ابنتي والنوم وارتباطه بالرضاعه ساعدوني

السلام عليكم كيفكم جميعا
انا عندي مشكله مع بنتي هيه عمرها سنه ونص انا فطمتها من فتره من حوالي 3 شهور مثلا بس المشكله انها لما بيجي وقت النوم بتكون عاوزه ترضع عشان تعرف تنام يعني لازم تنام وهيه بترضع عاوزه حل للموضوع دا عاوزاها تنام لوحدها من غير ما تكون رابطه النوم بالرضاعه مع العلم انها بتنام جمبي علي السرير ولما بتقلق باليل برضه بتكون عاوزه ترضع عشان تنام تاني مش عارفه اعودها ازاي تنام من غير ما تطلب انها ترضع مع العلم اني بديها بيبرونه فيها لبن قبل النوم يعني مش بتكون جعانه افيدوني ياجماعه للي عندو خبره في المواضيع دي عشان انا في بدايه حملي وخايفه تفضل كدا لحين الولاده وبعد كدا المشكله هتكون اكبر وجزاكم الله الف خير

فيه موضوع تاني عاوزه اخد رايكم فيه انا بنتي اسمها نور وانا حامل حاليا بس ما اعرف البيبي ولد ولا بنت وعاوزه اسم ولد وبنت يبقي حلو مع اسم بنتي اللي عندو اسامي ياريت يفيدني وجزاكم الله الف خير

وش رايك بي اسم مناير

هههههههه نفس مشكلتى اختى العزيزه انا برضه حاااااااامل فى الاول وابنى عنده سنه و3 شهور وحاولت افطمه لكن دون جدوى!!!!!!!
مش بيرضى ينام الا لما بيرضع وانى منتظره الحل معاكى ان شاء الله الاخوات يساعدونا
بس اسماء البنات والبنين انا بتركها لما نعرف نوع البيبى انا وانتى
وارجو التواصل معى نتعرف اكتر لاننا حالتنا متماثله واكيد هنمر مع بعض بمراحل حملنا سويا واهلا بيكى فى منتدانا الغالى

اهلا بيكي يااخت(النجم الفضي) عرفيني اخبارك اول بأول وانا هقولك علي اخباري ان شاء الله وربنا يسهل واحدي الاخوات تفدنا في الموضوع دا وربنا معانا ومع جميع الحوامل

مشكوره الاخت جوهر الروح اسم مناير جميل اول مره اسمه هفكر فيه ان شاء الله

الحقيقة موضوع الفطماك هذا كل الأمهات يمروا فيه واللي اطفالكم فيه شيء طبيعي الكل يمر فيه والحل الوحيد للتخلص من ادمان الطفل للرضاعة ومعليش اسمحيلي اسميه ادمان لانه فعلاً يكون شبيه بالإدمان لشدة ولع الطفل وتعودة عليه ، المهم الحل يكون فقط بالصبر والحزم يعني بالمختصر المفيد ماتعطيها صدك ابداااااااا ، بتقوليلي تبكي طول الليل وتصحى من نومها ويكون الوضع صعب ونكد في نكد بقولك صح بس هذه معاناة كل أم اثناء الفطام وستكون بس كم يوم وتنتهي المشكلة بتعود الطفل على النوم بدون الرضاعة وكل يوم سيقل بكاءه وأصراره ، في بعض الأمهات يحطوا على صدورهم اشياء عشان الطفل مجرد مايرضع يتقزز من الطعم مثل ليمون او ملح او ما شابه لكن بالنسة لي افضل عدم وضع أي شيء كي لا يضر الطفل وفقط الإكتفاء بالحزم وان تكون الام صبورة ولا تعطف على الطفل لانه هو اصلاً لايبكي من آلم وانما فقط لعادة اتعود عليها ولو تعاطفتي معاه لن تحلي المشكلة ابداً ، واعرف نساء يصل عمر اطفالهم الى سن الثلاث والاربع سنوات وهم يرضعوا !!!!!!!! لا تستغربي لان ان لم تحلي المشكلة لن تحل وستبقى .
ربنا يعينك ويقويك ولكن ثقي في كلامي اتخذي قرار من اليوم ان لا رضاعة بعد اليوم واقرأي على بنتك المعوذات وآية الكرسي وامسحي على شعرها الى ان تنام ومهما بكت ثقي انها في الاخير ستتعب وتنام حتى لو كان وقت متأخر ففي اليوم الاخر ستعتاد أكثر ومن يوم ليوم ستتعود على الوضع الطبيعي ويبقى معك ان تنقليها الى غرفة لوحدها لتنام فلا تنسي ان هناك طفل جديد سيشرف ولن ينفع وقتها ان تبعديها لانها ستربط بعدك عنها بوجود الطفل حاولي ان تستغلي شهور حملك في تجهيز تقبل ابنتك للمولود الجديد ولا تتركيها تفاجئ فجأة بأن هناك من أخدك منها وتبدأي تعاني من مشكلة الغيرة وتبدل سلوك ابنتك ، اسفه على الإطاله ولكن حبيت اعطيك صورة كاملة لحل كل هذه الامور قبل ان تقعي في مأزق وعدة مشاكل ولن تستطيعي التوفيق بين طفلين وكلاهما يريد ان يرضع وينام بجانبك فهذا وضع غير صحيح ابداً .
أما بالنسبة للأسامي لا تقلقي كل طفل يولد واسمه معه ومهما عددنا لك من اسامي ستجدي نفسك في الاخير تختاري اسم ربما لم يذكر ، فالبنسة لي لا احب الأسماء التي تكون متشابهه في النطق يعني نفس الاحرف فقط يختلف حرف فيكون وقعها على السمع واحد ومجرد ماتنادي طفل يأتيك الثاني ضناً منه انك ناديته بسبب تشابة الاسمين ، ولكن احب الاسماء الخفيفة والتي تحمل معاني عربية جميلة فأسم نور جميل جداً فكري بأسامي تكون خفيفة من ثلاث احرف او اربعة ولكن معانيها جميلة وان شاء الله ربنا يتمملك على خير ويرزقك طفل معافئ .

انا برده نفس المشكلة معايا نفسي ابني ما يعرف ينام من غير مايرضع مش عارفة اعمل ايه

جزاك الله خير اختي العربيه المسلمه وهحاول اعمل بنصيحتك من اليوم ان شاء الله وربنا يسهل وجزاكي الله خير علي موضوع الاسامي لان فعلا كل طفل بيتولد ومعاه اسمه يعني الواحد مش يفكر من بدري كدا.

السلام عليكم ورحمة الله وبركاته

كل الكلام اللى الأخت قالته جميل جدا واعتقد انك لو اعتطيها نعناع او ينسون او بيبى كالم او كراويه قبل النوم ده هيساعد انها تنام بسرعه ويريحك شويه واتركيها تمسك الببرونه وابتعدى عنها قليلا لكن راقبيها عشان متشرقش وهى كدا هتنام عليها، وياريت لو بباها هو اللى ينيمها او هو شويه وانتى شويه او لو مامتك معاكى
وربنا يوقفك وزى ما قالتلك لازم حزم

اختى عاملتى ايه طمنينى بصى افطمى ابنتك وبعد كده لو قلقت باليل حضرى لها كوب لبن واسقيها منه وان شاء الله ستواصل نومها وسلامى للبيبى الجديد