السلام عليكم ورحمة الله وبركاته
لعنلنا نجلس معهم ونشجعهم على اللعب والقفز يعني بالصوت مثل حكاية جحا والدينار واحد يشوي والثاني يشبع من الريحة هه
شكرا لك شفافية
حمرة الورد والفل والكادي عظم الله اجركم وغفر لميتكم فاتصبروا ولتحتسبوا
للبحث في شبكة لكِ النسائية:
|
السلام عليكم ورحمة الله وبركاته
لعنلنا نجلس معهم ونشجعهم على اللعب والقفز يعني بالصوت مثل حكاية جحا والدينار واحد يشوي والثاني يشبع من الريحة هه
شكرا لك شفافية
حمرة الورد والفل والكادي عظم الله اجركم وغفر لميتكم فاتصبروا ولتحتسبوا
جزاكم الله خير شفافية وسيدة ..
ظروف حياتي تغيرت ومشاغلي ازدادت فسامحوني وحللوني ..
سأحاول أن أبقى على العهد معك يا لك
تسلم اياديك يا أم سهيل[/CENTER]
فين الأمهات ؟؟ محد بيلعب دي الأيام ؟؟
أمس لعبنا عروستي وشاركنا زوجي كمان .. كان مشتري طربوش مكتوب عليه اسمه .. فسرنا نحط شي على راسنا ونغطيه بالطربوش والباقين يخمنوا ..
والعلبة صار فيها 3 كلمات من كل كلمة بطاقتين عشان لعبة الذاكرة ( سنجوب - دودة - حبة جوز ) كلها من نفس القصة ..
باركولي ما شاء الله أتعلم يقرأ الساعة .. فاشتريتله أمس ساعة يد وسرت أختبره كل ساعة تقريبًا أسأله كم الساعة .. مرة سهل عليا التعامل معاه .. سار يعرف أوقات البرامج ومتى تقفل القناة ومتى تفتح .. ولمن أبغى أنام العصرية أقله راح أصحى الساعة كذا عشان لا يحسب اني حأطول .. وحتى ممكن أوصيه على أشياء يعملها في الساعة الفلانية .. عقبال ما يقرأ الكتب ان شاء الله .. قولوا آمين ..
في لعبة حلوة نلعبها من فترة لفترة : تعطيله كلمة عامي وهو يحولها عربي فصحى أو العكس وبعدين تتبادلوا الأدوار .. تنمي له حصيلته اللغوية .. وراح تكتشفي انه حتى انت تنسي أحيانًا ايش المرادف .. أو تكوني ما عمرك فكرت اش المرادف .. زي مثلا قطع الأثاث في غرفة النوم ..
وفي لعبة تشبه لعبة وجنات شوية .. كل واحد يقول اسم حيوان بسرعة واللي يتأخر مهزوم .. أو اسم فاكهة .. أو اسم انسان ... الخ ..
الآن عندنا مجموعة ألعاب في الموضوع : آكلات الأعشاب واللحوم - لعبة الخيال ( تخيل انك في غابة ) - القصص العقائدية - المصطلحات اللغوية - عروستي - البطاقات - أسماء الحيوانات أو الفواكه - دلني على الطريق .
ان شاء الله ما أكون نسيت شي
شفافية ممكن أجاوب عن أم سهيل ..
كيف عرفت انه عاصم ذكي :.. عشانهم صرعوني هو ومعين يومها ..ترى ماتعبني بس يتخاصموا ..وماشاء الله عليه مؤدب ترى من جد لما شفته آخر مرة حسيت اني ماربيت بزورتي ..الله يحميه لك .. عاد اليي عندي مافي مقارنة ..حالتهم حالة ..عين وصابتهم ..
نجي للمهم ..
الموضوع صار مرة مشوق وحلو ..
عندي اشياء كتير نسويها انا ومعاذ وميس .. هم في قضاء الوقت افضل من معين بكتير . معين يعصب بسرعة ..
امس مثلاُ قضى يومه من تايم أوت لتايم أوت ..
1- كتير مرات نجيب اوراق واقلام ونقعد نكتب .. مثلاً ايش بدنا نسوي في الاجازة .. ايش نحب أكلات .. مرات نلعب إنسان حيوان نبات جماد ..وهده مالعبناها من زمان مرة لانه اللغة فقيرة خاصة في البلاد ..
2- مرات نقعد نترجم وهده اللعبة مرة مضحكة ..لانهم يجيبوا معاني غبية مرة لبعض الكلمات ..
3- كتير افتح لهم http://www.lakii.com/vb/uploader/smi...atid=3&start=0 وهاتك ياتقليد ..
4- معين عنده لعبة تجيب المرض بس اسايره فيها ..يقلد حيوان وانا احزر ايش الحيوان ..هده تستنفد طاقته .. اليي يجيب المرض فيها ..انه معين يخترع حيوانات مالها اساس في الوجود ولما ما اعرفها يعصب كالعادة ويقرفني .. مثلاً اسد ضفدع فهد ..هدا كله اسم واحد حيوان سريع ويزأر وينق ..
معين معيشني في دائرة كآبة الله يصلحه .. أمس كان مطر طول اليوم ومن الساعة 9 ونص يبغى يخرج يستنى معاذ وميس لما يرجعوا من المدرسة ..وهم يوصلوا على 4:15 ..
5- أسوأ كابوس ....ندخل المطبخ ونسوي كيكة .. خلط الكيكة عادة ياخد مني 10 دقايق معاهم ساعة اليى ساعة ونص ..
