بسم الله الرحمن الرحيم


السلام عليكم ورحمة الله وبركاته


يالغاليات كيف حالكم اتنمنى ان الجميع بخير........ يالغاليات انا بنتي عمرها سنتين وشعرها حيل خفيف مع اني

حلقتها على بالموس بس مافيه فايده واحس ان حيل خفيف....... وصارلي مره موقف كانت بنتي تلعب بالعاب

المطعم اللي كنا ناكل فيه وكانت تلعب معاها بنت امريكيه او بريطانيه وكانت كبر بتي وتبارك الرحمن كيف كان

شعرها كان لحد كتفها وانا بنتي كانها ولد عندها ابي اعرف كيف شعورهم هالشكل مع انهم مايعرفون الخرابيط

اللي احنا نحطها مثل الدهن والحنه....... ياليت تساعدوني واتمنى مشاركت الكل اذا امكن.



تحياتي لكم جميعا

وعليكم السلام ورحمة الله وبركاته

أختي عادي هذي خلقتها اللي الله خلقها .....ولابد انه وراثي مو شرط منك انتي اساسا او ابوها يمكن وراثي من الجد الرابع وهكذا


بعدين لا تطالعين الناس كل واحد وله خلقه مختلفة واللون والنعومة والكثافة والطول.....وغيره كلها وراثية
...لا تشيلي الهم حبي شكل بنتك مثل ماهي هذي بنتك انتي من رحمك وصلب زوجك ماله دخل تقارنينها بوحده ثانيه وراثتها تختلف

أقصد يعني شوفي الصفات اللي في عايلتكم اكيد بتلاقي احد زيها

طبعاً حنا نتمنى ان اولادنا يكونوا احلى الأولاد واجملهم .....لكن هذا اللي الله خلقها عليه

مثلاً أنا بنتي شعرها ما طلع لشعري أبداً ولا لشعر خالاتها اطلاااااقاً

طالع شعرها لوحده من عماتها ناعم بس متموج يعني مو مسترسل كثير

ومع هذا شايفته حلوووووو مره ولايق عليها مع وانا احب هذا النوع من الشعر

يوه يا اختي لا تشيلي هم

وحدة قريبة زوجي ولدت قبلي بخمس ايام وجابت بنية ابني لما كان عمره سنة ما شاء الله شعره كثير امها شافته قالت هي اكبر منه بخمس ايام وبنت وماعندها شعر .
والحين بنتها عمرها ثمان سنوات وما شاء الله شعرها غزير وحلو .

يعني الطفل في السنين الاولى من حياته كل شيء مختلف بس شوفي في سن المدرسة راح تفتكري كيف كانت وكيف صارت .

بسم الله الرحمن الرحيم

السلام عليكم ورحمة الله وبركاته


تسلمون على هالكلمات الحلوه والتشجيع وماقصرتوا .


تحياتي ودمتم سالمين

معاناتك مع بنتك ................. نفس معاناتي مع بنتي لما كانت بعمر بنتك ..

وكانت حالتي حالة ... معذبتها بالزيوت والحنا والخلطات ... الطبيعية طبعا ..

وكنت لما اروح مكان عام بس اطالع في البنات اللي بسنها واقارن شعرها فيهم...

بس يبدو انها طبيعة بالشعر .. يعني وراثة ... وهو لاشك ان الأهتمام يحفز بس مايغير كثير ..

عموما انا بنتي الحين عمرها اربع سنوات ... وشعرها ماشي حالة .. بالنسبة للكثرة

ما عليه ... بس مو طويل ... يعني يا دوب كاريه قصير ..

وبنت اختي بنفس عمرها بالضبط ... ماشاء الله شعرها نص ظهرها ..

يالله ... الدنيا ارزاق من رب العالمين واحمدي ربك انو مو خشن ... لأن الخشونة مالها حل ...



تحياتي لك

أنا بنتي زيك و إذا روشتها حطيت لها كريم سانسيلك و كتمتها بقبعة لييييييييييين يجف و يطلع كأنه ناعم بس لازم يطلع قصير عشان تزبط الطريقة .......