هذا ما حدث معي اليوم ارجو كل الأمهات الدخول للعبره

اليوم كنت بالخارج لجلب بعض الاشياء للبيت و عند عودتي للبيت كنت احمل ابني البالغ عام و نصف و باليد الأخري الاشياء و بمجرد دخولي المنزل في عجله مني ازحت الباب بكتفي و اعتقدت انني بذلك قد اغلقته كما يحدث دائما

دخلت المطبخ لترتيب الاشياء اللتي احضرتها و كان زوجي نائم بعد عودته من العمل

مرت فتره بسيطه جدا لا تزيد عن دقيقتين او ثلاثه و انا لا اسمع أي صوت لابني و اعتقدت انه يلعب في حجرته لكن الهدوء الرهيب في البيت اثار شكوكي كما انها ليست عادته ان يتركني و يجلس في غرفه غير متواجده انا فيها

جريت علي الفور ابحث عنه في حجرته لم اجده
بحثت عنه في بيت صغير او خيمه في حجرته يحب الجلوس فيها حيث توجد لعبه و لم اجده

اتجهت للرسبشن وجدت البلكونه مفتوحه حيث تركتها مفتوحه قبل خروجي من المنزل لتدخل الشمس الي البيت و لم اجده

بدأت احس بدوار شديد و احسست اني كالمجنونه جريت في الشقه ابحث في الصالون تحت السفره في الحمامات في كل مكان لم اجده

اصبت بنوبه بكاء و صراخ و لم اعد اشعربالدنيا حولي
و اذ بي اجد باب الشقه غير مغلق جيدا

ايقنت انه خرج من الباب

جن جنوني اكثر فهو لا يستطيع النزول علي السلم بمفرده و انما يحاول دائما النزول وحده و طبعا بظهره و علي ايده و رجله و مخاطر النزول بهذه الطريقه كثيره جدا

نظرت علي السلم لم اجد له أي اثر لا تحت و لا فوق

جريت علي البلكونه و بحثت عنه في الشارع كنت كالمجنونه لا اعرف ماذا افعل

ايقظت زوجي و انا في قمة الانهيار و قلت له اني مش لاقيه عبد الرحمن في الشقه و لقيت الباب مفتوح و قلت له ينزل بسرعه يسأل عليه عند جدته لأنها و الحمد لله ساكنه في نفس العماره معانا

طبعا هب من السرير و جري علي تحت و انا اعصابي علي آخرها و الحمد لله لقيته طالع و معاه ابني حبيبي و نور عيني

ما تتخيلوش احساسي ايه و قتها

حماتي قالت لي اللي حصل و اللي انا باعتبر انه ربنا بس هو صاحب الفضل الأول و الاخير في رجوع ابني ليا
بتقول لي انها لقت جرس الباب بيرن عندها و فتحت لقت اولاد عمة ابني و معاهم ابني علي الباب و ان هما كانوا راجعين من المدرسه و قالوا يعدوا علي جدتهم يقعدوا معاها شويه
و هما طالعين علي السلم لقوا ابني نازل من فوق فاخذوه معاهم

و اللي كان ناقص بقي ان حماتي حاولت تتصل بيا علشان تقول لي انه عندها لكن انا كنت للأسف لاغيه الجرس و ما سمعتش و طبعا وقتها انا كنت عماله ابحث عنه في الشقه

اللي خلاني اكتب لكم تجربتي القاسيه دي اللي اتمني ان ما فيش أي ام تمر بيها ابداااا هو اني من يوم ما خلفت و انا حريصه علي ابني حرص شديد جدا و ده خلا كل اللي حواليا دايما يقولوا لي اني مزوداها اوي و لازم اجمد قلبي شويه
و بقيت مشهوره باني باخاف علي ابني اكتر من اللازم في كل مكان اروح له و فعلا قدروا يأثروا عليا و يخلوني اسيبه يبعد عن عيني و يلعب براحته و اجمد قلبي

لكن بعد اللي شفته النهارده انا هازود خوفي و حرصي عليه اضعاف اضعاف اضعاف و اتمني ان كل ام كمان تعمل كده

ما فيش اغلي من الأبن

كان ممكن انه اولاد عمته ما يجوش في الوقت ده و ينزل هو لحد الشارع و خلاص لأني ساكنه في شارع رئيسي السيارات فيه كتيره جدا جدا جدا جدا
او كان ممكن لا قدر الله ايده تفلت من السلم و يتدحرج عليه

الحمد لله

لكن بعد كده لازم عيني تبقي و سط راسي و لازم حرصي يبقي اشد من الأول كمان

الحمدلله على سلامة بودي
وسلامتك إنت كمان

لأني انا لما بيصير معايا كدا بفقد أعصابي وأصرخ وأبكي
ومرة لمن بنتي الكبيرة عملت الحركة دي كنت في التاسع وقعدت اصرخ وانقز زي المجنونة بكرشتي قدام ابو زوجي

وبركة لحقناها كانت لسه في الدرج نازلة والبيت كان لسه بيتبني يعني عمال وحفر واشيا خطرة
وعلى قد حرصنا على قد محاولتهم للتخلص من دا الحرص في أول فرصة تتاح لهم
الله يحفظ عيالنا وعيال المسلمين

حمدا لله علي سلامة ابنك
وان شاء الله لما اصبح ام سافعل بنصيحتك وااخد بالي منهم كويس اوي

الحمد لله على سلامته
لايا أختي لاتقولين حرص او غيره
يعني انتي تركتي الباب اهمال!؟ طبعاً لا
لكن قدر الله وماشاء فعل
ولطف سبحانه وتعالى
نعم نحرص لكن بحدود ولازم نعرف ان الله هو الحافظ ولو اراد شيء
لو كنا في بروج مشيدة راح يجينا
لكن أعقلها وتوكل
نحرص حرص طبيعي وقبل كذا نتوكل على الله

حمدالله على سلامته

وربنا يحفظلك اياه ويطمن قلبك عليه دايما ياااااااارب

هم كده في السن ده... نقعد نقول متى يمشوا متى يمشوا... وأول ما يمشوا نشد في شعرنا من الخوف والقلق..

ربنا يحفظ كل أولادكم ولا يريكم فيهم مكروه أبداااااااااا

حمد الله على سلامته اولا واخيرا
انا لو حصل ده مش عارفه ممكن اعمل ايه
يالهوى ده انا اطب ساكتة
ربنا يستر انا كمان حماتى معايا فى العمارة

اولا السلام عليكم ورحمت اللة وبركاتة
لما قريت الاسم قلت مين الى كتب الى حصل معاية مع ابنى عبد الرحمن
بس الحمد للة ان احنا لاقيناهم انا ابنى سبنى وراح عند جدة لوحدة وانا كنت فى المطبخ وبعد
كدة متسبيش الباب الة لما تطمنى علية وربنا يخلية ويحافظ علية

حمد الله على سلامه بودى ربنا يخليه ويحفظه عارفه يا ام بودى الاطفال اتوقعى منهم اى حاجه انا ولادى بيزوغو منى فى محلات لعب الاطفال حتى لو ابوهم معانا نكون بنختار لعبه لواحد فيهم تلقى التانى زاغ .. لازم يكونوا تحت المراقبة ربنا يحفظهم ويقدرنا على تربيتهم

الحمدلله على سلامة ابنك وبالفعل حسيت فيك واتمنى محد يمر بلحظات خوف وقلق على الاولاد الغالين والله لايحرمنا منهم يارب

يارب احفظلك ابنك عزيزتى

وربى يسعدك