كيفكم ياأخوات

أرجوكم دلونى متى يكون ختان الصبى هل فى اليوم الثالث أو بعد هذا وهل كما يقولون أن الطهارة المبكرة التى فى الايام الاولى يمكن أن تطلع تانى ونحتاج الى تكرارها
وايضا أريد أن أسأل عن حلق رأس المولود أين يتم حلاقتها وهل يكون بالموس وهل يمكن التقدير بدلا من الحلق

حبيبتى يالاميرة ,,, الختان مستحب في اليوم السابع من ميلاد الطفل ولو اخر جاز ولكن لبضع ايام او شهور قلائل ولكن ليس لمرحلة البلوغ متلا ,,

ففي صحيحة علي بن يقطين قال: سألت أبا الحسن(ع) عن ختان الصبيّ لسبعة أيّام، من السنّة هو أو يؤخّر، فأيّهما أفضل؟ قال: «لسبعة أيّام من السنّة، وإن أخّر فلا بأس.»

واليكى هالرابط رح يساعدج كتييير ,,,
http://www.islam-qa.com/ar/ref/7889

تسلمين ويسلم طفلج من كل سوء انشالله ,,
تحياتى اختج ام روميسا ..

انا بابني تاني يوم انولد بس بالنسبة للحلق ما بعرف والله

بالنسبة للحلاقة ففي الاسبوع الاول ويفضل بالموس حسب السنة
والف مبروووك يربى بعزكم ودلالكم يا رب

انا اولادي بطهرهم ساعه الولاده وانا بالمستشفى والحمدلله مارجعت وكل ماكان اصغر بكون احسن علشان مايكون واعي ويتعب اكتربالنسبه للحلاقه ممكن تقدري وممكن تحلقي بس السنه الحلاقه بالموس

شكرا ياأخواتى على الرد
ربنا يقر أعيننا جميعا بالذرية الصالحة

اللي اعرفه الختان بعد اسبوع من الولادة ..

أختى الف مبروك ويتربى فى عزك

أنا ابنى أتختن ثالث يوم وانا فى المستشفى ودى أحسن حاجه .لكن الحلاقه لا اعرف بالضبط

أنا كمان ابني اختتن بعد الولادة مباشرة والحمد لله أريح وأنظف وما رجعت تاني

انا ليا تجربتين نظرا لانى ماشاء الله ولاقوة الا بالله معايا ولدين

الولد الاول طاهرته وكان عمره 4 شهور تقريبا وبصراحة تعب جدا من الالم وانا تعبت عشانه ومعاه .. كانت معاناه كبيرة كل لحظة الم كان بيتالمها كانت بتمر عليا سنة ومكنتش قادرة اتحملها وخصوصا انه ابنى الاول .......... والموضوع ده سببلى عقدة لدرجة ان فى ابنى التانى لما عرفت انى حامل بولد تانى فضلت اعيط وفضلت ناعية الهم من الطهارة

فى ابنى التانى طهرته تانى يوم بالمستشفى وبصراحة ماشاء الله ولا حس بحاجة ولا انا كمان حسيت بحاجة اتالم سات ماشيلنا الشاشة لكن قبل كدة وبعد كدة مافيش الم نهائى وكان نايم كويس وكله تمام .. وعمره الان 11 شهر والحمد لله مش محتاج طهارة تانى ولا حاجة بس اهم شئ الجراح الممتاز لان ممكن تحصل مشاكل لو الجراح مش كويس وخصوصا ان العضو الذكرى للطفل بيبقى صغير جدا وبيحتاج لمهارة

خلاص القصة ان كل مالطهارة كانت فى سن اقل كلما كانت اقل الم لان جلد الطفل بيبقى ضعيف والاحساس بيبقى نوعا ما ضعيف لكن لو الطفل كبر شوية لحمة بيبقى تخين وسميك فابيبقى مؤلم وبياخد وقت عقبال الجرح مايلم من وجهة نظرى ان اكبر ميعاد لايجوز اننا نتخطاه هو من عمر 40 يوم الى 2 شهر واحبذ ان تكون الطهارة قبل كدة يعنى من عمر 3 ايام الى 7 او 10 ايام دى الاوقات المناسبة

كمان اخر ملحوظة :- بلاش تدوا الطفل لاى حد يطاهره حتى لو كان مامتك .. لازم انتى تكونى موجودة والسبب ان الطفل بيبقى خايف وبيتالم جدا وواخد على خاطره جدا جدا جدا وصدقونى الحل الوحيد اللى ممكن يخليه ينام وينسى الالم شوية ويتطمن هو صدر امه وانك ترضعيه بجد والله عن تجربة فى الاتنين انا بخاف اوى كنت بخلى ماما تطاهره وانا استنى تحت المستشفى فى الشارع وافضل اعيط هههههههههههههههههه قلب الام بقى ... واول مايطلع اخده فى حضنى وافضل اطبطب عليه وارضعه وكلميه بصوت واطى وطيبى خاطره .. بجد انا مش هبلة ولا مجنونة والله الطفل بيحس اى نعم مش بيفهم الكلام اللى بتقوليه بس بيحس بنبرت الصوت وبيفهمها ودى عن تجربتين يابنات

اسفة على الاطالة واتمنى انى اكون افدتكم .. وعلقة تفوت ولا حد يموت .. وتفوت على خير باذن الرحمن