محتاجة وصفات لاطعام طفلى

**MarwaAhmed** · 06-04-2008, 12:22 PM

السلام عليكم ورحمة الله وبركاته

انا ابنى عمره سنة وشهرين الدكتورة قالتلى ياكل كل حاجة بس هو مايقدرش ياكل حاجة مش مضروبة فى الخلاط يعنى لازم تكون ناعمة جدااااا ومافيهاش حاجات صلبة

وانا دائما بعمل شوربة خضار يعنى شريحة دجاج + بطاطس + جزر واحيانا اضيف كوسة

بس انا عاوزة اكلات جديدة لانه زهق من الاكله ده .. عشان انا بعملها واضربها فى الخلاط ومعايا واحدة فى البيت بتاكله يعنى بعملها قبل ما اروح الشغل

ياجماعة افيدونى ..عاوزة اكلات جديدة ومفيدة ومغذية .. عاوزة وصفات كتيرةةةةة قوى عشان ابنى زهق من كل يوم ياكل شوربة خضار

وياريت تفيدونى بنصائح عن الاكل

وشكرا

وجزاكم الله خيرا

**DODY1778** · 06-04-2008, 04:05 PM

السلام عليكم و رحمه الله و بركاته .... أختى العزيزه يمكن ان تعملى له أرز مسلوق جيدا أو أرز باللبن و يكون الأرز ناعم خالص و ممكن بطاطس مسلوقه بالبييض المسلوق و المهروس جيدا ايضا يمكن عمل شوربه عدس بدون توابل (اى لا تضعى ملح او فلفل او كمون ) أو شوربه لسان العصفور بالأشكال مع وضع الأرز فيها و تقطيع الفراخ قطع صغيره جدا .... و الحلويات :جميع أنواع العصاير الطبيعيه و الطازجه و المهلبيه بأستخدام اى فواكه او بالجزر .... اتمنى اكون ساعدك .....و ربنا يبارك لك فى ولدك و لا تنسينى من دعاءك....

**نور تقية** · 06-04-2008, 04:10 PM

حبيبتى لازم تعوديه على الاكل الصلب هو طلع اسنان و لا لسة؟؟؟

**MarwaAhmed** · 06-04-2008, 04:58 PM

هو عنده اربع اسنان فوق واتنين تحت بس

بس هو مش بيعرف ياكل اكلات صلبة

**عطرالليالي** · 06-04-2008, 05:01 PM

سوي لة عدس فهو مفيد وغني لاحديد يعني سويه شوربة بس ثخينة واطحنيها واظيفيها على الارز او البطاطس المسلوقة ولاتنسين الزبادي ترى هو مفيد كمان

**noorelhoda** · 06-04-2008, 06:36 PM

شوفى حبيبتى
جمعى اى فاكهه عندك قطعه مانجا وقطعه تفاح وقطعه كنتالوب وقطعه برتقال وقطعه اناناس
اضربى كل الفاكهه فى الخلاط مع قطعه بسكويت واعطيه لابنك او ممكن تستبدلى البسكوت بملعقه زبده الفول السودانى مفيده جدا جدا جدا
ثانيا
اعملى له شوربه شوفان باللحمه وممكن بعد ما تعمليها تضربيها مره واحده فى الخلاط
عليكى بالارز المسلوق جيدا وقطعى فيه ضهر سمكه

**rody786** · 07-04-2008, 12:20 AM

الاكلة الاولى:
قشري تفاح و اسلقيه مع قليل من الارز ثم اضربيه بالخلاط

الاكلة التانية
اسلقي جزر و عندما يبرد اضربيه بالخلاط مع برتقال مع مراعاة ان الجزر يكون اكتر بحيث يكون كالمهلبية لا عصير

الاكلة الثالثة
طبعا الزبادي ما في اسهل منه و ي سلام لو عليه عسل

الاكلة الرابعة
المهلبية و دي عبارة عن نشا و لبن يستووا على النار

الاكلة الخامسة
شوربة الخضار مش بس بطاطس و احيانا كوسة لأ اسلقي معاها فاصوليا و بسلة و طماطم و بصل، و يمكنك التنويع يعني مرة تحطي كل المكونات مرة جزء منها مرة جزء اخر بحيث لا يمل من الطعم نفسه

الاكلة السادسة:
شوربة الشوفان مرررررررررررة مفيدة اتكلم عنها الدكتور في التليفزيون و قال عنها كلام حلو كتير

الاكلة السابعة
رقاق بالشوربة بحيث انك تزودي الشوربة علشان الرقاق يبقى طري

و لو بتعملي مرة بشاميل اكليه ملعقتين منها مجرد يتذوق الطعم الى ان يعتاد انه ياكل المكرونة معاه

و بمناسبة الصيف عندك الكاسترد و الكريم كراميل و الجيلي هو صحيح الوان صناعية بس اكيد افضل من الحلويات اللي بتتباع

ده غير طبعا عندك السيريلاك

و طبعا فيكي تدوبي بسكويت في شاي بلبن او لبن فقط

الجبنة النستو بس ابنك ما شاء الله كبر و لو ما اكلها بخبز و لا علبة راح تكفي نشاطه دي كنت بأكلها لبنتي و هي صغيرة شوية و لما كبرت بقت ساندويتش

بس حاولي شوية شوية تعوديه على الاكل الصلب الطفل من السبع شهور و نحن نعطيه بسكوتة او قطعة خبز في يده يمصها و يدوبها في فمه و في جزء منها ما يكونش داب و ياكله، و بعد كده بنأكله بيض مسلوق، و ما نفع بنتي في التسنين الا البيض المسلوق

ممكن انك تضربي الاكل في الخلاط ما عدا ملعقتين اهرسيهم بالشوكة و ضيفيهم على المضروب ده هيخلي نسبة الاكل الصلب قليلة في وسط الاكل و عوديه شوية شوية لما يتعود عليها زودي الكمية اللي هرستيها بالشوكة و شوية وشية ما تهرسيهاش جامد اوي و هكذا الى ان يعتاد على الاكل الصلب
و خلي بالك لو ما اتعود و هو صغير راح يتعبك جدا لما يكبرو اي حاجة ممكن تقف في زوره و هو بياكل
وربنا يعينك