افكار للعب مع الاطفال بعضها بلصور

**rony_alx** · 22-06-2006, 08:31 PM

بسم الله الرحمن الرحيم

السلام عليكم ورحمه الله وبركاتة

ازيكم يا احلى امهات

فى البدايه لازم نتكلم على اهميه اللعب مع الاطفال فى كل الاعمار

بدايه من اشهر وحتى 5 سنوات

حددت الفتره دى لانى سأضع لكن بعض افكار للالعاب معهم

مهم جدااا ان كل ام تلعب مع اطفالها وتبدأ بالنزول بفكرها وعقلها الى سنهم

ليستمتع الاطفال بقضاء وقت ظريف واهم شيء هو عمل لعبه تلعبى بها مع طفلك تعلمه شى

مثلا تعليمه

(و بعض الكلامات بلفه الانجليزيه او الفرنسيه على حسب رغبه الام فى اى مدرسه لتاهيله لدخول الحضانه )

او تعليمه الاعداد او الالوان او سلوك معين

و طبعاا للترويح عن الاطفال

واهم شى هو ان الطفل يكبر وهو متعود على انه صديق لماما وبابا

يتكلم معهم فى كل شى واذا ربينا وبدأنا منذ عده شهور على هذه البداية حيكون

سهل جدااا انهم يكونوا اصدقاء لنا فى العمر الاكبر

فاليكم بعض الافكار

كل من هذه الافكار بعض منها يستخدم به الوان ماء او اى نوع من الالوان

ومقص ودباسه او خرامه ومقص او كتر او اى نوع من اللزق

فارجوكم يا امهات احذرن جداااااااااا كل هذه الاشياء

لان الاطفال بتضع كل شى فى فمهم وممكن بلعه والمقص والكتر ممكن جدااا الاطفال يقوم

بمسكه واللعب به

وكل ده فيه خطوره جداا على الاطفال

وارجو عدم قص لعب الاطفال امامهم لضمان اكتر امان للاطفال

اعتذر على هذه المقدمه لكن فى امهات لا تدرك خطوره هذه الاشياء

وكمان عشان ماخدش ذنب اى طفل

يوجد مجموعه كبيره جدااا من الافكار لتسليه الطفال

واسهل هذه الافكار هى الالوان من انواع الشمع والفلمستور والخشب والماء

لكن اكثر نوع يسعد الاطفال لان قليل استخدامه جداا فى البيت هو الوان الماء

فمجرد رسمك لاى صوره لورده مثلا وقصها او فواكه او خضروات وقصها على ورق كرتون

واعطاءها للاطفال لتلوينها بالوان الماء

( وساعرض فى موضوع لاحق بعض صور للخضار والفاكهة ممكن طبعها والقص عليها )

ممكن قص مجموعه من الفراشات على الصناديق الكرتون وقضعها بلكتر

والاطفال يقوموا بتلوينها بالوان مختلفه وتعليقها من اعلى بخيط فى غرفه الاطفال

حيكون الاطفال سعداء جدااا لعمل شى بيدهم

طبعا الاطفال نضع لهم اللون فى البلته او اى شى ويضع الطفل صوابعه واحد فى اللون ويلون بهذه الطريقه

( بعد ما الطفل يلونه اطلبى من طفلك وقولي له اضبتلك الوان طبعا حيوافق فقومى بتلوينها جيداا بفرشه الألوان)

حيكون الاطفال سعداء بشكلها النهائى

زى الفراشات دى مثلا

**rony_alx** · 22-06-2006, 08:40 PM

ومن الممكن قص تاج للاطفال على الكرتون

احضار كرتون وقصه شريط عريض على عرض يدك والجزء العلوى قصيه على شكل

حرف z الى اعلى يعنى يكون زيكزاك

واعطى الاطفال مجموعه من المثلثات الصغيره تكونى مجهزاه من قبل من بواقى

الكرتون الملون وضعى على التاج صمغ ويقوم الطفل بلزق المثلثات عليه

سيكون الطفل فى منتهى السعاده

ومن الممكن انك تحضرى طبق صغير وتضعى به الوان ماء وبعد ما يلعب الطفل

شويه خذى يده ضعيها فى الوان الماء كلها وتكونى مجهزه ورقه نظيفه ويضع

الطفل يده عليها سيكون سعيد جدااا برسم يده واكتبى التاريخ عليها وعلقيها فى

غرفه طفلك ستكون تذكار جميل جدااا لطفلك

واحضرى اى ورقه كان ملونها طفلك فى يوم الوان الماء او تلوين ورقه جديده او اى

ورقه ملونه وقومى بتطبيقها لتصبح مركب ( اكيد اكثركم يعرف عمل المركب الورقي)

وبعدها اجعلى طفلك يمصق عليها الاستيكارز

**rony_alx** · 22-06-2006, 08:50 PM

احضرى ورق الكرتون بألوان مختلفه وقصى شرائط رفيعه

ويقوم الاطفال بلفها على شكل اسطوانه صغيره اذا كان عندك ابنه او ابن اصغر

هو الذى يقوم بلفه والاخ او الاخت الاكبر اعطيها الخيط وتقوم بعمل عقد جميل

ومن الممكن انك تحضرى مكرونه عقل صغيره وتجعلى الاطفال تقوم بتلوينها

بألوان الماء وعندما تنشف يقوموا بعمل عقد او اسوارة

ومن الممكن تلوين المكرونه بلون الفلومستر وايضا عمله عقد او لصقها على اى

لوحه من رسمك على ورق الكرتون

واحلى فكره من افكار المكرونه انك تقسمى المكرونه الى 3 او 4 كميات متساويه

وضعى كل كميه فى الفرن لمده مختلفه وبحراره مختلفه بتكون كل مجموعه بدرجات

لون البنى والبيج المختلفه ويقوم الأطفال بعمل عقد او سوار

من الممكن ايضاً انك تقومى بعمل برواز من كرتون الصناديق اقطعى قطعه كرتون

التى تحبيها وفرغيها من النص من 3 جوانب واتركى الرابع ليكون الشى الذى

تسندى عليه البرواز ويقوم الاطفال بلصق المكرونه الملون بلون البنى عليه فيصبح

فريم البرواز بلون الخشبى باى درجه له