LinkBack URL
About LinkBacks
مرحبا بنات. يمكن سؤالي غريب شوية بس بدي أعرف كيف بتسلوا البيبي الصغير.
أنا بنتي عمرها هلأ شهرين ونصف. الحمد لله بأرضعها طبيعي ووزنها في الحدود المطلوبة وصحتها تمام بحمد الله.
بدأت طبعا تتحرك كتير. طول اليوم تحرك رجليها وايديها وتلف راسها لليمين والشمال. بأحس برضه أنها بدأت تحاول ترفع نفسها بس مش بتقدر لسه طبعا لكن بتحاول.
الحمد لله هي مش نكدية ونسبيا هادئة. بس مشكلتي معها حاليا أني بأحس أنها بتزهق وما بأعرف كيف أشغل لها وقتها. يعني في الأول كانت ترضع رضعتها وتنام بس هلأ مستحيل. بترضع الحمد لله وبتصير تضحك وتلاعب حالها وتصدر أصوات (آآآآ..) كأنها بتناغي لنفسها ولما أضحك لها وألاعبها وأناغيلها بتستجيب ما شاء الله وبتضحك وبتطلع الأصوات أكثر. المشكلة أنها إذا تركتها شوية حتى لو كنت في نفس الغرفة بالكثير ربع ساعة وبتبدأ تزن كأنها زهقت. ما بتبكي بكاء شديد أو وجع. لأ بأحس أنها بس بدها اياني أعطيها اهتمامي كله وألاعبها أو أحضنها. المشكلة أنه طبعا زي كل الأمهات ورانا 100 حاجة نعملها وبالذات أنا لازم أبدأ دراسة لأنه ميعاد تسليم رسالة الماجستير قرب وأنا لسه ما بدأت فيها أصلا!!!
جبت لها مرجوحة بتصدر أصوات عصافير وموسيقى ولها سرعات للهز. بتنبسط فيها بس برضه بعد شوية اذا ما نامت فيها بتبدأ تزهق وبعدين وهي فيها برضه بتتحرك كتير ما شاء الله عليها. والمشكلة أنه اذا طولت في المرجوحة بترجع لي الحليب اللي شربته حتى لو كانت متدشية ولها فترة رضعانة مع أني بأحطها على أقل سرعة.
بدي أعرف هل فيه ألعاب تشغل البيبي في هذا السن؟ طبعا الخشخيشة ما بتعرف تمسكها لسه بس بتنتبه للأصوات لما أنا ألاعبها فيها. يعني قولولي كيف بيمضوا أطفالكم في هذا السن وقتهم؟؟
رد مع الاستدلال
مش وحشاك ولا غبت عليها
بس اللى مجرب وفارقها
قال ف الدنيا مافيش بعديها
الروابط المفضلة