قريب من الهرم تقولى عليه لحسن بجد انا معنوياتى صفر
شكراا
و الله ماعنديش فكرة
بس هو ابنك اد ايه
ابنى عمره سنتين
ممكن تتصلي بدليل التليفون وهم يدلوكي
وممكن تذهبي الى اي مستشفى من مستشفيات تبارك يوجد عندهم قسم للتخاطب
عن تجربة بلاش تتسرعى و تروحى لدكتور تخاطب لان الولاد بيتاخروا عن البنات جدا
لازم تعرضيه على الدكتور بتاعه الاول و تساليه عن وضعه طبيعى و الا في حاجة مش مظبوطة و كمان هو بيقول كلمات و الا مش بينطق خالص لان انا ابنى لسه ابتدا يتكلم من شهرين و هو عنده 3 سنين علشان اغلب دكاترة التخاطب نصابين لازم تروحى لحد مضمون
انا الدكتور بتاع ابنى انه طبيعى و هو هيتكلم لما يتم 3 سنين فى ولاد كتير كده
نونا و الله الولد حيرنى
الدكتور قال انه طبيعى
بس انا حجنن
و الله انا كمان هتجنن
ابنى عنده سنة و نص و مش بيقول غير بببب مش بابا
الولد ماشاء الله طبيعى فى كل حاجة بس الا النطق و لا كلمة يا دوب ببببب ممممممم
و على كده بقى له كذا شهر و الكلام مش بيتطور خااااااااااالص
و الناس طبعا كلامهم يخلى الواحد يطقققققققق
انتى مش بتكلميه
ايه ده ابنك متاخر ليه
ايه ده خلاص ده كبر و بقى عجوز المفروض يقول ماما و بابا
يارب احلل عقدة من السنتهم يااااااااااااارب و طمننا عليهم
قولوا آآآآآآآآآآآمييييييييييييين
عزيزتي انا حاسة بيكي جداً لأني مريت بنفس التجربة مع أبنتي وللأسف سمعت كلام اللي بيقولوا لسة بدري وفي عيال بيتأخروا في الكلام و متخافيش كل دة كلام فارغ
اذهبي فوراً الى طبيب تخاطب أنا ذهبت الى مستشفى تبارك وكانت النتيجة مذهلة ـ ابنتي كانت لا تنطق كل الحروف تقريبا وكانت تنطق الراء ـباء مثلاً ( كانت تقول على الربع جنيه ببع ) وكانت تقول على الكلب بب . والاهم من ذلك رفضوا يقبلوها في المدرسة والان هي زي الفل وعندها عشر سنوات وفي الصف الرابع الابتدائي ـ عقبال ابنك
نصيحة لا تتأخري ولازم تتكلمي معاه كتير في البيت
وربنا يوفقك
حاولى انتى تتفرغى لة كل يوم وقت معين و جيبى لعب او كتب فيها اشكال حيوانات و اقعدى معاة و قولى الاسماء مرة فى مرة حينطق
بصى يا حبيبتى اولا انتى ممكن توديه الحضانه وهناك هيلاقى ناس كتير بيكلموه فهيتعلم الكلام ان شاء الله ولو الحضانه مجبتش نتيجه فى دكتورة فى الطالبيه فيصل كنت دايما بشوف اليافطه بتاعت عيادتها بس مش فاكرة اسمها دلوقتى هبقى اشوفه لك واقوللك عليه
الروابط المفضلة