الي عندها الحل تساعدني

السلام عليكم ورحمة الله وبركاته

عندي مشكله عجزت وانا ادور لها حل انقذوني

ولدي عمره سنتين الله يحفظه مشكلته انه ما يحب يشارك احد بالعابه ويحب يسيطر على العاب الاطفال الي حوله في ناس اتقول ان هذا شي طبيعي عند الاطفال ...المشكله ان الكل مستاء من تصرفاته واذا ما اخذ الي يبيه يضرب بنفسه بالارض وانا اخاف عليه حياتي ماعندي غيره ...بليز ساعدوني بحل هالمشكله انا اعترف اني دللته زياده عن اللازم لاني بالنسبه له الام والاب ....وما يرتاح لين يسوي الي براسه قلت بدخله حضانه يمكن يتاقلم مع الي حوله وشوي يتغير طبعه طفش عيال الخلق ماني لاقيه له حل
ارجوكم افيدوني لاني اخاف يكبر وهو متمسك بعناده و عصيبته

حاولي انج تكلمينه بهدوى وتقوليله انه اخوان ويحبونك واذا تم يصيح طنشيه لانه هذ الاسلوب غلط وبيتعود وانتي وايد بتتعبين وياه وبتتفشلين اذا خذيتيه معاج اي مكان ولا تعودينه انه كل مايريد شي بيحصله ..

شكرا اختي على المرور والنصيحه انا حاولت معاه اسلوب التطنيش ماكو فايده حاولت اكلمه مافي امل يأست بيني وبينج حتى اني قمت اخاف عليه اخليه مع الخادمه اخاف تضربه او شي من عصبيته وعناده بس اضطر اخليه معاها لاني اشتغل ووالدتي الله يقومها بالسلامه كبيره وم اتقدر تلاحظه ما ادري شسوي

اختي بصراحة ابنك طبيعي .. هذا هو الرد على السؤال لان الطفل بيكون اناي ومتمركز حول نفسه ولن يستطيع اللعب التعاوني الجماعي الا بعد السادسة .. يعني اصبري عليه شوي والله يعينك

شكرا اختي زرقاء اليمامه على ردج انا مش مشكله بصبر لكن واتي وصديقاتي يمنعون اطفالهم من اللعب معاه لان ياخذ العابهم ويقعد يبكي ويناحس ما يبي يرجعهم فما احب احد ياخذ منه موقف وهو لسه نونو

تحياتي