ابنى وابن اختى-استشاره عاجله

السلام عليكن بنات المنتدى
هدخل فى الموضوع على طول انا ابنى عمره سنه ونصف واببن اختى عمره اربع سنوات والمشكله انى ممكن اخسر اختى بسبب ابنها اللى كل لما يشوف ابنى يضربه بغباء واختى سااااااااكته
يعنى امبارح رحت لها وابنى لسه ماشى قريب وعنده مهاره الاكتشاف يعنى بيحب يروح هنا وهنا
وابن اختى لمما بيكون معاه لعب مشبيرضى يعطيه له واختى تضحك وتول اعطى ابنك اى حاجه عشان يسكت لانه لسه صغير وتاخد اللعب من ايد ابنى وتعطيها لا بنهااااااا!!!! وابنى يصرخ وابنها يضحك
واللى زاد وغطى ان امبارح ضربه بسلاكه اسنان مدببه وعوره فى ايده ولما بباه سالنى قلت له انه كان هو اللى بيلعب وعور نفسه
وبعد كده ضربه وشده من زراعه ووقعه على الارضولما شفت ابنى كدا قلت لاختى ارجووووووووكى قولى لابنك عيييييييييييب
وكان الرد:::: (دول لسه صغيرين مع بعض وانتى عقلك صغير وابنى لسه مش فاهم لما يكبر افهمه
اسفه انى طولت عليكم بس بالله عليكم انا عقلى صغير
وان بكبر المواضيع طيب معنتش اروح لها ولا ايه
ارجو ارائكم فى اسرع ةقت وجزاكم الله خيرا

لو انا مكانك ما اروحلها واسلم على ابني

اختي انت لازم تروحي لاختك ساعة مو اكتر وهيك ما بتخسريها ابدا
ولازم ابنك يضل معك ويضل بحضنك ما تنزليه حتى لو عيط لا سمح الله يصير له شي بيقلك زوجك كاني ماني لا هيك اريح قلك وقلها او بكل احترام لمى بدك تروحي لعندها قليها اختي امانة انت شوفي ابنك وانا بشوف ابني
مشان ما يصيرلوا شي
متل ما بيهمك ابني انا بهمني ابني
او بالمزح قوليها وخلص
والله يحفظ ابنك وابنها
بس خففي روحات لعندها
ولما تروحي ساعة وبس وزيادة

السلام عليكم اختي
انا رايي من راي الاخت جنة الطيور
انك قوليلها علي هيئة هزار انك متضايقة من اللي ابنها بيعملو وانه ميصحش هي تاخد الشىء من ابنك وتعطيه
لابنها لان ده بيعمل منه شخص اناني مش بيهتم غير باحتياجاته بغض النظر عن مشاعر الاخرين
والله ياأختي لو ان اختك اخذت بنصيحتك وقومت ابنها تكوني عملتيلها خدمة كبيرة

ازيك يا عمري
انا كنت زمان أشوف اولادي بنضربوا و أضل ساكته ؟
لكن هلا لأ و ألف لأ !
رح أقترح عليكي مقترحات ..
الأول لما الولد يضرب إبنك بسرعة إمسكي إيدة و بلطف فهميه إنه اللي بيعمله خطأ .
ثانيا لما تروحي لأختك خدي لعبة لإبنك عندها
ثالثا : خلي طفلك أمام عينك و ما تخليه يبعد عنك .
رابعا فهمي أختك بلطف إنها ما تسمح لإبنها يضربه
خامسا قاضي الصغار شنق نفسه هههههههههههههه
يعني اليوم بيتخانقوا و بكرة بيتصالحوا ، بس إحنا اللي إذا زعلنا صعب نتصالح .
صح يا قمر ؟

انتي لمن تزوري اختك خذي كم لعبه لابنك وخليه يلعب فيهم
وخلي ابنك قريب منك قعديه جنبك وخليه يلعب بالالعاب
الصراحه اختك اعصابها باره تحاول تفهم ابنها انه تصرفه غلط وانه يلعب بادب وما يضرب حدا

كتبت بواسطة سروة

لو انا مكانك ما اروحلها واسلم على ابني

والله اختى انا احترت يعنى هقاطع اختى ؟؟؟؟؟؟!
والمشكله هى بس لو تعاقب ابنهاااااا؟
مشكوره لمرورك الغالى

كتبت بواسطة جنة الطيور

اختي انت لازم تروحي لاختك ساعة مو اكتر وهيك ما بتخسريها ابدا
ولازم ابنك يضل معك ويضل بحضنك ما تنزليه حتى لو عيط لا سمح الله يصير له شي بيقلك زوجك كاني ماني لا هيك اريح قلك وقلها او بكل احترام لمى بدك تروحي لعندها قليها اختي امانة انت شوفي ابنك وانا بشوف ابني
مشان ما يصيرلوا شي
متل ما بيهمك ابني انا بهمني ابني
او بالمزح قوليها وخلص
والله يحفظ ابنك وابنها
بس خففي روحات لعندها
ولما تروحي ساعة وبس وزيادة

