مقارنه عجيبه بين الاولاد والبنات

**كلمات** · 21-11-2002, 04:59 AM

السلام عليكم ورحمة الله وبركاته

قريت هذا الموضوع في احد المنتديات وقلت اشوف رايكم

مقارنه بين البنات والعيال من قبل لا يدخلون المدرسة إلي ما بعد الزواج

قبل المدرسة:
البنت: حايسه بعمرها وحايسه بعرايسها لازم يكون لكل وحده فيهم اسم مختلف عن الثانية

وتحوس وهي تغير لهم الملابس وتسوي لهم حركات (يا ماما لاحقين علي الغثا)

العيال: مريحين بالهم ما عندهم عرايس يسمونهم عندهم سيارات وكل سيارة اسمها معروف..

وان تعبوا أنفسهم تلقاهم حفظوا أسماء المصارعين ولاعبين كرة القدم

إن دخلوا المدرسة:

البنت: لازم تقوم قبل موعد روحتها للمدرسة علي الأقل بنص ساعة عشان يمديها تمشط كشتها وتلبس مريولها وتعدل شكلها

الولد: كثر الله خيرة إن قام قبل موعد الروحة للمدرسة بخمس دقايق ويكون كل اللي عليه انه يغسل وجهه ويلبس ثوبه طبعا سروال السنة يكون لابسه من الليل

لا صاروا بالثانوية:
البنت: كل شي ممنوع. ممنوع طلعات ممنوع روحه صديقات ممنوع ممنوع كل شي

العيال: ااااااااااااااه من العيال كل شي مسموح. يبه أبي سيارة تامر أمر بكرة تكون السيارة عندك يا وليدي.. يبه أبي أروح مع العيال نتعشي بره (هذا في حاله واحدة فقط إذا كان ما عنده فلوس ولا العادة يقضب الباب ويطلع)
وهكذا دواليك (ترقدت بالمستشفي لمدة أسبوع بسبب ها لكلمه)..

لا صاروا بسن الزواج:

البنت: ودي أتزوج يمه أمها أسكتي يا قليلة الأدب وش تبيني أسوي لك أروح أخطب لك؟؟؟؟

الولد: يمه والله ودي أتزوج.. من بكرة الأم جايبه لولدها كتلوج صور لبنات عمانه وعماته وخيلانه وخالاته وبنات الجيران الخ الخ

وقت الخطبة:

البنت: إذا شافت لون جزمته (الله يعزكم ويكرمكم) زين منها

الولد: تتفقع عيونه وهو يناظرها....

التجهيز للزواج:

البنت: من محل لمحل ومن خياطه لخياطة مرة تبي ملابس سهرة ومرة تبي ملابس للبيت ومرة ملابس.... المهم ما علينا وش تبي من ملابس بعد

الولد: أبد ما يكلف علي عمرة يروح لأقرب خياط ويقوله خيط لي أربع ثياب الله لا يهينك ويمشي علي محل ويشري منه سراويل سنه وفنايل علاقي... وإذا كان الولد يااااااااااي يشري له كم بيجامه....

الاستعداد للزواج:

البنت: تستعد لزواجها من قبل أربع شهور عناية بالبشرة وعناية بالجسم وتصبيغ بهالشعر من لون للون عشان تدخل مزاج العم وفستان مدري كم يكلف ومكياج بروفه مكياج وبروفة تسريحه وحالتها تصير حاله

الولد: كثر الله خيرة إن فكر يتزين لزواجه ليله الزواج وكل اللي عليه انه يلبس ثوب وبشت ويتطيب والله أكبر أصبح كامل الأناقة والزين

منقول

**إيمان علي** · 21-11-2002, 06:26 AM

ايييييييييييييييييييييييه والله صدقتي...
وممنوع المعارضة، بقدر أجيب أدلة، ممنوع المخالفة في الرأي...
هذه هي مجتمعاتنا... Double standard
سامحوني لا أجد كلمة بالعربي تشرح ما أعنيه.
يعني بما معناه، الولد اي نعم والبنت لا...
مجتمعاتنا مبنية على هذا الفكر، والشرح عن هذا الأمر يطول... والساعة 10:30 ليلاً، وعيوني فيها فلفل....
تصبحوا على خير اااااااااااااه (أتثاءب)

**Dandosh** · 21-11-2002, 09:39 AM

ايمان حبيبتي اسمها ازدواجية المعايير

فعلا مجتمعاتنا عندها هالمشكلة بصورة عجيبة و قد ما يحكي الواحد عن حاله متحضر بيبقى بيميز

يسلمو ايديك عالموضوع كلمات

**- asma -** · 21-11-2002, 11:26 AM

والله ما ادري اضحك ولا ابكي على حالنا

**إيمان علي** · 21-11-2002, 02:12 PM

شكررررررراً يا دندوش، لو بدي أقعد شهر أفكر ما طلع معي ازدواجية المعايير

فعلاً حال ما في منه أمل!!
حتى في أمريكا موجودة، بيحكوا عن العدل بين الولد والبنت، لكن شو ما يعملوا في النهاية بيرجعوا لمعاملة الأنثى غير الذكر، من هيك عندهم عقدة حقوق المرأة والfeminism. ترجمي يا دندوش

خلص صرتي مترجمتي الرسمية