السلام عليكم

حأكحي لكم كم قصة.. ومنها تعرفوا الموضوع

وحدة بيوم العيد داخلة الحفل و بنتها تصيح .. ليش ؟
ما تبغى تلبس فستان العيد تبغى واحد ثاني
الأم أجبرتها على لبس فستان العيد ..
بعد ما رجعت البيت اكتشفت أن قماش الفستان يغز من جوا

الأب راجع من دوامه بالسيارة .. عند رأس الشارع شاف ابنه يلعب ..
قال له .. لا تلعب في ركن الشارع .. خطر
ثاني يوم .. ابنه يلعب في نفس المكان
أنا مو قلت لك أمس لا تلعب في ركن الشارع ..!
ثالث يوم و في نفس المكان
الأب يرفع يده و ينزل بهالكف على اينه
الولد و هو يبكي : يا بابا ايش يعني ركن ؟!

أم الجيران ..ما يصير ولدنا دايمن يجيكم لازم ولدكم يجينا
الولد يبكي ما يبغى يروح
الأم .. تجبر ولدها يروح لبيت الجيران ..: يا ولدي لازم تروح لهم .. سيقولون عنا بعدين شايفين نفسنا .. خايفين على ولدنا .. مدلعينه !
و كل يوم تجرجر الأم في هالولد لبيت الجيران و هو يبكي
بالأخير فكرت تسأله ليش ما تحب تزور ولد الجيران مو صديقك؟
الولد .ز و بتفكيره البريء على قده : بس يا ماما ما أعرف وين دورة المياه .. و إذا بدي أروح لها أقعد ادور عليها اخاف ما ألحق : /
و بكل بساطة .. أخذته لبيت الجيران و دلته على دورة المياه .. و صار كل يوم يروح لهم

الأب .. من كم يوم و هو يعلم بنته الطرح عجز فيها ..
مو راضية تفهم
يا بنتي 4-1 كم ؟ . طيب 2-1 ؟
لا فائدة
جاب لها مدرس خصوصي ..
المدرس .. 5 تفاحات أخذت منهم 3 كم باقي .
البنت : 2!
من أول يوم خلصت الدرس .. راحت لأبوها
يا بابا .. طيب ليش ما قلت لي من أول انو الطرح يعني ناخذ شي من شي ؟!


نصر على رأينا .. و نريد أولادنا يطبقوا أوامرنا و ما نراه في مصلحتهم ..
لكننا دائما ( غالبا ) ننسى الحوار و النقاش .. و الاقناع ..

حتى في المشاكل العويصة ..
ولدي عنيد .. و لدي مشاكس
جلسة هادئة قصيرة .. سؤال و جواب ... ممكن تنحل المشكلة

هل حصل معكم مواقف عصيبة أو بسيطة ..و انحلت ببساطة أكثر .. ؟

انتظر مشاركاتكم ومواقفكم اخواتي الغاليات