المشكله اخت جنه انى لما ابنى هيتحبس فى حجرى هيصرخ ويبكى اكتر
واختى تقول ان عقلى انا اللى صغير
وكمان لو اخدت لعبه معى هتبقى مجزه!!!!!!!!!
والتانى هيشبط بيها وهتحصل مشاكل اكتر
مشكوووووووره جدا جنه لمساعدتك لى

كتبت بواسطة ام يوسف000

السلام عليكم اختي
انا رايي من راي الاخت جنة الطيور
انك قوليلها علي هيئة هزار انك متضايقة من اللي ابنها بيعملو وانه ميصحش هي تاخد الشىء من ابنك وتعطيه
لابنها لان ده بيعمل منه شخص اناني مش بيهتم غير باحتياجاته بغض النظر عن مشاعر الاخرين
والله ياأختي لو ان اختك اخذت بنصيحتك وقومت ابنها تكوني عملتيلها خدمة كبيرة

غلبت اقولها بس للاسف دى اختى الاكبر منى وبتعتبر النصيحه عيييييييب وكل ما اقولها تقوللى بكره نشوف تربيه ابنك هتبقى ازاى!!!
ولما اشخط فى اى حد من عيالها بتزعل وما تكلمنى لانها حريصه جدا عليهم
بارك الله فيكى

كتبت بواسطة ام البنين1977

ازيك يا عمري
انا كنت زمان أشوف اولادي بنضربوا و أضل ساكته ؟
لكن هلا لأ و ألف لأ !
رح أقترح عليكي مقترحات ..
الأول لما الولد يضرب إبنك بسرعة إمسكي إيدة و بلطف فهميه إنه اللي بيعمله خطأ .
ثانيا لما تروحي لأختك خدي لعبة لإبنك عندها
هههههه عملت كده والولد ابن اختى بيشبط فيها وبيفوز بيها وابنى عبيط
ثالثا : خلي طفلك أمام عينك و ما تخليه يبعد عنك .
رابعا فهمي أختك بلطف إنها ما تسمح لإبنها يضربه
بتعتبى النصيحه لها عيب وبتزعل لو وجهت ابنها قدامها
خامسا قاضي الصغار شنق نفسه هههههههههههههه
يعني اليوم بيتخانقوا و بكرة بيتصالحوا ، بس إحنا اللي إذا زعلنا صعب نتصالح .
صح يا قمر ؟

صح بس الولد بيصعب علياااااا يا ام البنين واى ام هتبقى كده صح؟؟
نورتى موضوعاتى بارائك الجميله وربنا يهدى

كتبت بواسطة رائده معروف

انتي لمن تزوري اختك خذي كم لعبه لابنك وخليه يلعب فيهم
وخلي ابنك قريب منك قعديه جنبك وخليه يلعب بالالعاب
الصراحه اختك اعصابها باره تحاول تفهم ابنها انه تصرفه غلط وانه يلعب بادب وما يضرب حدا

والله عندك حق اعصاب اختى بارده ودى المشكله!!
جزاكى الله كل خير

شوفي اكره المثل ده قاضي الصغار شنق حاله
ده كان زمان
الان الاطفال بيقلدوا الكبار
يعني ابنها اربع سنوات

وابنك صغير مابيقدر ياخذ حقه
يعني ابنها دارس تصرفات امه بحكمة وعارف امه ايش راح تعمل

يعني امه غلطانة خاصة لما تاخذ من ابنك وتعطيه بدل ما تعلمه انه يعطي ضيوفه تعلمه يكون اناني

وكمان لما ابنك اتعور كنت زعلت بجد وخرجت من بيتها
حتى تعرف انه صحة ابنك بالدنيا

كانت وحدة اعرفها تهدد بنات عمة ابنها بانه خالكم حيضربكم فيخافوا ومايجوا جنب بنتها

فصارت تضرب عصفوين بحجر

وهي كدة حتى مع اخواتها بتحط انه ابوه راح يزعل

لكن انت فعلا لازم تخففي زيارتك لاختك

وعادي كلميها خليها هي اللي تزورك

او انك تشرطي عليها انه تشيل العاب ابنها اللي بيتخانقوا عليها .

ياغاليتي بتضايق اوي من الامهات اللي تشوف ابنها بيضايق او بيكسر حاجه عند حد وما تكلف نفسها تقول كلمه حق لطفلها

ولكن أحنا بنبقي حساسيين قوي حتي لانضايق أحد فيصبح اطفالنا خايبيين

ولكن أعذريني ان أختك ماهي عندها نظره عدل يعني لو لفتي نظرها تقولك عقلك صغير جربي كده لما طفلها يضرب او يضايق ابنك انك تزعقي فيه شوفي ساعتها حتقولك ايه ساعتها هتنفعل قولي لهاانا كمان ابني غالي عندي واضحكي