6- نرتب غرفة من غرف البيت وهدا برضه مو مسلي ابداً لكن اسمنا نقعد مع بعض ..أحلى شي لما رتبنا غرفتي ..كانت مررررررررررررة مليانة ..خرجنا كل شي برة وقلت لابوهم لاتجي ابغى اقلب الغرفة .. وطبعاً غيرنا مكان السرير وجبت قوائم للسرير عشان احشي تحته كل البلاوي اليي مضايقتني في الغرفة . وجبت لمبات وعلقتها وجبت استكرات وألوان واشتغلت في الغرفة .. وهم معايا ومبسوووووووووووووووطين ونص النهار فرشنا في الارض وجبنا معمول وقعدنا ناكل ..
الغرفة اخدت اليوم كله وهم على آخر النهار طفشوا وخلوني لوحدي ..
وبعدها كل يوم ميس تزن متى نسوي غرفتي ؟
7- نلون .. نجيب ألوان مائية ونخبص .. يا على ورق يا على خشب ..يا على احواض زرع .. وانا اخليهم يقوموا واقعد اصلح ..
8 - نقعد على الكبيوتر .
9- نقرأ .
10 - نلعب بدون كلام .
11- مرات تجينا حالة ونقوم نسوي زي دا
إن شاء الله اذا تذكرت شي جديد ارجع .. لانه في اشياء كتير سويتها على مدى 9 سنين..
آخر مرة عدل بواسطة حمرة الورد : 27-04-2006 في 03:54 PM
ظروف حياتي تغيرت ومشاغلي ازدادت فسامحوني وحللوني ..
سأحاول أن أبقى على العهد معك يا لك
تسلم اياديك يا أم سهيل[/CENTER]
ما شاء الله عليك يا وجنات .. قائمة طويلة عريضة توسع الصدر ..
رفعتيلي معنوياتي شوية على عاصم .. ( خطيرة الصور .. معبرة )
أما على معين حيرتيني معاه .. يوم يكون أحسن أخوانه .. ويوم يجيبلك كآبة .. طب وآخرتها ؟؟
المهم الموضوع شكله عاجبك انت بس .. ياللا ما علينا نتبادل الأفكار ..
اليوم ما مدانا نسوي الكلمة لأني خرجت وبكرة عندي ضيوف .. بس أمس راجعنا كل الكلمات القديمة ولعبنا بيها الذاكرة .. واليوم لصقنا مع بعض صفحة وحدة بس ( لأنه وقتي مزنوق ) من كتاب فكرته حلوة مرة يجيب صورتين منقص من وحدة أشياء موجودة في التانية زي الاختلافات .. بس الصور الناقصة تتلصق .. مدري فهمتوا ولا لا .. بس أنا أشتريتها من جرير ..
رحنا اليوم لجد أبوه .. وخليته يحكيهم حكاية .. مرة انبسطوا وهو كمان فرح ..
ولمن رجعنا دخلت المطبخ أجهز لبكرة وخليته يشاركني شوية .. واحنا بنشتغل اديته معلومة عن الفصحى .. أصلها وكيف أتحولت للهجات كتير .. لأنه ولدي الله يحميه تطلع معاه كلمات بالفصحى في وسط كلامه .. والناس يضحكوا عليه .. فحبيت أفهمه انه هو الصح لأنه بيتكلم باللغة الأصلية عشان لا تسير عنده عقدة من ضحك الناس عليه .. بس عجبني الشرح .. لأني جلست أضربله أمثلة على اللهجات العامية وأتكلم بيها .. أول مرة يكتشف انه كلامنا يختلف عن كلام جيران أمي السوريين .. ويختلف عن سفروت وعنتور المصريين ... الخ ..
ياللا تصبحوا على خير .. ورايا شغل بكرة ..
تعرفي انا لي يومين مافي مشاركات ولا شي جديد ومرة طفشت هههههههه
معين يسمع الكلام .. وهدا احسن واحد فيها ..
الباقين يفقعوا القلب عشان يسووا المطلوب منهم ..
لكن يعصب بسرعة ويبكي ويقلبها نكد .
اقول الحمد لله انه صار يسمع الكلام بسرعة يمكن التعصيب شي خارج عن ارادته ..
كنت مشغولة من يومين في الكلمات اليي سويتها لمعين .. لونتها بألوان لميعة وغلفتها بشفاف عشان ماتتقطع .
كل يوم ياخد كلمة ويقراها وكل يوم راجع كل اليي اخده ..
الكتب اليي تقولي عنها عندنا .. وجبت منها كميات كبيرة ..
وكان قبلها عندنا الانجليزي..
الوجوه تخصصي
آخر مرة عدل بواسطة حمرة الورد : 29-04-2006 في 05:34 AM
ظروف حياتي تغيرت ومشاغلي ازدادت فسامحوني وحللوني ..
سأحاول أن أبقى على العهد معك يا لك
تسلم اياديك يا أم سهيل[/CENTER]
ماشا ءالله على ابنك ام عاصم
بالله كل عقله النظيف هذا وذاكرته القوية وما هو ذكي الله يحميه .
بصراحة الموضوع صار رائع بمشاركاتكم ياحلوين .
طلعت شيء ياشفافية هيا كثري من المواضيع الحلوة هذه هيا .
تابعوا برنامج انتقاء وارتقاء للمدربة
جواهر القعيطي على ركن النافذة الاجتماعية
وركن مدرستي بيتي الثاني
وركن الأمومة والطفولة
والله انا كمان بزهق وحتى مبلقيش وقت للعب مع ابنى مع انة الوحيد بس ان شاء الله التانى جاى فى السكة
معليش .. مالي نفس أكتب شي .. اليومين اللي فاتت كنت مرة مشغولة واليوم بنتي منكدة وطول الليل تبكي .. جاني اكتئاب .. أجيكم مرة تانية لمن تتحسن الأوضاع
مشكووووووووووووره وجزاك الله خيرررررررررررررررررا
الروابط المفضلة