تجمع لعتاولة ركن الطفل .... صحبة زمااااااان

**أفنـ أم عمر ـان** · 28-08-2008, 07:23 AM

السلام عليكم ورحمة الله

أمر عجيب في هذا الركن !!! لا أردي كيف أصفه
مشاعر دفينة في نفسي ،
وأشواق تأبى إلا أن تطفو على شغاف قلبي مهما حاولت دفنها في الصميم !!!

لهذا الركن معزّة خاصة
لغالياتي مرتادات هذا الركن محبة خاصة
ولصحبة زمااااااان أشواق تأبى الخمود
أم سهيل حمرة الورد إيمان علي أم بدر ام غانم البشرى أم زيد دندون ودندوش أم سمية أم مجاهد و و و و و وغيرهم الكثير الكثير
في كل يوم أتمنى أن تعود أيام زمان
لسببين بسيطين أننا كنا نجد المتعة والألفة بيننا
والثاني أن همتنا تجاه تربية أطفالنا كانت في "العلالي"
ترى هل يمكننا ان نلتقي هنا مجددا
ونعيد ذكريات الماضي
ونعيد ذلك النقاش الثري والتكاتف والعاضد والتآزر في تربية أطفالنا
نحمّس بعضنا ونتبادل الأفكار
ننبه بعضنا للأخطاء ونتناصح !!

كنا هنا وأطفالنا رضع على أيدينا أو بعضهم في سني عمرهم الأولى والآن منهم من بلغ عمر المراهقة والرضيع فيهم أصبح طالبا في المدرسة
ما رأيكن أن نتواصل من جديد ونتناصح من جديد فيما يخص أطفالنا الاوائل أبناء ركن الطفل

وأطفالنا الجدد !!!!

سأدعو لموضوعي كل من استطعت من صحبة زمان ، وكذلك افعلي انت وهلموااااااااااااااا

**Dandosh** · 28-08-2008, 09:32 AM

وهاااااااااااااااااي انا اول العائدين

كنت اشارك في الركن من لما اكتشفت حملي بجنى، و هلا جنى عمرها قرب من الخمس سنوات و بالصف التمهيدي KG2
وعندي زيد - عمره سنتين و شهرين
أحيان كتيييير بتواجهني مشاكل في التربية والتعامل معهم ... بس هلا ان شاء الله بدي استشير عتاولة التربية حبيبات قلبي اللي ما بستغني عن خبرتهم

**أفنـ أم عمر ـان** · 28-08-2008, 10:01 AM

هلا دندوشتيييييييي

نسيت أقول شو صار عندي وعمر ولادي

عمر 7 سنين
بيان 4 ونصف
عُبادة 3 شهور

وأنا هلأ عندي كتير رغبة بالنقاش مع أمهات لأولاد بعمر 7 سنين

وكمان بعض الأفكار للعب مع بنتي ، ونقاش حول التعامل الخاص مع البنات بعمرها

وعبودي الزعرور الصغير بدي أبدا الموال معه من أول وجديد !!!

**Dandosh** · 28-08-2008, 10:12 AM

الله يحميهم العسولين ويخليلك ياهم يا فنونة ...

طبعا دندون ما عندها نت بالبيت الجديد عشان هيك رح اسمح لنفسي اجاوب عنها

ما شاء الله عندها عمر و بكر عمرهم سنة و 8 شهور
و عثمان الأمور عمره 4 شهور

**أفنـ أم عمر ـان** · 28-08-2008, 10:44 AM

دندوشة ويخليلك كتاكيتك الحلوين يا رب

قوليلي دندوش كيف وقتك اليومي مع جنونة شو نشاطات بتعملوا سوا؟ ولشو عم تميل بهالعمر
بيان محتاجة مني وقت نقعده نحكييييييييييييييييي ( ومن وييييييييييييييين أجيب وقت!!!) خاصة مع وجود بيبي جديد
لسه بحس وقتي ما انتظم
هلأ قررت أجبر حالي كل ما تجي تحكي معي اترك اللي بإيدي وأركز معها

**Dandosh** · 28-08-2008, 11:24 AM

جنى حاليا متقمصة دور الأم
وكل ما تكون عم تلعب ماسكة ابنها (غالبا دبدوب) و بتيجي تسألني عنه شو ماله تعبان و شو البسه
او انا مرات بروح عندها و بفتح معها موضوع بيخص ابنها
وطبعا بطريقة غير مباشرة بفهمها الابن شو لازم يعمل .. يعني يا ست جنى ابنك هاد لازم يسمع كلامك و اذا في شي زعله لازم يقول لك على طول
وهي بتصير تحكي متل الكبار و تحط رجل على رجل و تعطيني نصائح كيف اربي ابني الحقيقي زيد

وكتير كمان الها اهتمام بالجلي و التنظيف مو قادرة انسيها هالموضوع
لازم كل يوم تمسح الغبرة وتجلي كم كاسة ...

هادي اهتماماتها الحالية

**ورده مصريه** · 28-08-2008, 11:47 AM

اهلا يا ام عمر
موضوعك جميل فعلا ياريت نتلم مع بعض الامهات اللى عندهم اطفال كبار بالذات عشان بيكون عندهم خبره واديكى قلتى عتاوله .....ههههههه
ربنا يهديهم ليكى اولادك ويحفظهم يارب
انا عندى بنوته اسمها جومانا عندها سنه و9 شهور وادينى بتعلم معاها حاجات كتير وبعلمها وبلاحظها وعلى فكره انا عندى قوه ملاحظه الحمد لله بس هى قوتهالى اكتر هههههههههه من كتر ما براقبها من بعيد واشوف بتعمل ايه غلط صح وربنا يعينا بقى عليهم ...

متشكره انك اتحتيلى المشاركه معاكم واتشرفت بمعرفتك انتى وان شاء الله باقى الأخوات
وكل عام وانتم بخير وبصحه وعافيه

**أفنـ أم عمر ـان** · 28-08-2008, 01:54 PM

أنا فكرت بيان ماسكة هالدور عشان البيبي الجديد !!! طلع الموضوع عند كل الي بعمرها

وعلى التنضيف ليه تنسيها خليها متزكرة الله يرضى عليك بكرة بصير الموضوع بالغصب

وردة مصرية
يا أحلى وردة حياك الله معنا ، أنا متلك بتمنى ألقى أمهات أولادهم صاروا كبار يفيدونا ...

**ام سمية** · 28-08-2008, 02:03 PM

سبحان الله يا ام عمر ..ظلت نفسي تراودني اكتب في المنتدى ولكن حفلات الصيف لا تنتهي ..ولكن الان بعد ان بدا الاولاد بالمدراس وعادت الامور لمجاريها ..وعاد الصبح لي وحدي لا يشاركني فيه الا الصغير علي . "شايفة بكتب شعر في الحرية"..عدت لاكتب واشارك ان شاء الله ..
اولادي الان
نور 9 ونصف
سمية 7 ونصف
عمر 5
وعلي سنة و8 اشهر ..

كم انا سعيدة برؤيتك وبرؤية جميع الاخوات ..والعودة للكتابة في منتدى لك الحبيب..والحمد لله رب العالمين